صحوا العصر على صوت سعد ( ابو سعود ) ]
( عند العيال )
سعود : عيال وش رايكم نطلع للبر ؟
ومن العيال اللي يقول ( قدام ، يلا )
اتفقوا انهم يروحون بعد صلاة العشاء ويمسون فالبر
( عند البنات )
واللي دخل عليهم سعود وهو يصوت لاخته رفعه : رفعهههه
رفعه : هلا وش بغيت
سعود : بنطلع البر انا و العيال بعد العشاء ونبيكم تجهزون اغراضنا وعلمي امي
رفعه : زين زين
راحت رفعه تعلم امها وتجهز الاغراض دخلوا عليها البنات : وش تجهزين ؟
رفعه : العيال بيطلعون البر بعد العشاء وقاعده اجهز اغراضهم
اسماء : بنات وش رايكم نروح معهم
تهاني: اي خلونا نغير جو
رفعه : خلاص بقول لسعود واشوف ( لبست رفعه جلالها ورات للمجلس واللي كان جالسين فيه الشباب )
رفعه : سعود سعود
سعود: كان فيه احد يناديني؟
العيال : ايه
( راح سعود لرفعه ) : نعم بغيتي شي
رفعه : ايه
سعود : وش بغيتي
رفعه : عادي نروح معكم البر ؟
سعود: صبر بسال العيال
( دخل سعود على العيال ) : عيال البنات يبون يروحون معنا نخليهم ولا ( سعود كان وده يروحون عشان يشوف ساره )
هادي ( فز اول ماعرف ان البنات بيروحون معهم لان له فتره ما شاف ساره ووده يشوفها ) : عيال حرام خلوهم يروحون ماراح نخسر شي اذا راحو
( العيال وافقوا ) وراح سعود يقول لرفعه : خلاص تجهزوا ونفس ماقلت لس بعد العشاء بنمشي
رفعه طارت من الوناسه وراحت تركض للبنات تقول لهم : بنات بنات وافقوا وافقوا
طاروا البنات من الفرحه
ساره : طيب يلا خلونا نتساعد مافي وقت ( كان باقي شوي ويأذن المغرب)
البنات : يلا
( ومن بعد صلاة العشاء الكل طلع يحط الاغراض فالسيارات )
سعود : انا باخذ البنات وانت ياهادي خذ الشباب ( كانت عيون سعود وتفكيره كله مع ساره )
هادي : ليش انت ما تاخذ الشباب وانا البنات ؟
(سعود سفهه)
ركبوا البنات مع سعود والعيال مع هادي وكانت رفعه فالنص وساره على الباب الايسر قدام اما الباقي كانوا ورا وكانت نظرات سعود شوي على ساره وشوي على الطريق
وصلوا وبدوا يرتبون المكان ( كانت الجلسه عيال وبنات ولكن البنات لابسين اجله)
بدت السوالف وكانت عيون سعود وهادي على ساره ( ولكن حب سعود لساره يغلب حب هادي لساره ، اما عن ساره كانت تعتبرهم اخوان لها)
هادي:ماتحسون انه برد وش رايكم نجمع حطب ونشب النار
سعود:اي والله برد يلا ياعيال تعالوا نجمع حطب وانتو يالبنات ادخلوا الخيمه لين نرجع
هادي: لا ماني مخلي البنات يقعدون لحالهم بقعد معهم
سعود: دام الوضع كذا انت اللي قلت خلنا نجمع حطب رح انت والعيال وانا بقعد معهم
(كلهم يبون يقعدون عند البنات عشان ساره)
وبدوا يتهاوشون على ذا الموضوع
ساره(وهي مستحيه):خلاص واحد منكم يروح ولا مو لازم تشبون نار ادخلوا في بيت الشعر وانا والبنات في الخيمه
هادي: خلاص انا بروح مع العيال
سعود: لا والله انه انا
(البنات قاموا يضحكون)
تهاني(بضحك): وش صار قبل شوي كل واحد يبي يقعد عندنا
رفعة:ظني انهم لمحوا وحده ذاك اليوم
ضحكت تهاني وقالت: صادقه وكلمتها تمشي عليهم بعد
رفعه(بمزح):اجل كل مابغينا شيء بنخليها توصيهم
[ساره مافهمت وش يقصدون ومن يتكلمون عنه]
سارة: بنات انتم تتكلمون عن من؟
البنات ضحكوا على فهاوة ساره ..........
أنت تقرأ
ياسعود صد وبعد ومدري علامه اثر بنت عمه صارت حلاله
Khoa học viễn tưởngبطل القصه سعود بعد حب دام 11 سنه...... الرواية خيال كلها التاريخ اللي نزلت فيه ( ١٤٤٣/١١/١٥ )
