في احد القري الشعبيه يوجد منزل متوسط الحال يوجد بداخله فتاه مرحه جميله المظهر تسمي حور
حور ببكاء: والله معملتش حاجه يا ماما مكنتش اقصد اكسر الكوبايه
الام: يعني لا نافعه في تعليم ولا شغل بيت ملكيش لازمه في اي حاجه غوري مني وشي لا يبقي موتك علي ايدي
حور ببكاء: حاضر حاضر وتجري علي اوضتها وتعيط جامد يارب مش عارفه انا عملت ايه عشان انضرب كل الضرب ده ومش عارفه ماما بتعمل معايا كده ليه كل شويه تضربني بالخرطوم وتزعق فيا علي اتفه الأسباب يارب ساعدني يارب انا عبدك الضعيف ساعدني انا ماليش غيرك
الام: انني يا زفته اللي اسمك حور قومي غوري علي درسك وياريت بتنفعي ولما يجي ابوكي واخويا هخليهم يشوفو حل معاكي
حور: تزادد ف البكاء وتقوم تلبس دريس اسود وطراحه اوف وايت وكوتشي ابيض وتاخد حاجات الدرس وتنزل تلاقي صحبتها بترن عليها وترد ايوه يا شهد
شهد: صحبت حور من وهي صغيره بتحبها جدا وتخاف عليها بنت جميله وطيبه ونفس عمر حور طويله وبيضه وعينها بني غامق وشعرها اسود ومحجبه
شهد: ايه با حور برن عليكي من بدري مش بتردي ليه وماله صوتك حصل حاجه في البيت ولا ايه
حور : لا مفيش حاجه ما انتي عارفه ان ماما كل شويه بتعمل ايه معايا بس المهم انتي فين عشان نروح الدرس ومنتاخرش
شهد: معلش يا حبيتي استحملي وان شاء الله كل حاجه هتتحل انا قربت منك اهو خلاص 10 دقايق واكون عندك
حور : خلاص ماشي هستناكي يلا سلام
شهد: ماشي سلام
وتيجي شهد وتقابل حور ويروحو درسهم
💙💙💙💙💙💙💙💙💙💙
نروح بقي في احد الإماكن الرقيه يوجد فيلا كبيره جداا يعيش بها
اسد محمود الجارحي بجبروته المعتاد
اسد وهو ينزل من علي السلم
اسد: داده منال يا داده
(الخادمه منال وهي اقدم خدامه في الفيلا وهي اللي ربت اسد واخوتها بعد موت امهم وبيعتبروها زي امهم عارفه حال البيت كله ست طيبه جداا وحنونه بتحب اسد وفهد وملك وسما اخوات اسد)
منال: نعم يا بيه
اسد: قولتلك اكتر من مره يا منال متقولش بيه دي تاني انا زي ابنك وانتي عارفه معزتك عندي قد ايه
منال: لاكن المقام يابني خير يا حبيبي كنت عايز مني حاجه
اسد: اها ياريت يا داده تخلي حد من الخدم يعملي قهوه ويجبهالي علي المكتب
منال: هعملهالك انا يابني مانا دايما بعملهالك مالها لا تكون بعملها وحشه
اسد:لا يا داده مش وحشه ولا حاجه بس انتي كده بتشتغلي وانا خليتك تبقي رائيسه الخدم تشرفي عليهم بس
منال: ماشي يا حبيبي انا بحب اعملهالك ومش بتعب ولا حاجه انت ابني
أسد: ماشي يا داده زي ما تحبي عشان انا عارفك هتعمليها بردو
منال: هههههه ربنا يديمك ليا يا حبيبي
اسد: ماشي يا داده يلا اعمليلي القهوه امال بابا فين وفهد وسما وملك
منال: فهد راح الشركه وملك وسما في بيجبو شويه حاجات ومحمود بيه في المكتب مع اللي ما تتسمي نجلاء
اسد: طيب يلا يا داده اعمليلي القهوه وهتهالي علي مكتب الحج
منال:حاضر من عيوني
💙💙💙💙💙💙💙💙💙💙
في مكتب محمود الجارحي
محمود الجارحي: نجلاء بطلي تدخلي في حيات ولادي وتغير منهم عشان بعملهم كل حاجه هما عايزينها
نجلاء بغل وكره: وعيالك احسن من عيالي ف ايه مش عشان امهم ماتت يبقي تعملهم احسن من عيالي لا هما زيهم زي بعض ومتفرقش بينهم انا عيالي مفيش احسن منهم لازم تعملهم زي ما بتعمل لي عيالك
محمود الجارحي: عيالك دول عيالي انل كمان وكل اللي بيطلوبه بيجي لحد عندهم وزياده ف بطلي بقي الحقد والغل من عيالي عشان انا مستحملك بالعافيه عشان عيالي بس
روحيه بحقد وكره: اهاا تلاقي عيالك هما اللي مسلطينك عليا عشان بيكرهوني وبيكرهو عيالي ما امهم لو كانت ربتهم مكنش ده هيحصل
اسد: سمع كل حاجه حد قالتها نجلاء وعينه احمرت من الغضب
اسد بغضب وانفعال: انتي ازاي تتكلمي عني وعن اخواتي وامي كده مين ادكي الحق عشان تتكلمي كده انتي هنا مرات اب بس واحسنلك تبعدي عني وعن اخواتي ومتجببش سيره امي علي لسنك الزباله ده واقسم بالله هيبقي اخر يوم في عمرك علي ايدي ومحدش هيقدر يحوشك من ايدي انت متجوزه أبويا عشان الفلوس وبتزرعي الكره في عيالك ناحيتي انا واخواتي ف ابعدي عننا احسنلك انا حذرتك اهو ومش هيبقي ليكي قاعده في البيت ده تاني عشان لو حصل حاجه تاني مش هيبقي في كلام هيبقي في فعل ومتلوميش غيرك نفسك بقي انتي اخرك مرات اب بس خليكي حاطه دي في دماغك انا مش عارف الحج مستحملك لحد دلوقتي ليه وراكي سر ولازم اعرفه
نجلاء:...........
بسسس خلص البارت
ياتر نجلاء هتقول ايه وليه بتكره اسد وأخواته
وايه السبب اللي محمود الجارحي ساكت بسببه علي اللي بتعمله نجلاء
وياتر اسد هيعمل ايه مع نجلاء لما يعرف السبب
وايه اللي هيحصل مع حور وليه أهلها بيعملو فيها كده
نزلت البارت الاول بس مفيش تفاعل خالص علي الروايه قولولي رايكم وشجعوني عشان انزل البارت الجديد لو لاقيت تفاعل كبير البارت الجاي هيبقي اطول ويارب البارت
لا تكوني الضحيه
بقلم الملاك الحزين
