ما يخبئه القدر

البارت الثانى

فى المساء نجد الفتيات كعادتهم يجتمعوا ليتحدثوا على تطبيقهم المفضل فى الحديث سويا وهو الواتساب
اميره:مسا مسا على الناس الكويسه
امل:مساء البطاطس على اللى ف قلبى غاطس
غفران:دا مساء العقل على اللى معندهمش عقل
اميره:اوبااااااا البت غفران اتعلمت السرسجه يجدعاااان
ايمان:مهو اللى يعرفكوا لازم يبقى سرسجى معانا المعلمات اميره وامل وبسنت عايزين اى يعنى
بسنت:لا حول الله يرب وبسنت اتكلمت الوقتى
امل:ولو اتكلمتى براحتنا يماما
اميره:ايوا يا اوختشى لو مش عجبك طلقناى
ايه:انا نفسى افهم هو مين اللى هيطلقك يبت يبايره
امل:ينفع كدا تيجوا على جرح البت دا اى الظولم دا
جوانا:ظولم دا انتى عايزه شهادة محو اميه
ياسمين:هو انتى يبت يا امل صحيح عايزه اسالك سؤال
امل:فى الليله مباخدش اقل من خمسمية جنيه
ياسمين:مش هرد عليكى يا حيوانه انتى بس بجد هو انتى دخلتى هندسه ازاى دى انهى واسطه دى
بسنت:نفس الواسطه اللى دخلتك حقوق
ايه:هات الدكتور عشن يخيط
ياسمين:يحبيبتى انا كان مجموعى يدخلنى اللى انا عايزاه بس انا حبيت ان انا ادخل حقوق عشن حباها
اميره:مقلتليش بقا يا امل بتعملى اى عشن تاخدى خمسميه دا حتى فى السوق بمتين بس
امل:شوفتى ان انتى اللى نيتك زباله انا كان قصدى خمسميه فى تعليم محو الاميه
غفران:يربى شوية صمت وعقل يجدعان اى نازلين لوك لوك لوك لوك
نور نصر:واللهى يبنتى عندك حق مفيش شوية عقل بخمسه جنيه حتى
سلمى نصر:ومعانا تجميعة اتنين عاقلين وصلحوا
اشكى:وواحد قهوه معاك يمعلم
روضه: وضيف معاك واحده هبله وصلحوا
نجلاء:يولاد المجانين تصدقوا بالله ان ما فيه واحده عاقله هنا
اشكى:حوش يبت العقل بيخر منك
نجلاء:هيهيهيهى انا قلت مفيش واحده عاقله ومن ضمنهم انا
جوانا:مصدقاكى يا طاهره مصدقاكى
چنا:عاااااااااااااااااااااا
نجلاء:مالك يبنت المجانين
چنا:انتوا اصحاب سكه اصلا
بسنت:مالك ي چنا فى اى ي ماما حد داسلك على طرف يبنتى
چنا:نتيجتى هتظهر الفجر وانتوا قاعدين تضحكوا
ايمان:يروحى ان شاء الله خير وانتى عملتى اللى عليكى ادعى انتى بس وربنا هيوفقك
نور:متخافيش يحبيبتى ان شاء الله كله خير
سلمى:مالك بس يجوجو بصى ي حبيبتى كله اللى يجيبه ربنا خير وانتى عملتى اللى عليكى وسيبى الباقى على ربنا
چنا:انا عارفه ان كله خير بس انا خايفه برضوا
نجلاء:متخافيش يروحى
نورا:الجزم اللى نسيونى ومحدش سال عليا النهارده
امل:ومعنا ايها الساده الكرام وصلة النكد من الانسه نورا عبد العزيز وبعد الفاصل معنا ومعكم وصلة الصياح من الانسه دعاء محمد
نورا:ومعنا مقدمة الاذعه الانسه البومه امل عبد الله
امل:بومه فى عينك يجزمه
نورا :هههه حبيبى يا ابو الصحاب
دعاء:جماعه انا عايزاكم فى موضوع
امل:انا فيا شئ لله مش قلتلكوا وصلة الصياح هتبدا
دعاء:انا مبهزرش عايزاكوا كلكوا فى موضوع
غفران:فى اى يبنتى قلقتينى
دعاء:هقلكوا كل حاجه بس عايزه الكل يكون موجود
ايه:ربنا يستر مش مطمنا فى اى يبنتى
دعاء:متخافوش يجماعه كله يجمع بس عشن تبقوا عارفين
اميره:كلنا موجودين اهو قولى فى اى
دعاء:كلكوا موجودين فرد الجميع عليها بتاكيد
دعاء: ساره كانت هتنتحر النهارده
اميره:انتحرت ازاى يعنى مش فاهمه
چنا:انتى بتخرفى بتقولى اى اى الهبل دا
ايه:اكيد لا فى حاجه غلط
نورا:اى الهبل دا
نور نصر: مستحيل اللى انتى بتقوليه دا
سلمى:دعاء مش ناقصه هزار
روضه:ابو ام الهزار يجدعان
نجلاء:بنهزر فى كل حاجه احنا يعنى ولا اى
بسنت:بطلى مقالب سخيفه
امل:لو مقلب هزعلك منى وربى انا بقلك اهو
غفران:طب ما تهدوا يجماعه نسمع منها اى اللى حصل
ايمان:اهدوا فعلا وهى هتفهمنا
اشكى:طب ما ترد هى مبتردش لى
جوانا:هى اختفت راحت فين اى الهزار السخيف دا
ياسمين:فى اى يجماعه انا مش فاهمه حاجه بتزعقوا لى
دعاء:اول حاجه انو انا مختفتش انا مش عارفه ارد وكلكوا بتشتموا فيا وانا اكيد مش ههزر فى حوار زى دا ساره فعلا حاولت تنتحر امبارح وهما انقذوها وهى مقلتليش لانها مبتردش عليا فانا رنيت على البيت عندهم ومامتها كانت بتعيط وقالتلى كل حاجه وان محدش سال عليها فانا قلت اقلكوا عشن شكلكوا متعرفوش وشكرا على الشتيمه اوى
اميره:طب اى السبب او لى عملت كدا
امل:قبل ما تقولى نعرف او منعرفش احنا معرفناش عشن هى بقالها فتره من يوم ما اتخطبت وهى مش بتتكلم معانا كل يوم زى ما كانت بتعمل فا احنا ملاحظناش اى حاجه
دعاء: المهم اللى حصل حصل انا بقلكوا عشن مامتها طلبت منى ان احنا نحاول نتكلم معاها فانا قلتلها على موضوع السفر وان ساره تيجى معايا وقالتلى اقنعوها فحد يكلمها ويقنعها ان هى تيجى معانا
جوانا:مقلتليش برضوا اى السبب اللى يخليها تعمل كدا
دعاء:اللى ما يتسمى خطيبها سابها وقالها هاجى اخد شبكتى
ياسمين:واى السبب
دعاء:من غير سبب قالها كل شئ قسمه ونصيب
بسنت:طب واللهى ربنا بيحبها دا كان لا فيه شكل ولا منظر وشه كان شبه قفاه
امل:الحمد لله انها سابته دا مكنش عنده حتى اخلاق بس هى كانت بتحبه
ايمان:اهم حاجه ان احنا نفضل جنبها ومنسبهاش
اميره:انا مع ايمان فى كلامها كدا كدا اللى حصل حصل احنا واجبنا ان احنا نقف جنبها ومنسبهاش فى ازمتها ابدا
روضه: احنا كدا كدا هنسافر كلنا الضهر وانتوا هتيجوا كلكوا نسافر من محطة القاهره وانا هبقى اروحلها اجيبها ونيجى
ايمان:انا اللى هخرج من بدرى عشن الحق اجيلكوا على الضهر
چنا:انا بجد ي جماعه مش عارفه اقلكوا اى انتوا كلكوا هتيجوا الصعيد معايا عشن اعرف السر اللى ماما مخبياه عليا ومسبتونيش انا مهما قلت مش هعرف اديكوا حقكوا انتوا لو من دمى مش هتعملوا معايا كدا
نور نصر:يچنا احنا نعرف بعض بعض بقالنا كام سنه كنتى انتى لسا داخله اولى ثانوى وانتى اصغر واحده فينا كلنا بنعتبرك زى بنتنا مش اختنا الصغيره وهنعمل اى حاجه عشن تبقى مبسوطه
ياسمين:وعمرنا ما هنسيبك ابدا وهتلاقينا فى ضهرك فى اى وقت
چنا:انتوا فعلا كنتوا فى ضهرى من يوم ما عرفتكوا من سنتين ويمكن اكتر حتى غفران اخر واحده دخلت الجروب من سنه كانت ونعم الاخت اول ما عرفت الموضوع وافقت انها تيجى معايا وتسيب اخوها لوحده حقيقى بشكركوا كلكوا من كل قلبى
غفران:تشكرينا على اى يهبله قاديكى قلتى انا اختك ومفيش شكر بين الاخوات انتى سامعه
امل:اى يجماعه انتوا قلبتوها دراما كدا لى احنا ملناش فى الدراما احنا لينا فى الكوميدى ولا اى يبنات
بسنت:طبعا يقلب البنات
دعاء:واللهى يبت يا امل ليا حق اقول عليكى بومه فصلتى العيال لى كنا شويه وهننزل بالكامنجا
ايه:طب برضوا لحد بكرا هتسيبوا ساره مش هتكلموها
جوانا:يبنتى الساعه بقت 11 ونص اهى هنكلمها امتا غير كدا دعاء قالت حتى هى مش عرفت تكلمها وكلمت مامتها
ياسمين:مهو اى الذكاء دا ساره مش هترضى اصلا فاحنا عايزين نقنعها فاهمين
چنا:طب ماشى هنقنعها ازاى برضوا
بسنت:نحاول نخلى مامتها تقنعها تكلمنا باى طريقه رنى يا دعاء على مامتها وقوليلها تقنعها او تخلينا حتى نكلمها
دعاء:تمم هدخل ارن على مامتها
بسنت:امل افتحى انا جيالكوا
ايه:وانا هخش ااكد على حاجتى على ما تيجوا
غفران:وانا كمان
جوانا:خلاص سلام كلوا يشوف هيجهز حاجه او هيعمل اى على ما دعاء تيجى واغلقوا جميعا
-----------------------------------------------------------------------------
فى الجيزه بمنزل اميره
اميره خرجت من غرفتها :يمااااامااااا انتى يحجه
والدة اميره:بت انتى بطلى زعيق ووطى صوتك
اميره:حاضر بقلك بقا
والدة اميره:قولى بقا
اميره: زى ما انتى عارفه طبعا ان انا مسافره شهرين الاجازه الصعيد فا انا عايزاكى تاخدى بالك من نفسك
والدة اميره:اها عارفه هرتاح من صوتك شويه وبعدين متخافيش انتى طول ما انتى. بعيده عنى انا هكون كويسه
اميره بضحك:اى الكسفه اللى الواحد فيها دى ي جدع طب انتى مش عايزه اى حاجه منى
والدة اميره:هعوز منك اى هو انتى فى منك اى منفعه
اميره بحزن مصطنع وتمثيل:طب ما تطردينى بالذوق يا حجه اى معاملة مرات الاب دى شكرا يماما عن اذنك
والدة اميره بتانيب ضمير:خدى هنا يجزمه
اميره:نعم يماما 
والدة اميره فتحت ايديها الاثنين وجرت اميره على احضان والدتها :انا بهزر يبت انتى حبيبتى وعايزاكى تخلى بالك من نفسك وملكيش دعوه بحد غير اصحابك
اميره بضحك:ماما انتى بجد صدقتى ان انا زعلت واللهى انا اقوم اقدم فى مسرح للتمثيل انا ممثله هايله اصلا
والدة اميره وهى ترمى عليها الشبشب: طب قومى يبنت الجزمه من جنبى مش عايزه اشوف وشك قدامى ودخلت اميره لغرفتها بضحك
------------------------------------------------------------------------
عند نور وسلمى
نور:بااابا
والدهم :قلب بابا
سلمى:واللهى العظيم هتوحشنا يحج
والدهم:انتوا اكتر واللهى معرفش الواحد هبقعد من غيركوا الشهرين دول ازاى
على:ياااا يحج الواحد هيعيش مرتاح شويه
سلمى:بقا كدا ماشى هنشوف انت اصلا متقدرش تعيش من غيرنا
على :انا مين قال بصى قدام هاكل واشرب يبقى خلاص اقدر اعيش
نور :واطى اوى
على:بهزر واللهى البيت من غيركوا هيبقى وحش
قاطعته والدتهم: لا هو من ناحية البيت فهو هيرتاح من قرفهم
سلمى بزعل حاولت مدارته بابتسامه: دا احنا حتى مش هنساعدك فى شغل البيت اكيد من ورا قلبى
والدتهم:هو اى اللى من ورا قلبى دا انا هرتاح منكوا فعلا شهرين ياااا متعه فخرجت سلمى من الغرفه وهى تبكى وذهب على خلفها
نور بنرفزه:بصى بقا بعد اذنك يبابا انتى كدا كدا عمرك ما عاملتينا على اننا عيالك واحنا مبنعتبركيش امنا اصلا فانا بقلك ابعدى عن اختى وبكلى تدايقيها بالكلام عشن انا بعد كدا مش هعمل احترام لحد انتى سامعانى وتركتها وخرجت
والدتها لزوجها:هى دى تربيتك البنت بتعلى صوتها عليا دى اخرة دلعك
والدهم بعصبيه:دلع اى انتى اى يشيخه انا نفسى اعرف انتى بتعامليهم لى كدا انا سايبك على زمتى عشانهم انما لو فضلتى كدا يبقى انتى متلزمنيش انتى سامعه وزقها وهو خارج غورى من وشى جتك القرف وذهب الى غرفة البنات وعند البنات ذهبت نور لسلمى وجدتها تجلس فى احضان على يهدهد عليها
نور:وانا مليش مكان بقا ولا اى
سلمى وهى تمسح دموعها :لا طبعا وذهبت لاحضان اختها
نور:متزعليش يقلب اختك وملكيش دعوه بيها
سلمى:انا عايزاكى انتى متزعليش انا كويسه
على :كدا تسبونى لوحدى فذهبوا الى احضان اخيهم هم الاثنتان وظلوا يتحدثوا ظل والدهم ينظر لهم فى حزن وتركهم وخرج من البيت
---------------------------------------------------------------------------------
عند بسنت وامل ذهبت بسنت الى امل ولملموا اغراض امل سويا وذهبوا الى شقة بسنت فكانت بسنت وامل يسكنوا فى نفس المنزل وشققهم امام بعض وقضت امل ليلتها مع بسنت
وعند جوانا جلست مع والدتها التى كانت ستسافر الى والدها بعد ذهاب جوانا الى الصعيد وقضى الجميع وقتهم مع عائلتهم قبل سفرهم الى الصعيد
ثم رجعوا ليتحدثوا مره اخرى وقالت لهم دعاء ان ساره سوف تسافر معهم بعد اقناع والدتها لها وانها لا تريد ان تتحدث الان ثم نام الجميع على امل ان يلتقوا غدا وتبدا مغامره جديده معهم جميعا
يتبع..............
بقلم/جوانا محمد ،امل محمد