كزهر "النصيب "

بارت ٢٣

حوراء.... خيررر شصاير شنو هاي الهوسه

ام محمد.... يمه ما تحجي مو موتتنه

حسن.... موسى تخربط

حوراء.... ياااا ليش و شلون

حسن.... هاا ماكو شي بس ضغطه صعد

حوراء.... حسن لا جذب عليه حجي

حسن... عوفي الكلام هسه كومي نطيني ابرة مهدء بسرعة

حوراء... لحضه رحت الادوية نطيته ابرة و سرنجه هاك اخذ

حسن.... خبطيه اليه اني عرفله

حوراء... لحضه فتحت الابرة و سويته اله بس ديرو بالكم تضربونه على العصبه

حسن... ماشي ماشي

حوراء.... راح حسن و اشوي ضلينه منتضرين بعد ما اجه اذا هوه ضغطه صاعد ليش الابرة مهدء ضليت اليل كله كاعده تصل على حسن ميرد ولا موسى ام محمد نامت صار الفجر كمت صليت و سويت ريوك النه و الشباب ف وكفت يم باب الموكب و شفت واحد من الولد

اخويه صيح ال حسن خل يجي ياخذ الريوك

...... حسن اخذ موسى و راح المستشفى

حوراء... يااااا شوكت و شبي موسى

..... مدري شنو اكل و صار عنده تسمم و خذو يغسلون معدة

حوراء.... تخبلت و كلتله كلي الضغط صاعد نطيتهم الريوك كعدت ام محمد صلت و تريكت سولفتله كلشي

ام محمد.... يمه تعالي اكلي شي من البارحة بطنج فارغه

حوراء... ما اشتهي والله و بالي  يم موسى اشو ما اجو ولا يردون على الاتصالات

ام محمد.... اقري الفاتحه ال ام البنين عليها السلام و كولي يالله و روحي صلي ركعتين وان شاءلله خير

حوراء.... رحت صليت و قريت قرأن و كعدت اكمل كهربائيات كملت جبت الدرج حديد خليت الموكب كله اضويه و الطرمه و المطبخ نضفت الموكب غسلت المواعين و تصلت عليه امي كالت احنه باجر نجي كلتله هلا بيكم شغلت فحم و بخرت الموكب و نطيته الرجال يبخرون موكبهم سويت تبسي و تمن الغدة نطيتهم الغدة غسلت المواعين و الحد ماصارت الساعة بل ١الضهر يله اجو موسى منتهي وجه اصفر و بل كوه يمشي و الازمه حسن و بيده كانونه

حوراء... الحمدلله على السلامة شلون صرت

موسى... بتعب احسن

حسن.... حوراء عينج علي ترا خطيه بعده نفاس هستوه جايب

موسى... حسن مالي خلك لا اخلي النعال بحلكك

حسن..... ما يشرفني اخليك بحلكي

موسى.... مالي خلك والله

حوراء.... حسن ما تشوفه تعبان عوف سوالفك دخلت جوه سلم على ام محمد

حسن.... حوراء شلعي الكانونه و خليله وحدا جديد و علكيله مغذي

حوراء... لعد وانت

حسن.... اني عرف بهل سوالف انتي غير جعفر علمج

حوراء.... اوك رحت جبت معقم و كانونه و صوندة مال المغذي و المغذي و قطن و الاصق حته اثبت بي الكانونة شلعت الكانونه القديم و خليتله المغذي شلون تسممت ما دكلي

موسى.... منو كلج

حوراء... سئلت عليكم و كالولي

موسى.... استغفر الله عادي اكلت و مدري جان بل اكل و تسممت

حوراء.... ثاني مره انتبه على الاكل

موسى... ان شاءلله

حوراء.... ام محمد راحت و موسى ثاني يوم صار احسن بس انتبه على الاكل و ثاني يوم اجو اهلي العصر خالاتي و بنات خالاتي و امي ابوي اخواتي عماتي عمامي اولادهم زواج خالاتي الي اجن اربع و بس الي خدمن اول ما وصلن كعدن ينعن و يبجن على جعفر اني گلبي خلص من البجي و تعبااااانه ناملي ساعتين ف موسى كال تعالي طلعي نتمشه عوفيهن
طلعنه نتمشه و الزوار بلشو يجون ف اجواء تخبل و الشمس بلشت تغيب و هوه الازم يدي شعور صعب اوصفه الكم المهم مشينه اشوي و من صارت دنيا اليل رجعنه الكيتهم كل واحد الازمه مجموعة و كاعدات يسولفن شي اكيد غيبه رحت كعدت بنص ابوي و امي و خالتي و عمي

ابو حوراء.... تعالي دني علي بابا

حوراء... لحضه جنت تعبانه ف ابوي مد رجله و نمت و يسولفون و هوااااي مواقف صارت

شوفو حبايب هواي هنه مواقف اذا تحبون اسولفلكم بل بارت القادم و البارت البعده راح اختم بي القصة نتفق هيج؟؟؟؟