الـبـارت الثاني ..
اهلي جانو نايمين لان جان وقت العصر كمت سبحت وصليت دعيت ربي يخلني منه .. ورحت نزلت على صوتهم جوه ..
سويت الاكل وي امي وجنت مرعوبة وخايفة من الصار الي ..
وافكر شلون افتح الموضوع وي ابوي على سالفة فصخ الخطوبة ..
كعدنا على الاكل كلهم ياكلون الا اني متوترة وخايفة ..
كتله .. بابا
رفع راسه ابوي وباوع الي ..
ابو ضحى .. ها ضحى
ضحى سكتت شوي انوب باوعو عليه كتله .. اريد افصخ خطوبتي اني ومرتضى ..
ابو ضحى .. ها ليش
ضحى .. بابا اني وياه ممتراهمين ابد هو يمنة واني يسرة ..
ام ضحى .. ما بقى الزواجكم شيء وانت تردين تفصخين الخطوبة ؟
ضحى .. اي اني خليت مدة طويلة للخطوبة حتى اتعرف عليه .. والصراحة هو ابد مناسبني بالتفكير والرأي .. ما اكدر اكمل حياتي وي انسان ما يشبهني ..
ابو ضحى سكت وبعدها كال .. براحتج بالليل اروح الهم واكلهم ..
ام ضحى .. شنو تروح ودكول الهم غير منطينهم كلمة احنه ..
ابو ضحى .. الكلمة الي تكسر ضهر بنتي باجر عكبة ازلها من اللساني ..
ام ضحى .. هاي دومك تدافع الها ومخليها على راحتها الا تجيبلك مصيبة يلا ترتاح مو ..
ابو ضحى .. بنتي تربيتي واعرف بيها ماتسوي شيء غلط ..
ام ضحى سكتت شوي انوب باوعت الي ودارت وجها الابوي وكالت .. لا تتوقع من مرتضى يعوف ضحى بهاي السهولة ..
ابو ضحى .. والله اليعجبه لو ما يعجبه بنتي وبكيفي ما يطلگها اسويها محاكم وياه ..
ضحى شكد جنت فرحانه من سمعت كلام ابوي وحسيت عندي سند مالازم اخسرة ابد ..
ام ضحى .. نسيت انُ هو ضابط وباتصال واحد منا يطردنا من المحاكم كلها ..
ابو ضحى .. لا ما نسيت بس بنتي وما ارتاحت وياه شلون اجبرها يعني؟
ام ضحى .. نشوف بعدين ..
وكملو اكلهم اني ارتاحيت بس اكو شيء بداخلي ابد ممرتاح .. هو مرتضى ليش يسوي وياي هيج وليش يعاملني بهذا الاسلوب ؟ ..
صار الليل وابوي انطاهم خبر راح نجيهم ..
رحت لبست مثل هذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نفس الالوان بالضبط .. وخليت ايلاينر خفيف وحمره ناعمة .. لان وي ابوي ماخذه راحتي وماهمني لا مرتضى ولا غيره ..
وصدك نزلت شافتني امي ابتسمت باستهزاء ..
ام ضحى .. اشو كاشخه شنو فرحانه عبالج راح يطلگج بكل رحابة صدر ؟
ضحى سكتت وانوب كلت الها .. يطلگني لو لا اني ما اطلع من بيت ابوي عروسة اله ..
ام ضحى .. تبقين معلگة يعني؟
ابو ضحى .. وبعدين وياج انتِ تردين تكأبين البنية بسوالفج هاي ..
وعفناها ورحنا صعدت بالصدر بسيارة ابوي ..
ما اجذب جنت خايفة كلش اتذكر السواه بيه ..
واصر ع قراري اكثر هذا مريض ميصير اعيش وياه ..
وصلنا البيت عمي وشفت سيارته واكفة نغزتني بطني بس ما بينت ..
نزلنا اني وابوي ودگينا الباب فتح النا الباب محمد اخو مرتضى ..
سلم علينا وهاي وكعدنا بالاستقبال يم عمي البنات كاعدات ومرت عمي وعمي ..
ابو ضحى .. وين مرتضى ..
مها .. هسه عمي اصيحه بغرفته نايم ..
ابو ضحى .. اي الله يرضي عليج يابنتي ..
صعدت اله واني ارتبكت بقيت اباوع الهم وهم وجوهم كلها استفسارات ..
وره شوي اجت مها ..
مها .. هسه جاي بس يغسل ..
ابو ضحى .. ماعندنا شيء خلي ياخذ راحته ..
دخل مرتضى للأستقبال وباوع النا اجه سلم على ابوي وانطاني ايده ..
سلمت عليه بخوف ضغط عليها مابينت بس اتوجعت حيل ..
مرتضى .. اتفضل عمي نسمعك
ابو ضحى .. ضحى طبعا من البداية خلت مدة طويلة بين الخطوبة والزواج حتى تتعرف عليك اكثر وتعرف طبعك .. بس الظاهر انت وياها متتناسبون وعلى گولتها انت يمين وهي يسرة ..
ابو مرتضى .. ليش مرتضى سوه شيء يزعجها؟
ضحى .. لا عمي حشاه بس اني ماكدر اكمل وياه ..
طاحت عيني عليه وهو يباوع الي بنضرات والله خفت ..
مرتضى .. نتفاهم بالحديقة ؟
ضحى كلبي جان يدك حيل .. ميحتاج
مرتضى .. ها عمي شدكول نكوم اني وياها واحجي وياها وافهم منها يمكن اطلع صدك اني غلطان واذا غلطي اكدر اعدله انتبه اله وما اكرره ..
كلامه قنع ابوي وباوع الي ..
ابو ضحى .. كومي يابه
ضحى مابينت الهم الخوف البية ..
كمت وهو كام وراي .. ابتعدنا من الاستقبال للحديقة وكف كدامي وضحك ..
مرتضى .. هي هاي قوتج مثلآ ؟
ضحى اتصنعت القوة وكلت اله .. اي اني ابوي مصدر قوتي و الحمدلله ميجبرني على شيء ماريده ..
مرتضى .. مترديني يعني ؟
ضحى .. اي ماريدك انت انسان ماعرف شلونك بعيداا عن الحالة النفسية بيك دوم عصبي وبارد وبرودك ينرفز ماكدر اعيش وياك ..
مرتضى .. صرت هسه مريض نفسي ؟
ضحى .. اي مريض نفسي ليش الي يجرب اجهزة على خطيبته حتى هي تتأذه وهو يستمتع شنو يسمو شيء طبيعي لو لا ؟
مرتضى .. اخذي نفس هلكد الصبح السويته بيج مأثر عليج ..
ضحى .. سكتت وصرت اباوع اله ..
مرتضى .. الظاهر بعدج متعرفيني زين .. انصحج نصيحة الوجه الله تتراجعين عن كلامج ميت خطوة لان والله اذا بقيتي مصرة على كلامج يصير بينج وبين الموت شعرة وانت گلتيها مريض انه نفسي ومو صاحي ..
ضحى .. لتهدد اروح اكول الابوي على السويته الصبح؟
مرتضى .. واگله على بنته الي مطلعة رگبتها وتعلج وتضحك بالشارع ؟
ضحى .. يعني انت مصر هسه متطلگني ..
مرتضى .. اي والله موصي على اجهزة الليلة دخلتنا يعجبنج ..
ضحى .. والله مو صاااحي .. رفعت السبابة بوجها .. تحلم اطلع من بيت ابوي عروس الك ..
مرتضى .. تنزلين اصبعج لا اكسره الج .. وهذا كلامج اذكرج بيه زين من تنامين على ذيج الجرباية وبحضني ..
ضحى نزلت اصبعي وجنت مرتبكة حيل من كلامه .. ماتكدر تجبرني عليك اني اقوى منك ..
مرتضى بانت على ثغره ابتسامه استهزاء وكال ..
صحيح
ضحى .. راح ارجع للاستقبال وكدام الكل تطلگني متفقيين ؟
مرتضى .. تؤ
ضحى .. ليش
مرتضى .. تؤ .. ترحيين الهم ودكولين بالحرف الواحد .. انطوني كم يوم وافكر ..
ضحى .. ما اكول ..
مرتضى .. عذريتج يحلوه يعني بيباي ..
ضحى .. شنو الي يخليك هلكد واثق ؟
مرتضى .. عيونج ..
ضحى بأستغراب .. عيوني؟
مرتضى .. اي عيونج الي افهمها من تفرح وتضوج وتخاف وتذبل وتنعس وتتحمس وتيأس .. وخاصتا الكلمة الثالثة تخليني بالگوة لازم نفسي وما ماخذج ..
ضحى .. سكتت ورحت للأستقبال كعدت يم ابوي وهو اجه كعد كدامي .. سويت نفسي ما منتبها اله .. واترددت ان ابقى مصرة على كلامي .و
انطوني كم يوم وافكر
باوعت اله ابتسم بطرف شفته ..
مرتضى .. فكري كلش زين بالگلته الج ..
ضحى هزيت راسي بأي .. وباوعت البابا ..
يلا نروح
اترخص منهم بابا واني خرطت العافية من كلامه الي .. طول الطريق ساكته وصلت للبيت شافتني امي ..
باوعت الها وصعدت فوك بسرعة ..
أنت تقرأ
الصغيرة والمتملك 18+
ChickLitلـ فتاة تعيش مع رجل مريض نفسي ، ليمتلكها ويعذبها ويحرمها حتى من التنفس بغير أذنه .
