فصليه الشيخ كرار

جزء الاول

هلوووو هاي جزء الاول من قصه رح ابدي القصه واتمنى تنال اعجابكم وتتفاعلون عليه وانطوني رايكم بيه
وهمينه نسيت اكللكم هاي قصه خياليه اولا وثانيا
هم شيخ كرار من بصره أما حور من ناصريه ضيفوه المعلومه ههه 😂💞
_____________________
:يكول عࢪيان السيد خلف:
"لاغرنا المدح بشفاف المحبين"
"ولا همني بشماته شما حجو عني"
"يلتمن عليه مشتتات الباب"
"وانفضهن نفض وانهض ولاجني" ♡
_______________________

حور : كنت نايمه وكمت على صوت مرت عمي
ناديه : ولج كومي مو كافي نوم كومي اشتغلي يلااا 
حور : كنت اباوع عليه كلت خاله شكو ساعه 6 صبح مو بعد وكت.
ناديه : وخلخاله تخلخل عضولج كومي ماكو وكت كومي سويلنه فطور
حور : كمت كمت
(( هي طلعت أو اني بقيت ابجي على حضي تسع سنين واني متحملتهم وضيمم فوك راسي  اخخ يا يمه وين رحتي وتركتيني وينك يأبه شوف حوريتك شصاير بيه ))
كمت ورحت اخذت شاور سريع وبدلت ولبست فستان طويل ورحت

نزلت ...
حور : صباح الخير
الكل هم رافعين خشمهم : يلا متنه من جوع
حور :  رحت على مطبخ سويت فطور الهم
طبعا اني اعرف اطبخ كلشييي وطبخي سبحان الله يخبل ب ١٥ دقيقه بضبط خلطت الفطور وحطيتلهم اكلوا  عمي وعمار فطرو وراحو على محل وهاي خانم  سميه كاعده تحجي ويه صديقاته وتكللهم يلا جايه هي راحت بدلت وطلعت راحت على مدرسه ومرت عمي كالت رايحه يم جيران كل يوم هيج ابقى وحدي .
ضليت اطبخ طبخت دولمه طبعا اني من بارحه مسويته يعني منضفه بيذنجان وكلشي
كعدت الفهم سويته وخليته على نار وكمت انضف البيت كلههه غسلت الطرمه وكلشي ورحت سبحت لأن متت من تعب
واجتي خانم سميه
سميه : حوررر  تعالي
حور : نعم
سميه : أخذي قندرتي حطيه بمكانه وغسليلي ملابسي
حور : (( ما اكدر احجي شي لان اذا حجيت اكل رزايل من عمي ومرته ))
حور : تمام انطيني اخذت لبسه وغسلته
بعد ساعه اجوي عمي و عمار ومرت عمي حطيت لهم الاكل وانا اكلت بالمطبخ متعوده على هاذا شي ورما كملوا غسلت الصحون ورحت لغرفتي شويه ارتحت ونزلت بعدها انظف البيت سميه طلعت ويا صديقاتها وعمي طلع ويا عمار على الشغل نفس الشيء ما يبقون بالبيت هوايه اجتي اخت ناديه مرت عمي للزياره بس هي حجيها السم نفس اختها سبحان الله واني رحت لغرفتي ..
.
.
.
.
.
.
.
.
نروح يم شيخ كرار

كرار : كمت الصبح ساعه 6:30 سبحت ونزلت جانت ملك كاعده تسويلي ريوك والوالده همين كاعده تقرى قران
حسن همينه معد فطر وراح بس يوسف اليوم راح على ناصريه علمود علاجه ودراسته
كريمه : وليدي كرار
كرار : نعم يا غاليه
كريمه : ايمت تتزوج أو اشوف اولادك كبل ما اموت
كرار : اسم الله عليج يمه اني مو مفكر لسه ما أريد
كريمه : بس..
كرار : يمه كافي ما أريد
كريمه : حاضر وليدي اكل اكل اشبع. ...
.
.
.
فطرت وكمت لبست زي عسكري وحطيت المسدس على خصري ورحت بست راس الوالده ورحت على المقر
.
.
.
نزلت بهيبتي ونضاره على عيوني كلهم منزلين رأسهم خوفا مني اني ما يهمني جبير وصغير يهمني اضبط شغلي على أكمل وجه رحت على مكتبي وأجانب الجندي
الجندي : سلام عليكم سيدي
كرار : عليكم سلام اتفضل
جندي : سيدي اللواء يطلبك على مكتبه
كرار : تمام انت اتفضل روح انطاني تحيه عسكريه وراح
رحت على غرفه اللواء
كرار : سلام عليكم سيدي
لواء : عليكم سلام كرار اكعد
كرار : رحت وكعدت نعم سيدي
لواء : كرار انت تعرف ثقتي بيك موو
كرار : نعم سيدي
لواء : اكو مجرم بالحبس متهم باغتصاب طفله ما يعترف اريدك تخليلي ياه يعترف بكلشي هسه
كرار : غالي وطلب رخيص امرك سيدي
لواء : تكدر تروح لشغلك
كرار : كمت ورحت على حبس شفت المتهم كاعد ولا كانو مسوي شي كلت للجنود
كرار : طلعوا برا شويه
الجنود : امرك سيدي
المتهم : هسه منو انت كلتلكم اعتراف ما اعترففف
كرار : نرفزني مسكته من ياخة قميصه ودك بوكسات لحد ماخليته كتله دم
المتهم : رح اعترف رح اعترف خلص كافي
كرار : صم حلكك واحجي كلشي بعصبيه
المتهم : وبدأ يحجي كلشي .....
كرار : طبعا دا اسجل كلشي وبعد ماكمل مسكته بوكسيات لحد ما اغمى عليه اجوي جنود أخذوه
رحت انطيني التسجيل اللواء وشكرني
ورجعت كملت شغلي ورحت للبيت اشوف البيت مكلوب
گلايب الوالده تبجي وملك تلطم ويصيحون راح يوسف راح يوسف
دخلت بسرعه اسال شكو شكو محد يجاوب
مسكت حسن من ياخه قميصه وصيحت احجوا
حسن : ك.كرار يو.يوسف مات
كرار : احس واحد ضربني على راسي بطابوكه
كرار : شنووو
حسن : متعارك ويه واحد كلبه واكف ومات
كرار:  انصدمتت كلت وينه باي مستشفى
حسن : بمستشفى .....
.
.
.
.
.
نروح يم حور
حور : بعد ما عمي وعمار راحو احس كلبي مو مطمني اخو خنكه بكلبي بس احاول اهدي روحي
.
.
بعد ساعه اجوي سميه
وراهم اجا عمي وهو مصفرر صفيررر
ناديه : بسم الله شكو شبيك وين عمار
جواد : ما يكدر يحجي
ناديه : حور روحي جيبيله مي
حور : رحت وجبتله مي اتفضل عمي
ناديه : ابو عمار احجي شصاير عمار وين
جواد : عمار بسجن
الكل : شنووووو و. بسجن ليششش
جواد : دعم واحد وهذا الولد ابن شيوخ ومات
ناديه : تلطم وتبكي عمارررر وليدي راح وليدي
سميه : عمارررر خويه
اخت ناديه ( سعاد ) : عمارررر
حور : مصدومه معقوله عمار يسوي هيج
.
.
.
عائله شيخ كرار
كرار : وصلت للمستشفى واني ميت خوف طبيت للمستشفى ورحت فورا على غرفه عمليات
شفت الدكتور واكف وهو يغطي وجه يوسف
مسكته

كرار : ولكككككك خويه اتركه يتنفس
الدكتور : عفوا منو انت !!
كرار : اني اخوه اخوه
دكتور : مع الاسف بقيه بحياتك
كرار : اسكتتتت اخويه مو ميت بعصبيه وصراخ
دكتور بخوف : عفوا انت بلمستشفى مايصير هيج
كرار : اسكت انت تريد تعلمني هااااا
اجوي حسن أو اولاد عمامي فكوني منه وطلعوني لبرا
حسن : أهدى أهدى شبيك
كرار : لا مستحيل مستحيل يوسف يموت
( طبعا يوسف كلشش أحبه وهو أصلن كبر على أيدي )
حسن : بتعب كافي الله يرحمه
كرار : منو الك*** ابن ال**** مسوي هيج
حسن : أهدى أهدى شبيك هو هسه بسجن مسجون
كرار : باي سجن
حسن : ليش
كرار : اسكت وكوللل
حسن : بسجن ....
كرار : طلعت بعصبيه وبجنون صعدت السياره وسقت باعلى سرعه حتى جم مره جنت رح سوي حادث
وصلت للسجن نزلت بهيبتي بس المره بعصبيه طبعا اني بعدني بزي عسكري فدخلوني بسرعه
دخلت كلتلهم وين المسجون .....
الجندي : هاذا سيدي وجابلي واحد مبين علي عمره العشرينات كلت للجندي خليته وحدنه
وراح مسكت هاذا ودك بوكسيات بعصبيه
كرار : ك**** ابن ال ****** انت ليش كتلت اخويه
يا ****
الكاتبه / اسفه جدا على أقوال السيئه بس المولفه قصه هي طالبه بهاي شي وهي همينه تعتذر منكم
نرجع القصه ...
.
.
.
.
كرار : ليششش كتلته ليششش بصراخ وعصبيه
عمار : هو ضرب سيارتي أو اني ضربته بس ما ادري فجاه تقيا دم وكع
كرار : دا اتخيل الموقف والم يوسف ما كدرت اتحمل مسكته وبوكسيات لحد ما فصلوني جنود عنه
طلعت وسقت سيارتي وصلت للبيت أو اشوف امي تلطم وتبجي انقهرت عليه كلش كاتبه  يمه يمه ارتاحي كافي بجي
كريمه : وليدي راح اخخخخخخ ليش ليش
كرار ،: يمه هو هسه ارتاح من عذابه ارتاح
كرار اشكد حاولت أهديه ما هدئت رحت لغرفتي سبحت وبدلت لبست دشداشه سوده وعگال نيلي نزلت
.
.
.
نزلت جوه شفت عمامي خوالي خالاتي عماتي كلههم جاين واحد يبجي واحد يلطم واحد يهدئ بثاني
كرار : سلام عليكم
الكل : عليكم سلام شيخ
رحت
عم كرار (جنيد ): ياشيخ شتسوي هسه
كرار : ابداوا بإجراءات الدفع والفاتحه بعد الفاتحه نسوي معده عشائريه
عم كرار : تامر وليدي
.
.
.
.
.
.
.
.
. يتبع ....
البارت مكون من ١١٣٣ كلمه
.
.
.

طبعا انكسرت ايدي من لكتابه البارت طويل نوعا ما تعبت هففف اتمنى تدعموني احبكم 💞👍 .

الموئلفه / مينا عبيدي 🤎✨

وداعا 👋👋💞

احبكم ❤️👋