قبل مانبده تصويت ومتابعه
تعليقاتكم الحلوه ع كل فقره.. 💕
_______________________________
اخذت فلوس من ماما فتحت باب حتى اطلع اجه كدامي متيم
جنه قريبين كلشششش ابتعدت بسرعه وهو ظل يخرز بيه ويباوعلي من فوك ليجوه بنظرات غضب
تجاهلت نظراته ماحييت اعكر مزاجي عفته ورحت طلعت بره شفتهم منتطريني
فهد : شكد فاهيه ديلا بسرعه
وتين : اجيت اجيت
صعدنه نور كعدت كدام اني واخواتي وره
فهد : يا اغنيه اشغلكم
يحجي ويباوع للينا حسيته يقصده شتريدين بس احنه جاوبنه كلنا ههه
.. من كيفك
ضحكت وكالت
نور : لعد اليوم تشبعون اغاني ردح هههههه
فعلا شغل اغنيه لساجده " اشكد الكلب يرتاح لمن يشوفك"
"شكد كلب يرتاح لمن يشوفك"
"لا تحجي وياي وياي"
"وتشمت أعداي"
"لا تحجي وياي يابوبه"
"انا هوايتك ياهواي"
"لا تضمن اعوفك"
ويغني ويا الغنيه ويهز راسه ويده وياشر ع سيارات ههه متنه ضحك ع حركاته
حسيت عنده مشاعر اتجاه لينا من نظراته و و من يجي مقطع اغنيه " شكد الكلب يرتاح لمن يشوفك" يباوع للينا عود لينا تسوي روحي خجلانه
بس هيا هذاك اليوم كلتلي معجبه ب فهد تهي بهي
فهد : انزلكم تاكلون موطه اول شي لو تروحون للمول
نور : أخذنا للمول وأساسا موطه هم ناكله بالمول أطيب
أشر فهد لعيونه بمعنى "من عيني "
اخذت موبايل حتى اغير الغنيه حطيت ع اغنيه "تغنج ياحبيبي تغنج"
و نغني ويا الغنيه احنه وبنات كلشششش تونسنه و فهد ماحفظ الغنيه بس بوزع ابتسامات ويهز راسه
انتبهت لفهد هواي يحب يهز راسه ههه
نزلنه للمول افترينه بي طبعا متيم كلساعه يتصل لفهد ويكول دير بالك
أنت تقرأ
من انتَ
Actionفتاة هدرت ثقتها لأشخاص لا يستحقون و توجهت الى الظلام و المجهول فماذا سيحصل!؟ شخصاً. ذو الوجهه المريح. شخصيه الغامضه. مزاجي بعض الما.! فتاه جميله جداً و شخصيتها المرحه والسليمة بقلم انا الكاتبه : بتول البياتي
