لا رحمه للبشر

Bart1

بارت تشويقي ..

للكاتبه عسل حسين

#لا رحمه للبشر

لاتنسون⭐⭐⭐

__________

اني ميادة عمري عشر سنوات
شكلي عادي حنطاوية وشعري
لحد خصري لونة بني عيوني
صغار وخشمي وسط وحلكي صغير
يعني مقبولة عائلتي متكونة من

بابا يشتغل حارس بالمدرسه وماما ربت
بيت وعندي اخ أصغر مني بسنتين ساكنين
وياه بيت جدي جدو وبيبي وعمي مامزوج وعمي الأكبر من الصغير وعمي الي أصغر من بابا
وزوجتة وبنتة وحالياً زوجتة حامل وعمتي الي

مامزوجة اني عندي اربع عمام وأربع عمات
سحر وضميا وإيمان ولميا

عمتي سحر مزوجة ابن خالتها عدها
زينب مواليد ١٩٩٩٠
وعدها شهد مواليد١٩٩٣
وعدها هبة مواليد ١٩٩٥
وعدها محمد مواليد ١٩٩٧
وعدها سجاد مواليد ١٩٩٩

وعمتي ايمان مزوجة وعدها حسين مواليد ١٩٩١
وعدها زهراء مواليد ١٩٩٧
وعدها بنين مواليد ٢٠٠٤

وعمتي لمياء ماعدها أطفال بسبب زوجها وماتكدر تعوفة لأن تحبة
وعمتي ضميا جدي وبيبي مايقبلون يزوجها وجانت موظفة بالمصرف وكل مايجون عليها يرفضون

وعمامي بابا الجبير وعمي حسين وعمي حسن وعمي علي عمامي جانوا يشتغلون بالخشب جانوا كلش
قاسين ويانة اني واخوية وجان عمي

علي مايقبل نطلع نلعب بالشارع وياه الجهال وبالبيت لزام مستحيل يسمعون صوتة واذا سمع صوتنة يخلينة يمة مجتفين ايدينه ورجلينة لحد ماانام هيج..

وماما جانت دوم داخذ الظرب عني وعن أخوية
وحرموها حتى من خواتها واخوها لأن هية تكون بنت عمهم بس بيبي وجدو

وخالتي نهلة الجبيرة ماتوا بقت خالتي
ياسمين وخالتي نسرين وخالي مهدي خالتي ياسمين ازوجت عن حب وصار
عدها عفران وزينب ونور ومحمد وسجاد

وخالتي نسرين مزوجة وعدها جنان ومصطفى وتقى وحسين وخالي مزوج مرتين الأولى عنده منها نهلة ورسل والثانية عندة منها احمد وأمير وامجد..

بس جانوا بيت جدي مايقبلون نحجي وياهم لأن خالو ماقبل ينطيهم ماما واخذوها غصب بعد مشاكل لأن جان عمرها ١٣ سنة ولهذا السبب مانحجي وياهم..

اليوم اول يوم إلي بالمدرسه عام جديد بس اني مااريد أروح بس أخاف من ماما لأن تريدني اداوم وانجح واحقق الي هية ماكدرت تحققة جان دوامي ظهري اني ماعندي صديقات مايقبلون بس بالمدرسه عندي واحدة اسمها زهراء

كلش أحبها وهية جوارينة بس مايعرفون احجي وياه لأن إذا عرفوا يبطلوني من المدرسة اليوم دوامي ظهري كعدت من

الصبح صبحت عليهم جدو بالكهوة وبيبي.
داتسوي غداء وماما داتنظف ومرة عمي فوك عازلة واخوية بالمدرسة دوامة صباحي..

وعمتي بالدوام والباقين بالشغل تريكت وسبحت وبدلت وراحت الماما تمشطلي شعري وبيبي
ماتبطل من ماما كل يوم دكلها شوكت تجيبين اخ لإبراهيم وماما دكلها بيد الله اني مودااراجع دكتورة

وبيبي تبقى تعير بيها مشطتلي شعري ونطتني فلوس واجت وياية توصلني وترجع هية واخوية للبيت تخاف علينة اهواي..

وصلنة المدرسة جانت هوسة كلش نتظرنة
أخوية يطلع ومن بعيد شفته واشرتلة وكتلها
الماما اخذتة وصتني انتبه الدروسي بس اني جانت

اطنش معتمدة على بابا هوة الي ينجحني لأن يعرفو ويريدون يسولة شي دخلت للمدرسه وشفت صديقتي زهراء سلمت عليها وراحنة للصف وصارت الدروس

واحد وراه الثاني ومشه الوقت وطلعنة جانت اخاف امشي وياها لأن مرات عمي يمشي وراية بدون مااحس وهية جانت ماتزعل مني لان تعرف شيسون بية وباامي..

__________

لاتنسون⭐⭐⭐⭐

حتى البطله تكمل الروايا من تشوف تفاعلكم  فجرو التفاعل لان الروايا من صدك تستحق التفاعل