ازور عما العماج اني اشرب عرك عجل المن اصلي واقرا قران من النهايه ابطل
جنه ها يعني كرشك جبير من الثريد
ازور انجعل ثريد بعينج
جنه عادي
ازور وهذا شنو لو بس لاحكتني على كرشي
جنه ماعندي كرش وينه
ازور هذا شنو لا تضعفين بطنج
جنه ماعندي شوف
ازور خلي بطنج عاديه عليج الله
جنه 😒
ازور ها علينه كرشج هاليكول حامل بشهر الخامس
جنه بس مو بكبر كرشك
ازور صدگ عندي كرش اني
جنه اي والله
ازور عجل ابلش اروح للجم
جنه بس يسوي عضلات
ازور بعد ماكل
جنه ختيه بسيطه والله لانتقم منك بسيته
ازور دحجي عدل لا اعدلج هالحلگ ابوكس
جنه اوي ماتعرف تعيش بدون مشاكل
ازور اوي بعينج دحگي لضلين تعتين بسوالفج واطلعين سوالف من جوه الكاع لا ادفنج اهينه
جنه ترا والله مليت
ازور ديلا يگلك عندج الجهال والعيال متعبيج
جنه ياريت ذول ولا انته
ازور تكولين احبك
جنه اي احبك بس شفايده من طرف واحد
ازور من كالج من طرف واحد
جنه امبين
ازور جنه ترا تصرفاتج ماتعجبني ترا البيه مكفيني وانتي ازيدينها عليه
جنه ازور اذا اني هم عليك طلگني
ازور لج بابا ايمته تفتهمين عمي الطلاگ شيلي من راسج فد نوب ماشي يبويه شيلي من مخج لتعيدين هالحجايه لا لا
جنه وانته هم بطل اهدد وتتعصب عليه
ازور مو سوالفج تزهگ الروح
جنه سوالفيش عالقليله من اگلك احبك صدگ احبك
ازور يعني اني امجذب عليج
جنه اي
ازور بله نعبرها الج هالغلطه و يلا كولي ابشنو امجذب عليج
جنه.........
ازور احجي
جنه بيان البارحه كالتلي ليش ازور مالابس حلقته كلتلها نريد نغير نقشتهن وكالت ها عجل ليش صارله مده مالابسها كلتلها انتي شعليج كالتلي هوه اني كلتله انزع حلقتك وهوه نزعها 🥺🙍🏻♀️
ازور هههههه الله وانتي صدكتي شوفي يعني انتي متثقين بيه
جنه ليش متلبسها بس گلي
ازور دوسي اصبعي
جنه شبي
ازور مادري بس يوجعني
جنه مدقلص
ازور اي
جنه ماتروح للدكتور خاف بيه شي
ازور ماعندي مجال
جنه عجل يبقى هيج مو زين
ازور ماعليه شي
جنه لا لازم تروح للدكتور مادامه ياذيك
ازور اشوف
جنه الحلقه البسها بايدك الثانيه
ازور بس هاي الايد للخاطب مو للمزوج
جنه حتلو المهم تبين عندك مره
ازور ييابه يغيرتج
جنه هههههه
ازور زعطوطه
جنه مو زعطوطه اني انته ليش تستهزء بيه
ازور هههه زعطوطه گلبي
جنه زعطوطه گلبك
ازور اي بس هالزعطوطه تشك
جنه لا اني اثق بيك
ازور اها مبين
جنه ان
ازور اسكتي.... الو
هلا عمي اي هايه يمي ها خما اكو شي اي شويه واحجي وياك
جنه منو شكو
ازور سلامتج اني نازل شويه واجي
جنه وين
ازور الو ها عمي وياك
شنو لا الى رحمة الله شلون اكللها يعمي حاجم والله مدري اخاف ماتتحمل هالخبر لي والله خاير شلون اكللها ان ان شاء الله عمي عجل اني ابدل واجي .. جنه جنه
جنه ها ازور
ازور حضريلي دشداشه وعگل
جنه وين رايح
ازور دحضرين اشگد تسئلين
جنه رحت حضرتله ملتبس اجه سبح وبدل ولبس عدل عگاله عالمرايه ودحگ عليه ..... شببك ازور نضراتك ماعاجباتني اكو شي
ازور جنه روحي البسي وبدلي عالسريع
جنه وين رايدين
ازور صديقي مات
جنه لا الى رحمه الله
ازور يلا عالسريع
جنه بدلت وكملت اشو اخذنه لبيت اهلي وجان ناس يمهم هوايه .... ازور هاي شنو منو مات
ازور البقاء بحياتج كلنه على هالطريق
جنه ازور شتحجي منوووووو مات
ازور امج
جنه يببببووووو يووول اتخسزن والله امي ماتت
ازور كافي اسكتي عود من تفوتين بالبيت صيحي منا زلم
جنه ماهتميت وبقيت اصيح اخذني للحديقه شفت اخويه يبجي وزدت بالبجي..... يبببو يالغاليه يميمتي وييين ررررحتتتي وعفتييينه يول اتخسون والله رجعولي امي اتخسون رجعوها يول يخوتي تيتمنه تيتمت مابقالي حضن حنان تيتمت ريت اني رايحه ولا اميمتي يايمه ارجعي يمه شلون ابدونج شلون شلوووون اعيش ارجعيلي ييمه ارجعيلي من اروح فدوه لبيت الله ارجعي ارجعي واني اموت بمكانج
ازور كافي جنه كاغي فوتي للبيت يلا
جنه اتخسسسه والله يازور ماشفنها هوايه ماشبعت من ريحتها اتتتخسه البارحه ردتك اتجيبني الها
ازور كافي جنه كافي شدي حيلج شوفي اخوانج وابوج اعقلي وعقلي عليهم كافي
جنه ضليت ابجي وانوح النوب جابو التابوت رادو يفوتو للبيت لو كمت الطم شبعت لطم ازور بالگوه لازمني ردت اشگ ثوبي وازور ضربني راشدي
ازور كاااافي تخبلتي كافي
هيام جيبها ازور خل ناخذها جوه
ازور فوتي جوه ويه هيام يلا لضلين اهينه ولتصيحين ولتشگين ثوبج وديربالج تلطمين حرام ميصير يلا
جنه شلون متريدني الطم بس شلون هاي امي الماتت
ازور كاغي ملنه على هذا الدرب ارضي بحكم ربج
جنه هزيتله راسي فتت للربعه واشوف الناس تصيح وامي مغمضه عيونه نسيت كل كلام ازور وكعدت الطم واصيح واكطع بشعري اخير شي خربت ووكعت
هيام اززور ازوور
ازور شطلعج منا زلم امشي فوتي
هيام جنه خربت تعال الحك
ازور سويلي طريق
هيام رحت لكيت النسوان يطشن عليها مي ناديت ازور شالها اخذناها للمستشفى شكللولها مغذي گعد ازور يمها يمسح على شعرها شويه وكعدت ورجعت تبجين
ازور كافي حبيبتي ميصير تعذبين روجها
جنه ازور گلي اني بحلم گعدني من هالحلم
ازور ارضي بحكم الله كافي يروحي مو هيج تعذبين روحها
جنه ماضلي حضن امان يازور
ازور هسه مو اتصلين انتي وتعبدين الله وتعرفين الموت حق و كلنه على هالطريق كافي ياروحي انتي هيج ماترضين بحكم الله والله يزعل اصبري وصبري اخوانج شوفيلهم مثل النسوان يتباجون
جنه صعبه والله صعبه
ازور والله ادري صعبه ياروحي بس اصبري وكلنه ميتين محد امعبد بهالحياه كلنه نموت اليوم امج باجر اني وانتي هاي الحياه نولد ونموت
جنه هئ هئ
ازور كافي ياروحي بواجي مو زيلج وصدگي ماكو ام تحب تشوف ضناها هيج هسه اكيد زعلانه عليكم
جنه هيه لو تحبنه ماعافتنه
ازور لتكولين هيج الله حبها واخذخا ويريد يختبركم بيها قوي نفسج وكلشي باراده الله يمشي
جنه ازور الكلام سهل بس صعبه والله صعبه هئ
ازور ادري ياروحي ادري بس قوي حيلج لاجل اخوانج صيريلهم ام بدال امج
جنه هئ هئ
ازور يلا تا نرجع
جنه ياريت ارجع والگاها هناك
ازور قوي نفسج حبي مايصير هيج
جنه ان شاء الله: رجعنه للبيت واشوفهم طلعو امي من الحمام ويخيطون بجفنها ورجعت الطم واصيح فكيت الكانول وازور بالگوه لزگ لزگه بمكان الكانوبه تا مالوريد ينزف ضليت ابجي واكول..... لا تجفنوها تختنك افتحو الباب يول والله تختنك هيه ماتحب شي على وجهه
ازور كافي جنه كاغي يروحي تعالي تعالي ويايه
جنه اخذني لغرفتي القديمه ونومني عالفراش وگعد يقرا قران فوگ راسي جان صوته حلو لذاك غفيت
