كاعدين كلنه وجفت (دخل)عمي عادل علينه بقينه صافنين بي عيونه حمر ومبين باجي سأل جدي مروان
شيخ مروان:خيرك بويه عادل
عادل: بوي راح اخوي وعضيدي بويه خالد مااات
بيبي كامت تلطم هيه وعمه وجدي مروان مانطه اي ردات فعل
شويه وصاح
شيخ مروان: بسجن بسجنننن تنوحن لتفت العمي عادل وكال
شيخ مروان:وشسويله انه من طلع خالد كتاله ماعندي ولد بعد واعتبرك متت وكسر جلمتي وطلع الله يرحمه هذا الكدر اكوله
كمز عمي علي على رجل جدي مروان وصاح وهو يبجي مثل النسوان
علي: بويه ابوسن رجلك سامحني يبويه خالد ماغلط انه الغلطت بويه خالددد شرررد مني يبويه انه نذال ومابيه خير
رفعه جدي وهو مصدوم من حجيه وكال
شيخ مروان: شتحجي شجرالك يبويه شنو هل حجي
كام عمي علي وكف كبال جدي وكال
علي: بويه انه بذاك اليوم رديت سكران وردات اعتدي على حرمت اخوي وخالد يبويه يعزني ومارد يكرهكم بيه اخذ مرته وابنه ومشه
كلنه بقينه صافنين ومانستوعب السمعنى وجدي مروان شششيخ مرروان نزلن دموعه ايي نزلن مسحهن بيده رد عمي علي وكمل حجي
علي: يبويه رحت لي ورى مراح وطلبت السموحه منه وكتله انه موش بوعيي وبعد ماتنعاد وسامحني يبويه اخوي سامحني وانه اريد السموحه منك انته ودنك على رجلين جدي يريد يبوسهن كومه جدي
شيخ مروان: الله يسامحك
ولتفت العمي عادل وكاله كلهم يجيبون جنازت اخوك
حجاه بصوت مكسور
عادل:بويه موش بس اخوي حرمته ويا بويه
شيخ مروان: شلون شنهي حرمته وياه
عادل: بويه محترك بيهم البيت
كام جدي من مكانه وصاح بصوت وحفادي
عادل: جود بالقسم وهسه اجه ورنين بالمدرسه ومايدرون كبل شويه درو ورنين صعد عده السكر
شيخ مروان:اااخخ اخ ياخالد بويه
مشو عمامي وجدي للمستشفى واحنه كمنه كالت مرات عمي علي
هند: يمه لمن البيت تره النسوان تاخذ العرض كمنه اني وعمه هند وماما وعمه نضف البيت رغم جان نضيف نضف ونبجي شويه وسمعنه السياراه طبكت وسمعت صوت باب المطبخ
صلب:غنى بويه
غنى:هاا صلب
صلب:دخلي جوه خلي الولد يفوتون المسواك نزلو المسواك كون مسواك فاتحه بعد اجه صلب للغرفه
صلب:غنى بويه المضيف نضفي
غنى: صار
رحت نضفت المضيف ورشيته عطر ورجعت
طبعاً انه ماملحكه على عمو خالد من جان عمري سنه هو طلع
شويه وسمعت صوت عمي وابوي الي ينوحون مثل النسوان طلعنه وتلكتهم عمه وبيبي وعمه هند وماما يصرخن المنضر جان يقشعر الجسم شلون طرحو التابوت وهم التمو علي يبجوان وجدي طرح عوجيته وكعد كال بكسره وهو مهضوم
شيخ مروان: بووويه خالد كعد بويه ماشبعت من ريييحتك بويه ليش تكسر ضهري بويه اكعد البتك شوفه شحاله خايب بويه وين مخليه تكسر الخاطر
من كال جدي بته بقيت ادور بالوجوه اريد اعرف وينه وشفته ريتني ماشفته صدك تكسر الخاطر مسحت دموعي ورحت ليه حضنته وهيه هم رغم ماتعرفني بس تريد واحد يواسيه اخذته وصعدنه فوك جانت اصغر مني بسنه وشكله ناعم خذته الغرفتي كعداته واسيته شويه وكتله
غنى:كومي كومي سبحي ولبسيلج ثوب اسود
رنين: ماعندي كالته وهيه تناشغ مثل الطفل
غنى:انه انطيج حبيبه كومي
