بمسامر لواكة وليل مغنه "
عريان سيد خلف
✦✦✦✦✦✦✦✦✦✦
#الف حرف ومعنى
البصره_بيت ال مروان
رنين: كعدات الصبح على ايد تمشي على وجهي عبالي جود افتح واشوف صلب طفرات من مكاني
صلب: اسم الله شبيج
رنين: شجابك مد ايده لجيب البجامه مالته وطلع المبايل وهو يبتسم
صلب: شوفي
رنين: شغل فيديو الي واني فاقده واهذي من الصخونه
"صلببب والحمزه ابو حزامين احبك انته ليش ماتحس اني احبكةاغار عليك حته من غنى انته الي ماريد احد ياخذك مني صللللب"
رنين: اباوع وخدودي صارن حمر والحراره صعدات لراسي خرب غيرتي هاي شمصخمه
سد المبايل وباوع عليه
صلب: يعني تحبيني وماتحجين وتغارين حته من غنى مو كلتي
رنين: من الخجل ماعرف سشوي بقيت ابجي
صلب: شبيج رنين ليش تبجين
رنين: سحبني من ايدي وحضني وكام يمسح بدموعي
صلب: شبيج يروحي ليش هاي الدموع هاا حاجيني هذا كله لان صورتج هسه امسحه وداعت عيونج
رنين: لا مو لن صورتني جود اني احبك من اول مادخلت لهذا اليوم ومن كالو متت اني متت وياك ومن فتحت عيوني ولكيتك واكف يمي ماكدر اوصف فرحتي ومن اشوفك واكف وتسولف وي بت خالتك تشتعل بيه نار ومن اشوفك تحجي وي غنى وتحضنه اتمنه اني بمكانه صلب اني حبيتك بوقت فقدات بي امي وابوي رب العالمين عوضني بيك انته احله شي صار من بعد موتهم
صلب: ايباااخ هذا كله اني عمي نيالي رنين تحبني هيج وبعدين تعاي تغارين من غنى لن احضنه جا هسه انتي وين "حجاه وطكه ضحكه"
رنين: من حجه هيج نتبهت لنفسي طفرات طفر وهو بقه يضحك اكله لايجي احد
صلب: نايمين محديجي
رنين: ليش بيش ساعه؟
صلب: ب4 "حجاه وهو يبتسم"
رنين اععععع جا انته شمكعدك
صلب: والله فزيت واني حلمان بيج وبقيت افكر بيج وماكدرت انام اجيت اتكد من السمعته كلبتيه فاتحه عليه
رنين: كوووم عفيه ليجي احد
صلب: بشرط
رنين: لي هو شنو
صلب: توافقين ياله احجي
رنين: جنت خايفه وبس اريده يطلع ايي موافقه
صلب: تكليلي انتي تحبيني؟
رنين: كووم عفيه صلب
صلب: جوجو كولي ياله
رنين: صفنت بعيونه وكتله ايي احبك
صلب: ياعادل يابويه ااااخ شتعلت ادهم
رنين: ههههههههههههههههههه
صلب: ايي ضحكي ضحكي واني مشتعل اكوم لاسوي مصيبه
رنين: طلع واني كمت سبحت وبقيت كاعده اكلب بال انستا شفت ادهم مخلي ستوري "اني معجب بنفسي جد واذا الله سهل اسوي تمثال" والستوري لبعده محادثه بينه وبين صلب
المحادثه
"صلب: بعد اخوك محتاج عماله انه اعونك
ادهم: ونعم منك ابو ليث ماتقصر ادريك
صلب: اي ماكتلي تبني من جص لو سميت
ادهم: والله من طين اصرف
صلب: لا من زفت احسن واصرف شكلت
ادهم: مدري يجوز اسوي بس محتار وين احطه
صلب: صديقي مدير مال مستشفى مجانين نخلي هناك شكلت
ادهم: حترم نفسك شنو انه مسودن
صلب: لايخوي حشاك قصدي نخليك بالباب وانته راح تسوي من زفت بحيث المريض من يريد يطلع يشرد يشوفك يخاف ويرجع"
رنين: اقره وعيوني تصب من الضحك ختنكت وعلي ذولي الثنين فلا يتصافون ولاعبالك خوان واحد يختلف عن الثاني صلب ثكيل ومايضحك هواي وذاك يتمركص طارت النومه من وره صلب كمت سبحت وخدرت جاي وكعدات كعدات عمتي نادين
نادين: بسم الله فازه ولج يمه
رنين: لاشبعت نوم
نادين: جا تعاي نخبز وسولفي عليه
رنين: كمت وياه هيه تخبز وتحجي على ادهم متعارك وي شيخ وغلط علي وذاك معاتب جدي كملنه وكعدنه على سفره كلهم بس ذياب بالدوام
صلب: جدي اريد احجيك بشغله انته وجود
رنين: يحجي وانه مدنكه اكل مامهتمه للموضوع
شيخ مروان: اي بويع كول شنو موضوعك
صلب: جدي انه طلبت ايد رنين من جود وافق
شيخ مروان ابركه من ساعه وين تلكه مثل رناوي
رنين: الخبزه ضكت بلعومي ماكدر ابلعه رفعت راسي اباوع غنى مقابيلي اشوفه تباوعلي وكوه كاضه روحه ماتضحك
شيخ مروان: خير البر عاجل اذا البت موافقه باجر تعقدون
رنين: لااااا لهنا وبعد ماتحمل شركت وغنى طكته ضحكه وادهم يهلهل
شيخ مروان: وهرشش شفتهمت وتهلهل
ادهم: تشوفه شلون تضحك موافقه موافقه كلللللللللللووووووش هلى الخير والبركه على الخير والبركه ويدك على ميز
شيخ مروان: هو شتضحك البت راح تموت اطوه ماي
رنين: احس عيوني نطت من كد ماكحيت وهذا يكله تضحك شربت ماي صرت اشوه
شيخ مروان: شكلتي بويه صلب ابن عمج وتعرفينه ومو غريب وماتلكين احسن منه رجال ونعم منه وجان ادهم ومحمد يضحكون ضحكه صدك طالعه من كلبهم
محمد: اااخ بويه راح اموت هذا على منو يحجون ولك ادهم
صلب: سد حلكك ولك شنو موبعينك ساكت لخاطر جظي اكوم احط النعال بحلكك انته وهذا نعال الثاني
جود: رنين محد يجبرج على شي اذا موافقه كولي اي وذا لا كولي
شيخ مروان: ماتحجين بويه
ادهم: ستحت عوود خلوه
رنين: موافقه جدي
ادهم: كووووووووووووووووللللش
محمد: ياعرس فافون شزينه اذب روحي شجخ بالطينه ياعرس فافون شزينه اذب روحي شجخ بالطينه
رنين: يدبج وبيبي ويا خطيه فرحت وعمه هند ونادين يدكن بس ادهم طلع ورجع بيده طين كض محمد من راسه وترسه طين
ادهم: مو تريد تذب روحك شجخ بالطين هاكك هذا الطين لاتذب روحك
رنين: نباوع وميتين من الضحك تلفه تلاف عبالك سابح بالطين
محمد: ابن الحلوو شسويت ولك جذب وعلي
رنين: راح محمد يسبح وعمه هند كالت مشينه نروح للسوك اشتريلج فستان ماطول بعد وكت رحت وياه وعمه نادين كالت انه انضف على ماتجن غنى اجت ويانه شتريت فستان حلو لونه زهري وسدره دلعه كلش وضهري نصه طالع اباوع بيه مامقتنعه وعمه تصيح هو هذا مال هيج مناسبات حلو ياحلو عمه فضيحه اخذته ورجعنه لكينه الولد بالصاله مشغلين اغاني ويركصون عبالك غجر ولدنه بالركص محد يدكهم ادهم ومحمد ذياب هم نازل وصلب كاعد على صفحه هو وجود شكد يتشابهون حته بالتصرفات الصدمني انو جود صديق صلب حته قبل لايتوفون اهلي وصداقتهم قويه كلش باليل كملنه تنضيف صاحلي جود
جود: رنين تعاي لغرفتي
صعد وانه بقيتيم بيبي تبجي وتصيح خالد يمه بتك راح تعرس نعست وصعدات دكيت الباب
جود: تعاي
رنين: دخلت وانه ابتسم ارلي بيده على مكان يمه اجيت كعدات يمه خله ايده على متني وسحبني الصدر باسني براسي
جود: رنين يبعد عيون اخوج مقتنعه اذا ماتردين الغي كلش
رنين: مقتنعه كوه حجيته من الخجل
جود: رناوي ماتلكين مثل صلب صلب اخوي وادريبه راح يصونج ويقدرج وشوكت ما غلط بحقج انه خوج موجود بس كليلي اكسر راسه لو مو صاحبي انتي امانت ابوي وامي هسه نامي وشبعي نوم اريد اشوفج باجر احلى عروس
رنين: ضحكت بسته بخده ورجعت حضنته يابعد روح اختك
جود: سالمه روحج
رنين: طلعت من غرفته بعدني بالباب وصلب صعد باوعلي وضحك
صلب: روحي نامي شكو كاعده
عفته ورحت اركض للغرفه واسمعه يصيح وراي
صلب: اشردي اشردي اكضج باجر
رنين: ضحكت وفتحت الخانه اباوع بالفستان خليته يمي وكعدات طلعت صورت ماما وبابا ودموعي طاحن وحدهن
بابا اميرتك كبرات وراح تزوج ليش بابا مو انته الموجود وتشهد على عقدي وليش مو امي تلبسني فستاني وتكلي مبروك ليش حرمتوني منكم بابا وعلي شتاقيتلكم عفتوني ومافكرتو اعرف بجود مامقصر بس انه اريدكم انتم بقيت اعتب بالصور وغفيت كعدات على ادهم وغنى يمي طبعاً كلهم اتحجب كدامهم بس ادهم ومحمد ذولي يشاقوني ويكرصوني من خدي عدهم عادي
ادهم: خااايب هو خايب هووو
غنى: خايب هو خايب هوووو
ادهم: كوووم اذبح حيه مراسين
غنى: خايب هوو خايب هوووو
ادهم: وطبي بجدرهم
غنى: خاااايب هوو خايب هوووو
ادهم: وسمي ولدهم
غنى: خايب هووو خايب هووو
ادهم: وسمي اهل الدار
غنى: خايب هووو خايب هووو
ادهم: ولجج رنين بعد جم ساعه وتصيرين مرت اخوي الجبير منا وغاد تحترميني ملابسي انتي تغسلينهن كل انتي تسوينه ماكو اطلكج
غنى: اييي عيوني صرتي مرات اخونه تحترمينه وتصيرين خدامه لنه
رنين: باااع ذوله طلعو لا اني لطلك اخوكم مو هو...... يتبع
انستا: zhraa._ahmad
