ما بعد الحب

البارت الاول

ما احلل كل واحد يقرا الروايه و ما يصوت )^

هلاوو اني اسمي دره عمري 16 من بغداد _ الدوره
اعرفكم عن عائلتي بابا شاف ماما بسوك و عجبته و بقه فتره يراقبها و للعلم هيه كرايبه بس من بعيد وره فتره قليله تقدم لماما و تم كولشي و تزوجو بأول شهر ماما صار عدها حمل و جانت حامل بولد بسنه 1995 ماما و بابا و اهلهم كولش فرحانين هذه اول حفيد للعائلتين يحسسونك الأمير فيصل حيجي مو طفل عادي جانو شايلين ماما بصلاوات بس كالت اخخ طارو بيها للمستشفى و بعد ماكملت اشهر حملها اجه يوم الولاده و اجه لدنيا امير بابا اختار اسم (امير) ويكول هذه امير كلبي و سندي و صديقي مرت الأشهر و اهلي فرحانين بأموري بس سوده عليه متكمل الفرحه جانو خايفين ع امير بسبب تصرفاته يعني احنه نعرف كل طفل من يجوع يبجي اذا بقه وحده يبجي لا اموري جان يبجي بدون سبب بلأوقات التعجبه و حتى اذا جان مجوعان و لا مريض و اهلي يمه او مو يمه هم ميبجي يعني بين قوسين الطفل مو طبيعي و حتى اذا بقه وحده المفروض يبجي يخاف يدور اهلي وهوه لا عادي بابا كال لماما اليوم لترضعي و خنشوف يبجي يدور عليج والله و ماما سوت هيج و اموري ما بجه و لا دورها لماما اذا ماما وكعته بلغلط هم ميبجي هنا بابا شك اموري بي توحد اخذه للدكتور و جان كولش خايف لا يطلع الباله صحح و جانت ماما تدعي و خايفهه كولش هواي بعد ما اجه دورهم و دخلوو لدكتور فحص اموري و طلع البالهم صحيح اخويه مريض بمرض التوحد و السبب دم ماما و بابا ممطابق ولدكتور كال الهم بعد ممنوع تخلفون لان اي طفل يجي معاق او بي توحد ماكو طفل صاحي يصير الكم متتخيلون اهلي شنو جان وضعهم بابا مؤمن برب العالمين و كال هاهيه مادام هذه الكاتبه ربي ارضي بي و الحمدالله و الشكر و اذا يعني ابني مريض او موصاحي مادام كدام عيني هاهيه يبقه هذه بجري الأحبه و ابني و صديقي و اني ما اعوفه لأخر يوم اخذ ماما و اموري و رجع للبيت بس ماما اخخ ياماما شبعت بجي كاعده و تعاتب بأالله

سعاد / ببكاء ليش ياربي ليشش شنو سويت حتى هيج تعاقبني زين اني اولي بس هذه اموري شنو ذنبه يعيش بلا عقل حاله حال الحيوانن لشششش ربيي ليشش مو عبدتك اني زين اموري وليدي و ميخالف مريض اني امه و اني اتحمله لو ماعرف شيصير بس تمنعني من الأطفال ليش ربي لييش يعني ما يصير عندي بنيه و لا جهال بعد يعني ما اسمع كلمة ماما اني الأريد 5 جهال لو 6 اخر شي ماكدر اخلف و ماعندي غير اموري لييش ربي

( ماما من القهر كامت ما تدري شتخرط )

شبعت بجي بابا خلاها ع راحتها لحد ما فرغت كل البداخلها ياله اجه و حجه وياها

رعد / سعادتي حبيبتي انتي مؤمنه برب العالمين

سعاد / حركت راسها بمعنى اي

رعد / زين هذه اختبار من الله و ميصير هيج تحجين انتي المؤمنه المتدينه المفروض تكولين الحمدالله و تكومين مو تحاسبين الله