Fall in love with you again💗

ណែនាំតួអង្គ

តួឯកប្រុស លី មីនជុន មានអាយុ 24ឆ្នាំជាសាស្ត្រាចារ្យផ្នែកគ្រប់គ្រងនៅសាកលវិទ្យាល័យ KMN University ហើយជាអគ្គនាយកក្រុមហ៊ុន LMJ ។នាយក៏មានជំនាញខាងពេទ្យធ្មេញផងដែរ។ព្រោះកាលនៅរៀនសាកលវិទ្យាល័យ មីនជុន បានចាប់យកពីរមុខជំនាញគឺជំនាញគ្រប់គ្រងនិងជំនាញជាពេទ្យធ្មេញ។នាយជាមនុស្សមានសមត្ថភាពខ្ពស់មានចំណេះដឹងច្រើន ហេតុនេះហើយទើបធ្វើឱ្យនាយក្លាយជាមនុស្សជោគជ័យទាំងវ័យក្មេង។មីនជុន មកពីគ្រួសារអ្នកមានទ្រព្យសម្បត្តិហូរហៀរ និងមានអំណាចខ្លាំង។លើសពីនេះទៅទៀត មីនជុន ជាបុរសដែលនារីគ្រប់រូបប្រាថ្នាចង់បានជាគួរគាប់ជីវិតព្រោះនិយាយមិនត្រឹមតែមានចំណេះដឹងខ្ពង់ខ្ពស់និងជាអ្នកមានប៉ុណ្ណោះទេ។នាយថែមទាំងមានរូបរាងសង្ហាឥតខ្ចោះ ព្រមទាំងមានចិត្តល្អនិងជាមនុស្សហ្មត់ចត់ម្នាក់ទៀតផង។នាយជាកូនប្រុសទោលក្នុងគ្រួសារលី។

តួឯកស្រី ជូន ដាហ៊ី ជានិស្សិតឆ្នាំទី 1 នៅសាកលវិទ្យាល័យKMN university ។នាងជានិស្សិតកំពុងចាប់ផ្ដើមចូលសិក្សាជំនាញគ្រប់គ្រងព្រោះនាងមានបំណងចង់ក្លាយជាអ្នកជំនួញ។ ដាហ៊ី មានចិត្តសប្បុរសតែងតែជួយយកអាសារអ្នកដទៃ មានចរិតមិនស្លូតពេកមិនកាចពេក ទន់ភ្លន់តែមិនទន់ជ្រាយ ហើយនាងក៏ជាមនុស្សស្រីដែលមានសម្រស់ស្រស់ស្អាតផងដែរ។គ្រួសាររបស់ ដាហ៊ី មានជីវភាពធូរធារសមរម្យ។មួយវិញទៀតនាងក៏ជាក្មេងស្រីម្នាក់ដែលជោគជ័យក្នុងការសិក្សាផងដែរ។ដាហ៊ី ជាកូនស្រីដែលមិនដែលធ្វើឲ្យឪពុកម្ដាយខកចិត្តចំពោះខ្លួននោះឡើយ។នាងជាកូនស្រីច្បង ហើយមានប្អូនស្រីម្នាក់ឈ្មោះ ជូន ស៊ូយ៉ុនជាសិស្សថ្នាក់ទី 12 ។ដាហ៊ីមានអាយុ19ឆ្នាំ ឯ ស៊ូយ៉ុនមានអាយុ18ឆ្នាំ។

តួរងប្រុស កាង ជីវ៉ុន ជាពេទ្យធ្មេញល្បីឈ្មោះនៅប្រទេសកូរ៉េខាងត្បូង។នាយមានគ្លីនិចជាច្រើនកន្លែង។ ជីវ៉ុន ជាមិត្តជិតស្និទ្ធរបស់ មីនជុន។នាយក៏មកពីគ្រួសារអ្នកមានផងដែរ។

តួរងស្រី ចាង ហេជីនជានិស្សិតឆ្នាំទី 1 រៀនជំនាញ Doctor ។នាងក៏រៀននៅសាកលវិទ្យាល័យ KMN University ផងដែរ។ ហេជីន ជាក្មេងកំព្រារស់នៅក្នុងមណ្ឌលកុមារកំព្រាតាំងពីតូច។

តួរងប្រុស គីម ស៊ីវូ ជានិស្សិតឆ្នាំទី 4 រៀនផ្នែកគ្រប់គ្រងនៅសាកលវិទ្យាល័យ KMN University ។ នាយជាកូនអ្នកមាន។ម៉ាក់របស់ស៊ីវូជាមិត្តភក្កិជិតស្និទ្ធរបស់ម៉ាក់ ដាហ៊ី។

តួរងស្រី ជូន ស៊ូយ៉ុន ជាប្អូនស្រី ជូន ដាហ៊ី។