جحيمي انت

بآرت 1

الكاتبه حور البصراويه
.
.
.

سنه 2017 جان عمري 12 جان كل همي
دراستي وعائلتي اني أصغر وحده بعائلتي اسمي طيف اعرفكم على عائلتي
ابويه عسكري
اخويه الجبير عسكري وبنفس الوقت متخرج
خريج قانون ماكو تعيين ف اشتغل عسكري ويه ابويه و اخواتي الاربعه موضفين وامي ربة منزل
________________

طيف:
دك الجرس حله طلعت من المدرسه وامشي للبيت
وصلت الفرعنه وجان اشوف ناس يم بيت عمي
شلت حجاره وكملت مشي وصلت يم سياره شلت الحجاره وضربت سيارة شخص ماعرفه واني اضرب
بالحجاره طلعلي شخص بملابس عسكريه كمشني
وكرصني من اذني

عمار بعصبيه:
ليش تضربين حجار شنووواهلججج مممامربينججج

طيف بخوف:
بالكوه فلتت نفسي ورجعت للبيت ابجي جان امي تكلي

ماما:
يمه بدلي علمود نروح لبيت عمج اجه ابنهم من السفر

طيف:
ليش هوا وين جان

ماما:
جان عده شغل بالخارج وهوا عسكري واجه بمهمه

طيف:
رحت للغرفه بدلت ورحمه لبيت عمي اول موصلنه
عدهم خطار شوي وراحو الناس بقينه بس احنه
وبيت عمي صاحلنه بابا

بابا:
تعالن محد موجود بس اخوي وابنه

طيف:
رحنه جان انصدم بالشخص التعاركت وياه
بسبب سيارته كبل صرت ورا امي وكمت ابجي يمه
ماريده هذا كتلني

بابا:
كام كال شبيج بابا تبجين منو كتلج

طيف:
باوعت للشخص مصدوم واشرت عليه
بابا صار يضحك

بابا:
يمعود شسويت لبنت عمك هاي بدايتها
ورحبت بيها بكتله

عمار:بكلبي فشلتني
عمي اعذرني ماعبالي بنتك بس لكيته
تضرب سيارتي بالحجار

طيف:كمزت من مكاني وكلت
جذاب هوا يكلي ممربايه واني من كلي هيج
ممربايه عصبت وضربت سيارته يعني سويت
هيج بسبب مو بدون سبب
باوعتله عصب عليه لين جذبت
.
.
.
خلص البارت
كلمة247
حبايبي دوسو النجمه وتابعوني