အမုန်းဖွဲ့ရွှေဖူးစာ 🏵️
အပိုင်း ( ၁ )
" မှိုင်း' မင်းဘာပြောလိုက်တယ်
ငါနားမရှင်းလို့ နောက်တစ်ခေါက်လောက်ပြော
ပါအုံး ... "
" ငါ လူသွားခိုးမလို့ ..."
" ဘယ်သူ့ကိုလဲ ဘယ်ကလဲ
ငါသိတဲ့သူထဲကလား ..."
" မင်းမသိပါဘူး ...
ငါတောင်သူ့အကြောင်း ကောင်းကောင်း
မသိရသေးဘူး ဒါပေမယ့် သေချာတာကတော့
ငါသူ့ကို အရမ်းချစ်တယ်ဆိုတာပဲ ..."
" အော် ဘယ်တော့သွားခိုးမှာလဲ ... "
" မနက်ဖြန်ကိုပဲ ငါသွားခိုးမယ် ...
နေစမ်းပါအုံး ဇိုင်း ' မင်းဒီနေ့
တစ်ခြားသူအကြောင်း တော်တော်စိတ်ဝင်စား
နေပါလား ..."
" အဲ့လိုမဟုတ်ပါဘူး ... ကိုကိုက တစ်ခြားသူလား
လေစိမ်းတွေ သိပ်မတိုက်ပါနဲ့ ..."
" အေးပါကွာ အေးပါ ..."
" ကျွန်တော် အဖေ့ကို သွားတွေ့မလို့
ကိုကိုလိုက်အုံးမလား ..."
" ဟင့်အင်း မလိုက်တော့ပါဘူး
ညီ မင်းပဲ သွားလိုက်ပါ ..."
" Ok ဒါဆို ကျွန်တော်သွားပြီ
နှုတ်ဆက်ပါတယ် ..."
" ကောင်းပါပြီ ညီ ..."
ကိုကို ခင်ဗျား ဘယ်သူ့ကို သွားခိုးဖို့စဉ်း
စားနေတာလဲ ပြီးတော့ ကျွန်တော်သိတဲ့သူ
လည်း မဟုတ်ဘူးဆိုပါ့လား ၊ ကိုကိုရာ ခင်ဗျား
ကြောင့်တော့ ကျွန်တော်ရူးရတော့မယ်။
တစ်ခြားတစ်နည်းနည်းနဲ့ ကံကြမ္မာဖန်လို့ရရဲ့သားနဲ့
ဘာကိစ္စနဲ့များ ခင်ဗျားနဲ့ ကျွန်တော်က ညီအစ်ကို
လာတော်နေရတာလဲ ။ စောက်ကံကြမ္မာကိုပဲ
အပြစ်ဆိုချင်တယ် ။
" အဖေ ကျွန်တော်ရောက်ပါပြီ ..."
" အေ ဇိုင်း ထိုင်ကွာ ...
အဖေက မင်းကို တာဝန်တစ်ခုပေးချင်တယ်
ဒီတစ်ခေါက် ကိစ္စက နည်းနည်းတော့
တာဝန်ကြီးတယ်နော် ..."
" ဘယ်လိုတာဝန်မျိုးလဲ
ပြောပါ ..."
" မနက်ဖြန် ကျားတို့အုပ်စုနဲ့ ပစ္စည်းလဲရမယ်
လဲရမယ့်ပစ္စည်းက ဘိန်းဖြူနဲ့ ပြည်ပက ဝင်လာမယ့်
လက်နက်တွေ ... "
