علموه عن غلاتي له٢

٢

فجاءه شافت اخوها قدامها ماعرفته من البدايه قعدت دقيقه تستوعب لكن ماصدقت شافته قامت ضمته بقوه وجالسه تبكي وبقوه
عبدالعزيز يضحك:خلاص خلاص لا تبكين
وام وجدان دمعت على خفيف ووجدان مهي راضيه توقف بكي حاولت ولا قدرت لكن بعدها قدرت
تمسك دموعها وراحت وجدان عند الهنوف
الهنوف:وشبك ليه وجهك كذا
وسكتت وجدان
الهنوف:صار شي
وانفجرت بكاء قدام الحريم ولكل استغرب وطلعت وجت وراها الهنوف
الهنوف:يمامي تراك خرشتيني وشبكك
وجدان:عبدالعزيز جاءءءء
الهنوف:الحمدالله على سلامته لكن ليه كل البكي ذا
وجدان:مشتاقه لهههه شسوي عاد
الهنوف:والله ياحظ اخوك عنده احد يبكي عليه
وجدان:شقصدك؟
الهنوف:لااا ابد ولا شي
وقعدو يسولفون وتحاول الهنوف تسعد وجدان ولا تخليها تبكي...
خلصت العزيمه وعائله أبو سعد نامو عند ابو وجدان لنهه ابو وجدان رافض انه ابو سعد يروح الفندق لنه بيته كبير ونامو عند ابو وجدان
عند عبدالعزيز وسعد
سعد:ياولد تغيرت ماعرفتك
عبدالعزيز:يوووو انا كملي عليك واكيد تغيرت وجدان ماعرفتني كيف بتعرفني انت
وجاب عبدالعزيز طاري وجدان وتضايق سعد لكن ماوضح قدام عبدالعزيز
عند وجدان ولهنوف
الهنوف:يلااا هالحين اول مره انام عندك واحلا نومه
وجدان:اكيددد اطلق نومه عندي
الهنوف:وجدان
وجدان:لبيه
الهنوف بحزن:عايدي تكلمين سعد شوي تكفين تعبان للحين وقفي معه وقت تعبه تكفينننن
وجدان:مدري
الهنوف:تكفيننننن سعد تغيررر مره ماصار سعد الى يضحك معنا كله بالغرفه ومصدي عنا
وجدان:مهو ذنبي انا انا ماطقيت على يده قلت له حبني
الهنوف:عارفه لكن هو مايدري كيف حباك بسرعه
وجدان:مدري وش اقولك لكن يصير خير بكره
الهنوف:لا لا اليوممم تكفين
وجدان:طيب اذا نام عبدالعزيز
الهنوف:ياحلوكككك ياناس
عند عبدالعزيز وسعد
عبدالعزيز:يوووو متكسورررر
سعد:سلامتك
عبدالعزيز:الله يسلمك ابرقد مواصل من امس
سعد:اي احسن ارتاح
ونام عبدالعزيز وطلع سعد برا بشارع يدخن كلعاده
وشافته وجدان من دريشه وطلعت له بشارع
وجدان:سعد
سعد:شتسوين هنا بتفضحينا
قربت وجدان من عنده
سعد:وجدان وشبك؟
ومسكها ودخلها جوا عشان محد يشوفها
سعد:بنت انجنيتي
وجدان:اشتقت لك طيب
هنا سعد مايدري وش يقول انصدم
سعد:عيدي؟
وجدان:اشتقت لككك
سعد:مو كثري
مسكت الدخان ورمته
وجدان:مو منجدك ياسعد تدخن وانت تعبان
سعد:شسوي
وجدان:وش الى وش تسوي امش
واخذته وجدان ورا البيت وجابت له اكل و ادويه الى اعطاها دكتور هو ماياخذها ساحب عليها عشان كذا للحين تعبان
وجدان:امسك وكل قدامي اعرفك مارح تاكل اذا رحت
سعد وهو يناظره وفرحان:تخافين علي؟
وجدان:تبي صراحه؟
سعد:اكيد
وجدان:اي اخاف عليك
سعد:تحبيني؟
وجدان:الاكل بيبرد وانت مااكلت
مسكها سعد من يدها
سعد:مارح اكل لين تجاوبين
وجدان:اذا اكلت بجاوب
سعد:ليه مو الحين؟
وجدان:عشان نسولف وكذا
وقعد سعد ياكل وهو يتامل فيها ووجدان شغاله نفسها بالتفكير....