افتراء كاذب

مقدمه

‎افتراء_كاذب#
للكاتبه:ميرا❤️
الحلقه:الاولى
روايه ليبيه🤝🦋ممزوجه بالخيال

__________.
ف ليله زي السم مريت بيها قلبي يتقطع وتمنيت نمزق الفيلو الي لابساته نشوف ف الناس يرقصو ويغنو والي تهدزر وفرحانين واني نبكي البعض يقول هادي خناق العرايس ومحدش عالم بيا ونشوف ف خواتي مش ف الصاله وماما تبكي يحاسبوها حزينه ع فراقي وهيا العكس

___________.
اني ايلاف عمري 17 عندي ثلاثه خوات (جهان متزوجه)..(الاء عمرها 20)..(ايمان عمرها 15)وامي اسمها (فاطمه) نعيشو ف مزرعه وتعتبر بعيده شوي ع المدينه يعني مسافه بينها وبين طرابلس المهم كبيره وبوي اسمه (عمران)كان هلبا عصبي وهلبا مايسكر ويشرب ومره او مرتين ف الشهر يجينا للمزرعه اما غيرو ابدا وكانت ماما مهتمه بكل شي مش منقصة شي والحق مستحقينا شي وكان حلمي نكون دكتوره بس بوي منع الشي هادا وقال كيف بنت نقرا ووقف قرايتنا اني وخواتي وكنت احلى وحده ف خواتي وبعدها جهان وجهان كانت سمره وتهبل المهم لحد ماجي يوم ودمرني.....
__________.
قبل شهر:)
ايلاف:زي اي يوم عادي طلعت ندير ف الحاجات الي متعوده نديروهم نوكل الحيوانات ونعبي الميه ونسقي الزرع عادي يعني المهم وكنت نقرا يعني نكلم ف اختي تقول لي راجلها يجيبلي كتب نقرا بيهم لاني بجد نبي نكون دكتوره المهم كملت كل شي وخشيت
فاطمه:ايلاف هيا دوشي وتعالي ساعديني
ايلاف:علاش
فاطمه:بوك كلمني قالي جاييني ضيوف
ايمان:ومن هما وهوا ديما بضيوفه
الاء:تحشمي
فاطمه:هيا مش وقتكم قلي الساعه 2بيجو
ايمان:اللطف ي ماما الساعه توا 11 ره
ايلاف:اي وكان هيا بري ضمي الحوش  واني معا ماما وآلاء معا ايمان هيا
فاطمه:هيا تعالو
____________.
بعد ساعتين
ايلاف:الساعه 1 مكملين كنت نقرا ونفكر ونقول ف خاطري منو هادو اول مره بابا يجيب ناس بنساوينهم لحد ماطق الباب
ايلاف:مني
المرا:افتحي
ايلاف:فتحت ونشوف ف ناس اول مره نشوفهم ولبسهم غريب ولابسين ذهب يعني دنيا زايطه......تفضلو
البنت(عبير):السلام عليكم
كلهم:وعليكم
.....بعد ماتمت فقره التعارف خشو لداخل وبدينا ف جو التقديم
ايلاف:تغدينا وكل شي جت الساعه 5 مشيت ندير ف قهوه واني جايه للدار طاحت ف ودني كلمه نبو بنتكم ايلاف لولدنا حمزه اني وقتها رجليا معاش حملوني مش قادره طاحت الصفره مني وكلهم شبحولي وآني خلاص سخت طول مش عارفه شن جاني بس اني منبيش نتزوج.....
ايمان:ايلاف ايلاف
مريم:اسمله شن قلنا حني اللطف
ايمان:واللهي شن قلتو مشاء الله اختي مش هتتزوج حد
عبير:وعلاش
ايمان:صغيره اختي
مريم:عمرها 17 وصغيره
ايمان:اييييييي
ايلاف:نضت وقعدت لاراديا نصرخ ونبكي منبيش نتزوج منتبيش
فاطمه:حضنت بنتها....اهدي بنتي اهدي ماقلوش شي الناس مش هتتزوجي
مريم:اللطف علاش جايين حني نبو البنت ره
ايمان:تي متشوفيش فيها كيف مرعوبه وخايفه خلاص قلنا البنت مش هتتزوج
رقيه:بلله عليك دلع كلمي خوك خلي يروح بينا
مريم:تمام
ايلاف:روحو الناس وقعدنا بروحنا نبكي ونقول منبيش فجاءه نسمعو ف صياح وصوت بابا
عمران:منهوا الي ماتبيشي
ايلاف:خفت...ي بابا مزال صغيره
عمران:ضربها كف...لا كبيره صغيره شنو
فاطمه:ونبي ي عمران خليها
عمران:لا مش مخليها الولد بيتزوجها يعني بيتزوجها
ايلاف:به علاش اني بدات ي بوي
عمران:ايلاف متخلينيش ننزل فيك ضرب الولد بتاخذيه
ايلاف:مش عارفه كيف جتني الكلمه وقلت...مش بكييفك منبيش🥲
عمران:لما سمع الكلمه فك الحزام متاعه وبدي فيها ضرب وايلاف تبكي وكلهم يبكو وهوا يضرب لحد مافقدت الوعي من كثر الضرب
___________.
يتبععع:
هيا قصيره بس الحلقه الجايه هتكون اطول🤍😩🫶نتمنى تكون عجبتكم(ميرو)🫶🫶🫶