افتراء كاذب

الحلقه 1

#افتراء_كاذب
للكاتبه:ميرو
الحلقه:1 الاولى
روايه ليبيه ممزوجه بالخيال❤️‍🔥👍
_________.

ايلاف:نضت واني خلاص نحس ف روحي مش تمام ضلوعي متكسره وحالتي حاله لقيت ماما حاضنتي زدت دخلت روحي ف حضنها وقعدت نفكر....لو تزوجته كيف بتكون حياتي زعمك يخليني نقرا اممم مرات ميخلينيش اوف.....بعد تفكير طويل رقدت نضت الساعه 8 ك العاده
غسلت وصليت ووكلتها ع ربي قلت بالك الولد يخليني نقرا ومليح وبعدين اصلا فكرت ف ماما لو رفضت بابا مش هيخليني ف حالي هيضايقني وماما متبيش زي هكي وهتزيد تمرض. ف اضطريت نضحي بروحي ع خاطرها وقلت لبابا اني موافقه متغير ولا شي بس قالي اصلا من البدايه كلمتهم قلتلهم موافقين ...وجعتني شوي مخدتي رايي بس يلا
__________.
"تسريع ف الاحداث🦋😭🤝"ص
            
                                     _~MERO."

جي يوم الحفله اني دموعي مافارقوش عيوني نبكي وخلاص ونحس فروحي متقطعه وخواتي ميبوش يبنو انهم موجوعين يعاونو ف العرس وهما من داخل بيموتو الا ايمان تبكي معاي وحالتنا حاله طبعا مشيت لمزين قلتلها مديريش مكياج هلبا قتلي اصلا انتي حلوه مش هنمكيجً هلبا المهم لبسنا وكل شي مشينا للصاله خشيت واني نبكي الكل يحسابه خناق العرايس ونشوف فيهم الي فرحان واني تصفق واني ترقص جتني ايمان تغيرلي ف جوي ع اساس واني نبكييييي لحد ماقالو العريس بيخش مش عارفه شن صارلي صارت قشعريره ف جسمي رعشت كل فجاءه فتح باب الصاله وخش واني نشوف ومصدومه مستحيل يكون بيكميه الجمال هادي متوقعتاش هكي مصدومه نزلت راسي وكملت بكي  المهم قالو هيا منروحو طلعت برا الصاله لقيت خواتي يبكى وماما واني مشيت نجري حضنتهم ونبكي لاردايا كاني اخر مره منشوفهم نبكي نبكي .....
حمزه:هيا ي مرا
ايمان:تي اصبر
ايلاف:هيا ماما مع السلامه ومشيت ركبت
حمزه:مبارك ☺️
ايلاف:مرديتش 😅.....حسيت الطريق طولت خذاني النوم ورقدت

________.

                                            _~MERO".

ايلاف:نضت لقيت روحي ف غرفه تهبل ع الابيض نضت نفتش ب عيوني كان فيه شي فتحت التلفون لقيت الساعه 3 جعت طلعت من الدار خايفه شفت حمزه يتفرج ع التلفزيون .....اءءء
حمزه:الكوجينه ع ايدك اليمين
ايلاف:انصدمت كيف عرف نبي الكوجينه....من قالك نبي الكوجينه😊
حمزه:اه واخيرا سمعنا صوتك مش عارف شفتك طالع تشوفي قلت اكيد تبي الكوجينه لان الحمام فسط الدار لو تبي الحمام 😅
ايلاف:مشيت وخليته
حمزه:حرقتني الحركه بس فتها 🙂
ايلاف:خشيت الكوجينه منصدمه ب كميه الجمال الي فيها فتحت التلاجه لقيتها معبيه شكلايط خديت وحده وقعمزت ناكل....خش حمزه
حمزه:شن الجو
ايلاف:مردتش
حمزه:ع فكره نكلم فيك
ايلاف:نعم
حمزه:ادوي باهي راني راجلك
ايلاف:حمزه تفضل
حمزه:نبي نتعرف عليك ونهدرز عليك😉
ايلاف:مشكور منبيش نهدرز عليك🙂
حمزه:استفزاز
ايلاف:اي ...ونضت نسخن ف الميه
حمزه:محلاك
ايلاف:تحشم ع وجهك
حمزه:مرتي راك
ايلاف:حتى وكان متقوليش هكي
حمزه:اللطف 🥲..لاكن حلوه للارض
ايلاف:امبه صحيت ع المجامله
حمزه؛لا بجد تهبلي وبدات عيونك
ايلاف:خلاص ساد🙃
حمزه:شن قلنا حني وانتي اعصاب
ايلاف:خلاص ...مديت الميه وصبيتها ف الطاسه ودرت نسكافي وقعمزت ع الطاوله
حمزه:ع الاقل حسبتينا
ايلاف:مفيش
حمزه:خلاص منبيش
ايلاف:اشرت ع الكتل والنسكافي متاع نوض دير بروحك....باي
حمزه:وين
ايلاف:مشيت وخليته
حمزه:اوف واعره😅لاكن حلوه😌
___________________.
الساعه 12:00
ايلاف:نضت ع طقت الباب...مني
مريم:افتحي
ايلاف:اهلين
مريم:اهلين
ايلاف:تفضلي
مريم:لالا خودي الفطور وتعالي بعدين مدايرين حفله تحت
ايلاف:امتى وحفله شنو
مريم:عيد ميلاد رونق الساعه 7
ايلاف:امبه صحيتي
مريم:سلمك ومشت
ايلاف:حطيتها ف الكوجينه وخشيت للدار لقيتً حمزه نايض
حمزه:مني
ايلاف؛هادي مريم عطتنا الفطور
حمزه:اححح جي ف وقته خلي انوض ندوش😋😋😋
ايلاف:مشيت للدولاب ندور شن نلبس ...لقيت قفطان ابيض مفتوح من الظهر وقصير وقلت ندير شعري مفتوح المهم ..مشيت فطرت اني وحمزه واني نستنى فيه يطلع بش نوتي  روحيً وهوا شي مباش يطلع...رن التلفون
حمزه:تلفتت يشوف من رن
ايلاف:اهلين ايمان
ايمان:هلا ب الحب شن حالك
ايلاف:كويسه
ايمان:شن حالك مع حمزه
ايلاف:شبحتله كيف يتفرج...باهي
ايمان:شنو شن معاملته معاك وشن صار خبريني
ايلاف:اللطف ي ايمان خيرك و كويس قتلك تعرفي
ايمان:ها
ايلاف:بكري جت مريم قتلي عيد ميلاد رونق تعالي
ايمان:من اول يوم
ايلاف:خليهم شنو نمشي
ايمان:اكيددد انتي عروسه
ايلاف:اوف بس معنديش غر القفطان الابيض
ايمان:اما واحد
ايلاف:هداكا المفتوح من الظهر وقصير
حمزه:كسر ودنه ويسمع🫡
ايمان:اي مليح البسيه
ايلاف:ايمان وين ماما والاء وجهان
ايمان:فاتك اليوم ماشين مسافرين لحوش خالي
ايلاف:وعلاش مخديتوني
ايمان:اللطف قاعده عروسه مناخدوك
ايلاف:اوف هي هي سكري توا نمشي نساوي شعري
ايمان:هي باي
ايلاف:نضت للدار فتحت الاستشوراي وبديت ف شعري بعدين درت مكياج ولبست القفطان ولبست عبايه ووشاح وطلعت من الدار لقيته يراجي ....اسمع
حمزه:نعم
ايلاف: ف رجاله ف الحفله
حمزه:لالا نساوين بس
ايلاف:اها تمام
حمزه:هي شنو نمشو
ايلاف:هزت براسها👍🏻
ايلاف.:مشينا وخشينا لحوش العيله الي يعبد خطوات بسيطه ع حوشنا خشيت وشفت الي ماعمري شفته ولا نحلم نشوفه شفت الديكور والناس وكل شي خشيت اني وحمزه بدو يغنو ويصفقو وطلع حمزه نحيت عبايتي وشاحي وطلعت للجنان الكل مصدوم من شكلي وحلاوتي وكانت سلفتي هدى غايره مني واضح من عيونها مش ناويه ع خير لانها كانت احلى وحده ف العيله وجي من احلى منها ف بدت غيرتها قعمزت ناكل فجاءه يجيني مسج فتحته(اطلعي للجنان الخلفي ضروري )حاولت نعرف من صاحب المسج ماقدرت ناديت مريم تجي معاي وصلني مسج تاني (تعالي بروحك)انخلعت المهم طلعت للجنان فجاءه مانحس الا ضربه قويه ع راسي .....بعد مرور 4ايام

حمزه:)كان شبه لاياكل لا يشرب ومش مصدق الي قالوه ع ايلاف (قالو انها هربت معا حبيبها بالقفطان الابيض لحوشه) مش مصدق الشي هادا

هدى:)كانت فرحانه انو قدرت تلعب العبه كويس

عليا ايلاف:)مصدقتش كلمه من الي قالوها بس بوها صدق وهزب امها وطلقها ع خاطر طيحت سمعتهم

"ومعدش عالم ف حال ايلاف"
___________.
يتبععع:
زعمك شن بيصير ف ايلاف وحمزه؟؟؟؟وعلاش خطفوها؟؟؟؟؟؟وهل بيصدقو الافتراء هادا؟؟؟؟؟

🫂🥹انشاء الله عجبتكم اكتبو ف التعلقيات🥰