يابنتي اسمعني احنا مش دايمين لك وبعدين الراجل كويس ومفيش فيه عيب وغير ده كله احنا عارفينه واحسن من غيره و متنسيش أن دلوقتى صعب انك تلقي واحد يقبل بيكى وانتي ارمله وعندك بنت
ريم بحزن :يمه ابوس ايدك بلاش تجبرونى عليه مقدرش اتخيل نفسي مع راجل تانى غير حمزه ده كان كل حياتى ثم اكملت بغضب وخصوصاً ده انا مش فاهمه هو ازاى قدر يطلب أيدى للجواز اصلا بعد ما كنت مرات اخوه ده انسان مغرور و متكبر جدا ده عمره ماضحك فى وشي ولا حته كلمنى بطريقه عاديه.كان اول ما يشوف وشي كأنه شاف عفريب انا اصلا مقدرش انى انسي حمزه و كون مع واحد تانى غيره
ام احمد بحزن :يابنتي انا مش بجبرك على حاجه بس حطى فى بالك ان هما ليهم الحق ياخدوا بنتك منك متنسيش انهم عيله تقيله فى الصعيد وممكن يعملوا اى حاجه فى الدنيا دى
ريم بغضب:محدش يقدر ياخد بنتى منى اللى هيفكر يقرب من بنتى انا هموته ..ثم اكملت ببكاء مقدرش اتصور ان الانسان البارد ده يكون جوزى بعد ما كنت متجوزه حمزه احن و اطيب انسان على واجهه الارض
ام احمد : يابنتي فكري كويس فى بنتك لانك لو رفضتي هتحرمي بنتك منك وبعدين الرجل مفهوش عيب وهيكون اب كويس لبنتك لان هى قبل ما تكون بنت مراته لا هتكون بنت اخوه ومش هتلاقي حد احن من عمها عليها
ريم دخلت بنوبة بكاء وهى تقول بحزن: مش قادرة اتصور اني انام بحضن حد غير حمزه مش قادرة اتصور اني احب حد غيره
يما حمزه كان حياتي كان الحبيب والاخ ولاب والزوج مقدرش يا امى مقدرش
قالت ذلك وانهارت فى عيط
ام احمد جت وحضنت ريم وهى بتقولها : بس يمه قطعتي قلبي خلاص انتي بس فكرى و انتى عارفه مصلحتك انتى و بنتك ومحدش يقدر يتكلم ولا يقول حاجه واحنا مش عاوزين حاجه فى الدنيا دى غير مصلحتك انتى و بنتك
مردتش ريم عليها فضلت قعدت تعيط كنت حاسه انها خاينه لزوجها و حبيبها حمزه بس المرض اخده منها
ام احمد:يابنتي احنا مش عايشين العمر ليكى لا عشان كدا فكرى كويس و كويس اوى كمان
ريم تنهدت تنهيدة قهر وحزن بسبب ضعفها فاهى منذ موت زوجها و حبيبها حمزه شعرت أن ظهره قد انقسم فقالت ببكاء وهى تقول : طيب يا امى هفكر
ام احمد : وحطي فى دماغك انك مش هتحددى مصيرك انتى بس لا انتى كمان هتحددى كمان مصير بنتك
((ريم عمرها 22 بنت جميله جدا وملامحها جذابه شعرها نص كتفها وصابغها
بالون البني ومناسب مع بياضها وطيبه جدا ورفيعه مع انها حملت وولدت بس جسمها فضل على حاله ولها بنت اسمها حور عمرها 3 سنين جميله جدا تشبه امها فى كل حاجه ما عاد عيونها التى اخذتها من ولدها حمزه ))
ابو احمد :ها قالتلك اى
ام احمد بتنهيده :والله قطعت قلبي ومقدرش الومها وحده ملحقتش تفرح و جوزها راح من بين ايديها
ابو احمد بجدية:لاحول ولا قوة الا بالله حاولي تقنيعها الراجل مصر يايخد بنت اخوه أو يتجوز ريم مش عاوز حد غريب يربي بنت اخوه وده حقه
ام احمد:ربنا يكتب الي فيه الخير
