ഒന്നാം കുരുവി പാട്ടുപാടി
നെന്മേനി പാടത്തു പോരുന്നോ ?
നെന്മണി കൊത്താൻ പോരുന്നോ ?
രണ്ടാം കുരുവി പാട്ടുപാടി
മഞ്ചാടി കുന്നില് പോരുന്നോ ?
മഞ്ചാടി പെറുക്കാൻ പോരുന്നോ ?
മൂന്നാം കുരുവി പാട്ടുപാടി
മുന്തിരി പാടത്തു പോരുന്നോ ?
മുന്തിരി കൊത്താൻ പോരുന്നോ ?
നാലാം കുരുവി നീട്ടീപാടി
നാലുമണി ചന്തക്കു പോരുന്നോ ?
നാരങ്ങ വാങ്ങാൻ പോരുന്നോ ?
അഞ്ചാം കുരുവി കൊഞ്ചിപാടി
പാഞ്ചാലി പുഴക്കു പോരുന്നോ ?
കൊഞ്ചിനെ കൊത്താൻ പോരുന്നോ ?
ആറാം കുരുവി ആടിപാടി
അരമന വീട്ടില് പോരുന്നോ ?
അച്ചിങ്ങ കൊത്താൻ പോരുന്നോ ?
ഏഴാം കുരുവി പാട്ടുപാടി
ഏഴിലം പാല പൂത്തല്ലോ
പൂ പറിക്കാൻ പോരുന്നോ
എട്ടാം കുരുവി പാട്ടുപാടി
തെന്മലക്ക് പോരുന്നോ ?
തേൻ കുടിക്കാൻ പോരുന്നോ ?
ഒമ്പതാം കുരുവി ഉച്ചത്തിൽപാടി
ഓച്ചിറ വേലക്കു പോരുന്നോ ?
ഉണ്ണിയപ്പം തിന്നാൻ പോരുന്നോ ?
പത്താം കുരുവി പാട്ടുപാടി
പൊന്നമ്പല മേട്ടില് പോരുന്നോ ?
അയ്യനെ തൊഴാൻ പോരുന്നോ ?
