يا من لها عينان جميلتان كأنهما الطمأنينة بعد التوبة.

١٢‏:Part

‏Part:٢٨
والليلُ يأخُذني بأجملِ رحلةٍ
‏فأراكَ في قَمرِ السماءِ مَلاكَ
__
واتجهو لـ ناحية الصوت"
كَانت تتمَايّل عَلى انغَام المُوسِيقى بُكل برَاعه وخِفه وخَلفهَا شعرهَا الطُوِيل اللِي يرتطمّ بخصرهَا المنحُوت غافله تمامًا عنّ رَاشِد والعِيّال اللِي كَانُو يناظرُونهَا بكُل انبهَار تقدمّ مِنهّا بخُطوات بطِيئه لكيّ لا تُلاحظه وسحبها لـ عنده وارتطم جسمه فس جسمها تحت انظار العيال والبنات
ملاك:وش تبي سلامات!!
راشد بعصبيه رض على سنونه:جالسه ترقصين في مكان غلط! وتحت انظار الجميع!!!
ملاك بصراخ:اظن مالك دخل مو حبيبي ولا زوجي ولا ولي امري!!
الفارس:خلاصصصص حلو المشاكل بينكم راشد امش معنا لايخترب شي ويرتفع ضغط جدي بسبب مشاكلكم!
ملاك:الله الله! احلف انا اقول امسكوه عني ولا ضر صديقتي يبي الدور يجيني!
شذى فزت وحطت يـدهـا على فمها:خلاص تكفين قفلي هالسيرة لايسمع شي جدي
مشت بخطوات سريعه وهي مقهوره من حركته وبحلطمة:اف يع يع
شذى:خلاص بطلي الكلام ذا!! قلت لك كل شي خلاص ملاك جيت عندك واخوي جالس يترجاني اسامحه بس الي سواه فـيـك ما هان علي
ملاك:لاتظنين في يوم اني راح اسامح اخوك ولا راشد!
شذى:حرام تظلمين راشد الي صار كله بسبب اخوي!
ملاك:بس كان بيده شي انو يطلع ولا يسوي حركاته قفلي السالفه امشي نرتب

عند الجد الي سمع صراخهم:وش صاير!
الفارس:ولا شي ياجدي بس كانو يتهاوشون هلى حلى كالعاده المُهم ياجد حنا بنروح نجهز اغراضنا بنسبح وانت اذا احتجت شي اتصل واذا خاطرك تسبح تعال وبغمزه ولا تبي مع جدتي
الفيصل وهو يضحك:اي ماعليك هو يبي الحُب
الجد:الله يقطع بليسكم ماينمزح معكم قومو لابارك الله فيكم من شباب
-

Part:٢٩
الحرفُ يبدأ مِن عَينيكَ رِحلتهُ
كُل اللغاتِ بِلا عَينيكَ تندثرُ
__
عند الجوهره وسعود"
خلصت ترتيبها مع البنات ولبست روبها الابيض وفكت شعرها الاشقر وفسرته وحطت لها روج احمر لـ اجل يبرز ملامحها
سعود:جويهر اخلصي!
الجوهره:انطم ازعاج وربي خلاص يد فمك واصبر بلبس شوزاتي واحط عطري واخلص
سعود:والله لو انك عروس اخلصي يابنت الناس
الجوهره:هف خلصت
رفع راسه وسرح فيها
الجوهره:هيهيه ورع
وهو لا حياة لمن تنادي ابتسمت بخبث وقربت منه وحطت يـدهـا على كتفه:حبيبي
سعود:عيونه
الجوهره صرخت في اذنه:عمى فعيونه وجع جالسه اناديك ولما قربت سمعت!
سعود:اهههه اذني ياوصخه وربي لاتخليني اجيك!!
الجوهره:والله لو ادخل عند الحريم ماتقدر تصيدني
سعود:زين زين حسابك بعدين انسة جويهر
الجوهره وهي عند الباب:يازينك وانت تهدد وطلعت
سعود:تصبر بس واخذ اغراضه حقت السباحه وطلع

الجده:الجوهره شوفي البنات وش يسوون هذا جات خالتك عواطف والحين بيجون الناس خليهم يخلصون مكياجهم ولبسها طولو يابنتي
الجوهره:ابشري بس جده شوفي سعود وينه؟
الجده:ليه شعندكم متهاوشين؟
الجوهره بضحكه:صرخت في اذنه ياجده اناديه مايرد
الجده وهو تضحك:بزران الله يعين بنتِ عليكم
الجوهره:امم زين شوفيه
الجده:خلاص روحي لهم راح يسبح