وجمعتنا الاقدار (باللهجه العُراقيه)

البارت ٢٢

لا تنسون التصويت + التعليقات + متابعة الحساب

احبكم طراكيع كلبي 🤍🕊

و هاذ البارت مثل موعدتكم كلما يصير تفاعلكم أكثر كلما انشر اسرع +++
طريقة النشر تغيرت صارت ٣ بارتات بالأسبوع و اذا اتأخر يعني مريضه او عدنا خطار

كثفو تفاعلكم و تعليقاتكم على الفقرات ++ اني ما احب المشاهد الجريئه و اظن عرفتو هل شي من عرس رحمه لانو مدخلت بالتفاصيل انتقد هيج شغلات اغلب ليقرون لقصص صغار و ما اريد اشيل ذنبهم
الرومنسيه لانشرها عاديه

*******************

بعمري و سنيني وبكل نفسك اشريك
ماريد الهوا النفس كله بيك
            
                                 بقلمي غزة 🤍🕊

********************

البارت ٢٢
********

ديالا..

رحت نزعت الفستان و سبحت طلعت من الحمام كعدنا بالصاله نسولف مخليت رحمه تروح بقت يمنا

سالفه جرت سالفه و محسينا غير الساعه بالثنتين صارت رحت لغرفتي علمود انام بس مأجاني نوم من التوتر

كمت نزلت جوا شفت رحمه و رحيل جاي يسولفون و اشجان تنظف المطبخ باعت عليه و كالت

اشجان:  شو كاعده منمتي

_ مأجاني نوم

رحمه : هههههه اني هم بوكتها مكدرت انام

ديالا:  اكول خل نام مثل قبل نفرش كلنا بغرفه وحده

اشجان: خوش نفرش بالصاله احسن خلو لاستقبال نظيف عفيه

_ تمام

فرشنا و اجت ميسان و تمددنا وحده بصف لخ

و هنا جان لازم اعرف سر ميس او ميسان طلبت منها تحجي قصتها و تفاجأت من طلبي

اني و اشجان و رحيل جنا مصرين نعرف شصار و لي صدمنا لمن رحمه كالت

رحمه:  ترت اني اعرف كل شي

رحيل : اني اعرف منها شي بسيط وعدتني تكمل السالفه بس  غلست

اشجان:  هلو هلو و اني شنو رجل كرسي كل شي ما اعرف

ديالا:  واني هم ما اعرف شي بس هسه لازم نعرف كل شي ميسان الحجي لي حجيتي بيت الدكتور جان ناقص و ليكون بعلمج غلست عليه لانو التهينا برحمه و عرسها

بس الباجر راح اتزوج و اروح لغير مكان ما اريد يظل بالي يمج

مثل ما كل شي يصير وينا نكول الج انتِ هم احجيلنا كل شي

مو عبالج مملاحظه النظرات لي بينكم انتِ و دكتور صلاح

رحيل:  يااااا و انتِ هم ملاحظه زين عبالي بس اني رحت سألت ذيقار كال سوالف مال كبار بعدج صغيره عمي