ـ ايه يا حلو رايح فين
ـ نعم يا حضرت انت بتكلمني انا
ـ هو في حد غيرك هنا
ـ لا واضح انك غلطان في الشخص
ـ لا انا قاصدك انتِ
ـ لا اله الا الله اللهم طولك يا روح ده انت لو مصر يا جدع انك تمشي النهاردة من غير كرامة مش هتعمل كدة
هو واقف متنح ليها كان فاكر ردة فعلها هتبقي غير كدة تماماً
ـ لا معلش مش انت الي كنتي معانا في نفس الباص و احنا مسافرين
ـ اه فيها حاجة دي
ـ و كنتي قاعدة في الكُرسين الي جنبي
بنفخ
ـ ايوة
ـ يبقي انتِ
ـ ايه الي يبقي انت يا حضرت مش فاهمة ايه المشكلة في كل الي قولته
ـ اصل انا كنت نايم أغلبية الرحلة و ...
قاطعته
ـ وانا مالي
ـ استني بس لأما كنت بتحرك في الباص اكيد خدتي بالك يعني
ـ ايه الثقة الي بتكلم بيها دي و انا اركز معاك بتاع ايه مش فاهمة انا
ـ يووووه بت ركزي معايا بدل ما اعدلك
ـ تعدل مين يا بابا ما تلم نفسك احسنلك
ـ انا ماما كانت قاعدة ورايا بالظبط و ....
ـ طب و انا اعمل ايه بماما انا عديني يا بتاع انت
ـ استني بس و هي قالتلي انك كنت طول الطريق مركزة فيا و معايا و انك متوربتيش لحظة
ـ لا باين أن الست الوالدة كانت محتاجة بس تتغطي كويس
ـ قوللها حماتي عادي متتكسفيش
ـ حمات مين يلا ده انهي نوع ده
ـ نوع ايه
ـ مخدرات طبعاً ما انت مش طبيعي
ـ لا انا متأكد لأني لما صحيت شفتك بصالي
ـ انت صحيت علي الساعة كام كدة
ـ صحيت علي الساعة خامسة الا
ـ طب دوت موضحلكش حاجة
ـ حاجة ايه
ـ مثلا اني كنت بتفرج علي شروق الشمس هعمل بيك انت ايه يعني
ـ يعني ايه يعني مكنتيش بصالي انا
ـ يا سبحان الله
ـ لا بس انا متأكد
ـ لا ده انت واخد مقلب كبير اوي في نفسك يا بتاع انت.
و مشيت
و في سرها
(الرجالة الي في الشارع ده شكلها اتهبلت لأ الي في الشارع ايه لا دي الرجالة الي في العالم كله استغفر الله العظيم منه لله نساني كنت راحة اجيب ايه )
شخابيط
ـ هنا محمد
أنت تقرأ
اسكربتات هنا محمد ❤️
Randomانا لسا مبتدأة في الكتابة بس هتلاقوا هُنا اسكربتات خفيفة و مواقف مضحكه و رعب احيننا و درامة احيننا و تشكيلا كدة مش هتملوا منها أبدا أن شاء الله يا رب تستمتعوا ♥️♥️♥️