ذيبة اصهب

' الـبارت الخـامس والعـشرون '

انت والدنية وشتة ألله ..
وخبصة والودام وحظي ..
والضياع الماد رجلة بـ وجة عمري !!
والاماني المدري ياهو الباك بيهن ،
والليالي التاخذ من الحيل من تريد تكضي
والضوة الما يشتهيني
والهوى الما يعتنيني
والسمة الما گمت اثق بـ الضال بيها ...
من طفة وجهك بعيني
ذني كلهن يوجعني !!

****************************************

رسل ' طلعت الدكتورة وهيا تركض
كلنة طفرنة متوجهين الها

الدكتورة  ' وين زوج المريضة رايدتة بسرعة

اصهب ' بخوف ' انة دكتور

الدكتورة ' دكتور اصهب يعني زوجتك المريضةة

اصهب ' يي زوجتي بس كولي شبيها

الدكتورة ' دكتور اصهب راح اخليك بصورة زوجتك حامل بطفلين لَـگِنْ للاسف لازم نزلهم
لان من سابع المستحيلات تعيش

الكل ' شنو ؟

الدكتورة ' للاسف هذا الواقع انتة دكتور وتعرف كلش زين انو بهيج حالة لازم انزلهم لان ماتكدر اتجيب لٱ طبيعي ولا عملية لان بحالتين راح نخسرها

اصهب ' اذا نزلتهم مراح يصير شي الها

الدكتورة ' يي لان هما بعدهم بالشهر الاول لذلك ننطيها حبوب اجهاض ويتم كلشي بسرعة

اصهب ' بهدوء ' هاهية دكتور شوفي شغلج

الدكتورة ' ان شاءلله لله يعوضك

اصهب ' شكراً

مصطفى ' العفوو دكتورة ' هيا بشهر الاولى وصار بحالتها هيج اگدر اعررف لَيش ؟

الدكتورة ' لان عدها عملية وكل عملية ما لازم تصير فوگها عملية خلال سنة وحدة
لان مستحيل الشخص المريض يعيش وهوا حالات راحت ضحية احتمالات يعني يجي المريض للدكتور  وهوا مسوي عملية وبنفس السنة يسوي عملية راح يروح بيها واني من خلال الفحوصات السريعة الخذتها للمريضة شفت وضعها
وايضاً شفت الاثار العمليات المسويها قبل وعرفت ما صار الها فترة طويلة

مصطفى ' يي تقريباً بالاربع اشهر من تعرضوا لـ اطلاق ناري 

الدكتورة ' يي عرفت هـذا الشي ، حالياً اترخص لازم اروح اسوي لازم

اصهب ' راح واحس خذت روحي وياها مو سهلة علية اتنازل عن قطعة من روحي .
صـحّ  لٱ شفتهم ولا سامع نبضهم بس صارت حسرة بگلبي على طفل متمني يصير عندي طردت هاي الافكار من راسي حامد لله وشكرة اهم شي خاتون ' كلشي يتعوض بس هيا اذا صار لـٍهآ شي اموتت وراها والله

- كعدت وتنهدت بقهر شلون اذا خاتون عرفت شيصير بيها ..

رسل ' دموعي تنزل بقهر والله خطية يومية مصيبة اصهب تقبل الموضوع بس خاتون مااعرف ردت فعلها شنو ؟