القصه مثل باقي القصص
والشخصيات راح تتعرفون عليهم ويا السرد
نبديه من الماضي ...
لـ اب .. بطله قصتنه ((هديه))
((محمود)) الي عاف ديرة اهله وسكن بديره والوحده وو غريب ...حته سموه غريب واول ولد اله جان اسمه ((غريب)) حب هذا الاسم كلش وصار غريب ابو غريب ..رجال بسيط بشبابه ما انطوه حب حياته
((الابنيه الي حبه بمنطقته)) ..لهذا ازوج بت عم ابوه
((بدريه)) واختار يهجر اهله ..وحب عيشته ويا بدريه ويا الوكت
وبدريه عوضته عن بعده لـ اهله
بسبع ولد حته زهك من خلفه الولد وبعدين كعدت ٥سنوات ما خلفت . كام
يحس روحه مستحيل يجيب ابنيه وبيوم
مارين عليهم خطار .. من قرايبه جايين يشوفونه لان كاطع بيهم ..وحبو يواصلونه وهمه معروفين وناس اجاويد بديرته
وشاف جاييبين وياهم ابنيه زغيره وفر بيه من الفرح احتار شيسويله ...
وبين الزلم وهمه كاعدين
كال ...بدريه اذا خلفت بنيه الي شتريد اسويله
وعهد عليه ونذر اسمي البت ((هديه))
واهديه لـ ابنكم وولدكم هواي ...وانتو اكيد ماتردوني ..
صاحو بي...والنعم منك عفه عليك هديه النه لو بعد دهر وضحكو ..جان من بين الزلم ولد عمره ١٣سنوات كاعد
باوعله (محمود) كال هذا الاوليد ابن منو خوالي
جاوبوه
هذا ابن باسم..وباسم مريض وهذا اكبر ولده
كال محمود : شسمك يا ولد
كال الولد: يكلولي ابو احلام
ضحك محمود وكال: لعد هديه الك ابو احلام
ابو احلام ضحك بخجل : ولله يا عمي الي الشرف بس هديه وين كاله بطريقه واحد ماامفتهم شي
ضحكو كل الموجودين وكالو هديه بعدهه ما مهديه ..لا تستعجل ع رزقك
سمعت بدريه بالي كاله محمود وابد ما انسرت
دخل عليه محمود وين الاكل يا مره استعجلي وين مازن ؟
كالت: مازن ويا الحلال ودزيته يشتري جم غرض وهو راجع
محمود يحك براسه : ها اشوفه تاخر مو من عوايده التاخير
بدريه ما عاتبت محمود بوكته ع الي كاله وتانت تالي الليل بعد ما راحوو خطاره وبعد ما اطمئنو عليه ..
بدريه لمت اذيال دشداشته وتكرفصت يم محمود ..وكعدت وحطت ايده ع ظهره وفركت ظهره
ابو غريب ...كال محمود :!!!!!!
شعجب تسميني ابو غريب اكيد اكو شي
كالت: ليش نذرت البت وهيه ما جايه وحكمت عليه بهيج قدر ؟؟
انته تعرف عواقب حجيك بين اهلك بهذا اليوم ..لو جانت مجرد حجايه وتنسي
ضحك محمود وكال:
وخري ايدج من ظهري اني قاصد ونذرت وبعدين وينه هيه عود من تجي الله كريم
اني الف رااسي وانام لان ليل الشته طويل وانتي مدام بديته بعتب راح يطول اكثر
...
راح بفراشه يتمدد وانطاهه ظهره
صاحت بي ابو غريب اني حامل ..
واذا ابنيه ما انطيه ما اصير مثلك واحكم عليه قبل اوانه
فرح محمود كلشش بس نفس الوكت ما بين لبدريه شي ضل داير وجه وساكت بليلته ما نام
وضل يانبه ضميره ..وفكر بحجي بدريه لان بدريه نبهته ع شي ما اجه ع باله وحكم عليه بانو يهديهه لـ خواله بديرته
يارب اني شكلت
يارب شجاني وهيج سويت شلون انذر بتي هديه
ياربي انته تعلم بنيتي وزني الشيطان وخلاني استعجل
شلون انذره هيج نذر بدال ما اكول اترسه ذهب واعيشه مدلله بين سبع ولد اخ منك يا لساني اخ منك
........
اجه الصبح وكلب محمود ياذيه ..ووجه اصفر
حست بدريه بي متندم بس كامت تدعي بصلاه يطلع الي ابطنه ولد
كل يوم محمود يكابل ولده
غريب.ومازن.وليث .واحمد.ومصطفى وحسين ورضا
ويكعد يتحسر حسو ولده اكو شي
سالو امه
كلتلهم ع الي سواهه ابوهم
ضلو ساكتين وما حجو شي
مرت الاشهر
وصارت ساعه ولاده بدريه
والكل يركض ..علمود امه
ومحمود شويه وينجلط ...وكلبه يوكف
ولدت بدريه وطلعت الجده
تركض
غريب ابو غريب ولك محمود الله بشرك بالي تريده
بت اجتك بت
نزل الخبر عليه مثل السهم وحس بسواد وظلمه اخذ بندقيته وطلع للبر
بدريه كالت سبحان الله سبع ابطون كلهن ولد
بالبطن الثامنه بنيه بعديش بعد ما غريب نذر بتي؟؟
