*أسأل الله تعالى أَن تدوم السكينة فِي قلوبكم وَالإبتسامة عَلَى محياكم وَالسعادة فِي بَيوتكم وَالْصَحه فِي أبَدَانِكم .*🧡🧡🌿
～～～～～～～～
قالت الفتاه جمله كانت سبب فى أن يتصمر احمد مكانه
:انا اسمى ايه
:نعم اسمك ايه ازاى
قالت الفتاه وهى على وشك البكاء:
انا مين انا انا مش فاكره اى حاجه
ومن ثم بدأت فى البكاء بشده
أعطاها احمد حقنه مهدأه ومن ثم خرج من الغرفه
～～～～～～～
وصل جاسر وشادى إلى المشفى
:ايه يا احمد عرفت هى مين أو أهلها فين أو اى حاجه عنها
رد عليه بخيبه أمل:
للاسف عندها فقدان ذاكره
رد عليه جاسر بصدمه :
يعنى ايه احنا مش عارفين أهلها ولا حتى اسمها ولحد الان محدش وصلها
:مش عارف انشاء الله حد يوصلها
رد عليه شادى بعد صمت طويل :
طب هى هتخرج امتى ولما تخرج هتقعد فين
رد عليه احمد وقد أتته فكره:
ممكن تعيش فى الشقه بتاعت جاسر
نظر له جاسر بقرف
رد عليه احمد بغضب:
لا منت متكونش عامل مصيبه وتبصلى كده
قاطع شجارهم شادى:
هى فين دلوقتى وانت يا جاسر هتعيش فى شقتك خلص الكلام
رد عليه احمد ببرود:
انا ادتلها حقنه مهدأه وهتفوق بعد نص ساعه
قال له جاسر :
طب هو ينفع ادخلها
رد عليه احمد بلا اهتمام:
اتفضل
～～～～～～～～
:تصدقى يا بت انتى مصيبه دنتى خليتى اخوكى كان هيقتل صحبو
قالت ريما هذا وهى على وشك أن تموت ضحك من هذه المجنونه
ردت عليها منار بكل فخر كأنها اخذت المركز الاول في أحد المسابقات:
اومال انتى كده لسه مشوفتيش حاجه دنا هبهرك اصبرى عليا بس وانا هخلى جاسر يدبحهولك
ردت عليها ريما بين ضحكاتها:
لا لا حرام عليكى
ردت عليها منار بعدم اهتمام:
براحتك انتى إللى خسرانه يلا يختى ندخل
