مابغيت ياسعود الا هي

3

ضغطت الجوهره الجرس اليييين فتحت لمياء

لمياء : عما خربتي الجرس شوي شوي
الجوهره : مالك دخل اسمععيي خل ندخل بقولك مين شفت اليوم وقالت لها ، اخ يالمياء جممييييل
لمياء : الله يخلف على عقلك بس صدق تخيلي تتزوجون ؟
الجوهره : الله يسمع ممننننكك ، المهم اسمعي شرايك ندق على اريام وارياف ولينا يجونا ؟
لمياء : قددام

.

.

.

.

نروح شوي لفيصل

كان فيصل سرحان بجمال عيونها وانطق عليه الباب

فيصل : بس فيصل كان للحين يتذكر صوره عيونها ومو راضيه تروح عن باله لدرجه ماسمع طق الباب واللي يطق الباب كان سعود " سعود صديق الطفوله لفيصل وبينهم صداقه قوييييه وكانهم اخوان الروح بالروح ومايخبون شي عن بعض ابد وسعود يشتغل مع فيصل وعمره 27 "

فيصل : بسم الله متى جيت انت
سعود : صارلي نص ساعه اطق بهالباب شفتك مارديت سويت اقتحام
ضحك فيصل وقال سعود : اللي ماخذ عقلك يتهنى به ، الا صدق وش تفكر فيه لدرجه انك ماسمعت الباب
فيصل : شفت جيراننا ؟ بيت ابو عمر ؟
سعود وهو يحاول يتذكر : ايه شفيه
فيصل : عندهم بنت اسمها الجوهره وهي البنت الوحيده اساساً عموما وحنا طالعين انا واختي وقاله اللي صار ، وللحين صوره عيونها مشغله بالي مدري وش اللي جذبني لها لهدرجه

سعود غمز له : شكلك طحت بالحب ياصاحبي
فيصل : وش حبه انت بعد
سعود : ياقدمك انت ماتعرف الحب من اول نظره ؟
فيصل : اقول اطلع وعطني مقفاك خلني اشتغل
سعود وهو يضحك : زين بس ركز بشغلك كويس ها ؟ وسعود حط رجله قبل فيصل يستلمه

بس الجوهره ماتدري انها جذبت فيصل بنظره من عيونها وفيصل مايدري وش اللي جذبه لها لهدرجه وكانت مستحله تفكيره بمعنى الكلمه

.

.

.

عند لمياء والجوهره :

الجوهره : البقره لينا ماعندها دوام وخامده وارياف مشغوله واريام بمحاظرتها ف يعني اطلبي الله وقومي نطلب فطور
لمياء : ياقلبي يالجوهره تدرين اني احبك ؟
الجوهره : بدفع بس من وين نطلب
لمياء ضحكت : احب الناس اللي فاهمتني عاد لو يجون الهنوف وشذى تلقينهم منهارين
الجوهره : ماعلي منهم فجاه شهقت وقالت اقوولل الا اخوك احمد ووييينه ؟ ماله حس
لمياء انخرشت من شهقتها وصفقتها : كم مره اقولك لا تشاهقين وجع ، وينه يعني نايم
الجوهره : طيب يالنفسيه بطلب
لمياء : تم