سنة 2020 يوم من الايام چانت (فيروز) كَاعدة تقرة كتاب (احببتك أكثر مما ينبغي )
- هلو اني فيروز عُمري 17 سنة أحَب كلشي ممُيز وحلو ، چانت عندي علاقة سابقة بس ما چانت تتسَمى علاقة لان فاشلة كَلش .
كاعدة فيروز واجتها رسالة رد على الستوري ولد اسمة (علي) چان الستوري ستوري دراسة ردت عليه
- اني علي عَمري 18 سنة اكره شيہ اسمة حُب لان چانت عندي علاقة سابقة وچانت من افشل العلاقات .
بكُل راحة بدون متدري الشخص الي رد عليها ولد المهم بعَد ماعرف نصدمت وتحسست لان هيه تكره الولد كلش بشكل فضيع تكرهم وچان اي ولد يرد على ستوريها متجاوبة فـه بالصدفه جاوبت علي المهُم صارت بينهم محادثة طويلة وضحَك وشقة بس بعدين صفنت فيروز .
فيروز : اني شنو جاي اسوي منو هوه حَتى اندمج ويا واحجي هيج استغفرالله يالله
علي : وين رحتي ؟
فيروز : لا موجودة بس والدتي صاحتني اروح اني
علي : ها تَـمام روحي شوفي الوالدة باي
فيروز : دخلت ع صفحتة الشخصية ادور بيها شفت بنات هواي كلت اني شعليا بس كعَدت اشوف الهايلايت شكَد حلو ! الأناقة والجَمال و نظافة عجبها بس مو هواي
مَر ع صداقتهم ٣ اشهر وهوه يومية يجي يشكيلها اذا جان ضايج واذا جان فرحان يفرحها ويا چان يجي يحجيلها تفاصيل يومية من البداية للنهاية وهية هم تحجي تفاصيل يومها كلها .
بدة علي يتغير هواي صار يصيحلي (وتيني) .
علي : وتيني
فيروز : نعم وياك
علي : هذا اسمج الجديد عجبج ؟
فيروز : واللۿ حبيتة بس شنو مناسبته؟
علي : حسيتة يلوكلج ماادري
فيروز : يا خجلتني ڪُلش شكراً
علي : الخجل يلوك بس لوتيني
فيروز : ولك كافي تخجلني
علي : خلي نلعب لعبة .
فيروز : ايي يلاا
علي : لعبة الاسئلة
فيروز : ايي يلا
علي : اسئلج اني اول سؤال ؟
فيروز : يلا
علي : عندج علاقة سابقه؟
فيروز : طبعاً ماحب افتح هذا الموضوع بس ايي عندي بالنسبة الي متعتبر علاقة .
علي : ليش شنو صار حتى هيج تكولين
فيروز : مو رجال حشاك ، يدور بنات ومو كد كلمتة واني انسانة تكره الخيانة بشكَل مو طبيعي اتخبل من رجال مو كد كلمتة
علي : اني ما شايفج بس من خلال الستوريات وخلال نشرج حسيتج حلوة ومؤدبه واخلاقج عالية مو لان صديقتي وامدح بيج بس اني من احترم وارتاح لشخص احجي وامدح بي
فيروز : كُل شخص يشوف ناس بعين طبعة اذا انته شفتني هيج معناها شفتني بطبعك وشكراً .
علي : كلمة شكراً ماريد اسمعها ماحبها لان اني ممسوي شي حجيت واقع لا أكثر
فيروز : اسئلك اني هسه؟
علي : يلا اني جاهز
فيروز : انته عندك علاقة سابقة!
علي : ايي عندي وجانت فاشله ،حشى ما اكول بوجهج البنية قليلة اصل ومتستاهل كلشي سويته الها
فيروز : ليش شنو سوتلك
علي : بـ ٢٠١٨ سافرت بسبب مرضي (الاعصاب) وجانت هيه ماعدها نت جنت بـ لبنان واخابر صديقي وادزلها رصيد ومابقيها بعازة ابد اي شي تحتاج انطيها وماهتم واجتي فتره مادزيتلها لتهيت بمرضي ، دزتلي رسائل انته جذاب ومصلحجي وتلعب عَليه ومتحبني وهواي حچي ماريد اذكره .
فيروز : ايي كمَل .
علي : طلعت وياي على مصلحه وطلعت تستغلني واني من حُبي الها ماچنت اشوف استغلالها .
فيروز : صـدُك تحجي؟
علي : اي والله
فيروز : هم بعد اكو هيج بنات معقولة
علي : الدنيا كلشي تشوفين بيها
فيروز : زين اهلها وين ميتابعوها ميكولون البنية منين عدها نت او رصيد؟
علي : والله ماعرف سدي هذا الموضوع يضوجني
فيروز : اوكي عادي مو مشكلة .
علي : اسئل سؤال ثاني ؟
فيروز : ايي يلا
علي : شنو الي يجذبج للولد؟
فيروز : مافهمت
علي : شلون تريدين مواصفات شريك حياتج؟
فيروز : اها
فيروز : الشكَل ميهمني هواي صراحتاً ، بس الي يهمني الاسلوب الاخلاق واهم شي يكَون غيور وفي لـ ابعد الحدود واحبة يكَون حاد وعصبي بس وياي حنون
علي : هاي المواصفات تشبه مواصفاتي
فيروز : ههههههه شنو هاي الثقة
فيروز : انتَ شلون تعجبك شريكة حياتك؟
علي : اريدها مثلج ♥️♥️.
فيروز : خجلتني ، بس ليش مثلي؟
علي : اريدها واعية وفاهمة وقوية وحَلوة
فيروز : يعني كل هلموصفات عندي؟
علي : بس ماكو وحدة تجي مثل عَيونج
فيروز : يا يا تسلملي والله عيونك الحلوات
•فيروز حاولت اغير الموضوع لان خجلني وحسيتة معُجب بس دائماً اخلي حاجز بيناتنة
_مرت فترة وصارت صداقتنة اقوة تعلقنة واحد بلثاني بس محد يبين للاخ الكبرياء عدنة فوك كلشي
علي : فيروز
.فيروزتي
.وتيني
.الفيروز الحلو
وينججج
فيروز : ها عيوني موجودة
علي : تلعبين؟
فيروز : ايي يلا بس شنو
علي : دومنة
فيروز : ايي يلا
علي : منزلتها ، بس ترا بيها مايك
فيروز : ايي ايي اعرف يلا خلي اضيفك
•ضفتة ولعبنة وياريتني ما ضفتة
فيروز : اني اسمع صوت علي لان هوَه فاتح المايك
بس ميسمعني لان غالقتة اني
سمعت علي ديضحك طلعت للانستا كتبتلة ويامن دتضحك وياي؟
علي : لا مو وياج داحجي مكالمة
فيروز : اها ويا صديقك
علي : لا صديقتي
فيروز : اها احجوا على راحتكم ، وسد المايك من يمك
علي : فيروز شبيج بيج شي ؟
فيروز : لالا كمل لعب بسرعة لان نعست
علي : لا حسيت بيج شي
فيروز : علي كتلك مابيه كمل لعب لان نعست
علي : تمام
•فيروز حسيت كلبي نجعص تغير لوني ماعرف هيه غيرة هيه ضوجة هيه انانية ماجنت اعرف مشاعري بوكتها وخلصنة لعبة ودزلي علي
علي : فيروز ؟؟
فيروز : هياتني كول
علي : شنو شبيج ليش ضجتي
فيروز : ماضجت ليش؟
علي : تغارين؟
فيروز : اوكف شنو منين اغار. ؟
علي : يعني اقصد تغارين عليه؟
فيروز : لا متوهم
علي : ها متوهم مو يعني متغارين على صديقج!
فيروز : علي سد الموضوع ما اغار وخلاص
علي : اوكي
