هاي المصارحة بدها دقيقتين تأمل مثل لما نشوف القمر🌑
والله قبل شوي ضربت اختي عشانها شرت لي من زوقها أشياءااات والآن حلفت يمين ما تشتريلي مرة ثانية
بالك شسويلها عشان ترضى لأنه مالي غيرها أحد يشتريلي؟
-هسه طبعا كلنا بنتقاتل مع اخوتنا شئ طبيعي،
قبل فترة من سفر اخوي كنت نايم وجاب عقرب (اللعبة شبه الحقيقة ) وحطها تحت المخدة على سريري ومسكتها وماكنت حاسس وطبعا تقاتلنا يومها وبس اخذت حقوقي سامحته(:
المهم الان روحي اعمليلها شئ بتحبه (حلويات) وتأسفيلها اكيد بتسامحك او جيبيلها هدية واكتبي فيها كلمة الاعتذار
او اذا كنتي من الناس الى بخجلوا شوي من الاعتذار
(هسه انا هون بتأسف بس بالواقع شوي بحسه صعب ووجهي بقلب لونه للاحمر وكلام فاضي فبدل كلمة آسف بروح بسحب الشخص الى زعلان مني وبحضنه )
إذا كنتي مثلي فروحي احضنيها وامدحي الشغلات الى جابتهم الك واكيد راح تسامحك
اذا مازبط اي من الطريقتين الى فوق فببساطة قومي بأشغالها المنزلية ،اختي كانت تسامحني هيك وتيجي تكمل عني عشان مابعرف بشغل البيت منيح، بالنهاية انا ولد (الى بشوفني بفكرني ولد عاقل،بس مابعرفو الماضي الأسود ،كاين صاحب مشاكل ونا صغير)
أتمنى فادتك النصايح ولو شوي ،
وبس انشاءالله بتسامحك وبترجعوا اخوه وحبايب
الله يحفظكم لبعض 💫
اذا وصلتني كمان اسئلة لفصول بكرا بخليها...لهيك ليلة سعيدة الكم 🤍
