My Hindi works

Har raat ki kahaani

Haveli ka aangan hamesha ki tarah suna tha aur wahan Sargam apne kamre se nikal kar aati Hai. Uski Payal ki chankaar raat ke sannate ko chir rahi thi.
Pehli raat ki tarah Sargam akaran hi nahi aayi thi aangan ki oor. Na dusri raat ki tarah aaj koi shak tha. Aaj ki raat ki chahalkadami ka karan tha mansuba tha. Pehli raat jab usne uss ladke ko dekha tha toh maana vahem Hai. Maan Lena aasan tha tab. Saat saalo se Sargam iss haveli mei akeli Hai uska saath dene yahan sirf kuch chipkaliyaan, makde makdiyaan Hai. Kabhi kabhi choohe aate hain Lenin insaan nahi.

Insaani duniya Sargam se naata tod chuki Hai ya yun kaho ki Sargam ne naate tod diye Hai aur khud ko is haveli mei kaid kar rakha Hai. Aur achanak Ek raat Ek ladke ka haveli ki chaukhat par khade hona. Vahem nahi toh kya Hai.

Raat gehri hoti jaa rahi thi chaand kabhi badalo ke peche jata toh kabhi parde mei se jhankti nayi dulhan ki tarah dekhta. Roshni bhi dubakti dikhti ka khel khel rahi thi. Aur tab thak thak ki awaaz sunayi di.

Pehli do raato ki tarah hi vo andar aaya aur Sargam ke saamne aa khada hua. Pehli do raato ki tarah hi uski ankhon mei dekhte hi Sargam bhul gayi apne sawalo ko. Usne apna haath uthakar Sargam ke gaal par rakha. Barso baad kisi kasparsh paakar shayad Sargam ne sudh khodi kyoki jab palak jhapkayi toh vahan koi nahi tha.

Vo sparsh vahem toh nahi tha. Ye sochte sochte Sargam ne apne haath mei kuch mehsoos kiya dekha toh paaya ...Ek phool. Murjhaya hua phool. Mara hua gulab mari hui Sargam ke liye.

Z

indagi