نبتدي ببطلتنا بتصحي بكل نشاط وهي مستعدة لبداية يوم جديد دخلت اتوضيت واديت فرضيتها بصلاة الصبح وراحت ناحية مرايتها وسرحت شعرها بلونه اللى يشبه وهج الشمس فعز لمعانها وبشرتها اللى تشبه القهوة الممزوجة باللبن الدافئ واللى هي عاشقة ليه وعيونها مرسومة بلونها اللى مش مفهوم بس يسحر اي شخص يركز فيها وخدودها اللى شبه ممتلئة وشفايفها الصغيرة اكنها طفلة في هيئة انسة فسن ال21دي سن بطلتنا اما بقا اسم...ها.....
يتفتح الباب بشكل سريع: وهج صحيتي ولا لسة..؟!
كنت لسة هقولكم اسم بطلتنا وهج زي شكلها بظبط وده هنعرف سببه مع روايتنا نرجع تاني.
وهج ببتسامة مشرقة: ثواني خلاص هلم شعري واجي علطول يا بهجة.
بهجة: طيب يلا عشان ماما خلصت الفطار وكلنا صحينا وبابا قالي اصحيكي افتكر انك اتااخرتي في الصحيان.
وهج وبهجة في صوت واحد وضحك: زي كل يوم ههههههههههه.
نسيت اعرفكم بهجة دي اخت وهج واكبر منها بسنة واحدة بس عقلها اصغر منها بكتير واسمها بهجة وهي فعلا اسم علي مسمي بتحب تضحك وتفرح كل اللى حوليها وتشوف حبايبها فرحانين وفي سعادة اما بقا شكلها فهي مختلفة شوية عن وهج شعرها القصير بلونه الاسود مديلها شكل طفولي حلو وبشرتها البيضا اللي تسحر اي شخص بعيونها البنية وهي ارفع شوية عن وهج.
☜✿✿✿✿✿✿حًوٌآدٍيَتٌ حًبًوٌبًةّ✿✿✿✿✿✿☞
وهج لبست فستان بلون ابيض وعليه ورود باللون الازرق لانها بتحب الازرق جدا ولمت خصلات شعرها لوراة بتوكة علي شكل فراشة زرقا اكنها اميرة وقعت من كتب ديزني للاطفال ولبست نضرتها وخرجت من اؤضتها عشان تبتدي يومها مع اسرتها الجميلة والبسيطة.
بهجة بتساعد ماما في الفطار وبتخرج الاطباق و بابا واحمد قاعدين بيتكلمو شوية في الصالة.
بهجة: اهي يا سي بابا استاذة وهج صحيت مش لازم بقا كل شوية تحسسني اني منبه العيلة اصحي كل واحد من النوم.
بابا بضحك: ههههه بت انتي تسمعي الكلام مش انتي اللى بتصحي اول واحدة وتفضلي تصدعينا يبقا تستحملي وتصحي الباقي بقا.
بهجة: مهو حضرتك عارف انهم بيبقو صاحين وخصوصا استاذة وهج بتصحي قبلينا كلنا بس لازم الطقوس اليومية بتاعتها تخلصها.
الكل ضحك علي كلمة بهجة وعفويتها في الكلام.
وهج بضحك راحت ناحية بهجة وفتحت ايديها وحضنيتها: عارفة مع انك اكبر مني بس والله بحسك بنتي اوي وبحبك اوي اوي ومتزعليش يا ستي ده يدل انك مهمة في البيت بردو ومنقدرش نستغني عنك.
بهجة بادلتها الحضن: طول عمرك بتقنعيني يا كبيرة.
ماما وهي معدية من جنبهم: ههههههه طب يلا يا منك ليها الفطار برد.
كله اتجمع ناحية السفرة وهو بابا متراس السفرة وعلي اليمين ماما واحمد والشمال وهج وبهجة.
أنت تقرأ
اصبحت زوجة اخي
Romanceاحساس غريب لما تكون بدور عن الحب اللى قلبك طول عمره بيتمناه ويكون جنبك طول الوقت بس علاقتكم ببعض مانعه ان حبكم يكبر بس قدر ربنا ليه رائي فيتراه اي هيحصل يخلي الحب ده من مستحيل الحدوث لشيء جميل يحصل وينجح كمان ✍🏻💚
