هتفت الأم بنفاذ صبر: كيان قومي بقى انا زهقت بقالي أكتر من نص ساعة بصحي فيكي هتتأخري على الدرس مش كل يوم كدا
انتظرت عدة ثوانٍ على أمل أنها تتلقى منها إجابه لكن بدون فائدة
صاحت الأم بنفاذ صبر: أسيل ياأسيل
اتت على الفور تقول بقلق: في إيه ياماما مالك بتزعقي كدا ليه
اجابتها والدتها تقول بضيق: تعالي صحي أختك انا زهقت وتعبت مش كل يوم كدا
زفرت أسيل بملل تتسأل: هي عليها دروس انهاردة
هزت رأسها بنعم تجيب: اه عليها الساعة 5 ودلوقتي الساعة 4 ونص اعمل معاها إيه انا دلوقتي
رفعت عنها الغطاء بحدة تقول بغضب من شقيقتها الكسولة هذه: كيان بطلي عبط وقومي بقى هتتأخري
انتفضت كيان جالسة تصيح بضيق: خلاص خلاص قومت أهو الواحد مش عارف ياخد راحته في البيت دا امتى بقى اخلص زفت تعليم واروح بيت كتكوتي أنام براحتي ومحدش يزعجني فيه
ضحكت الأم بخفوت تقول بسخرية: والله أنتي عبيطة ومتعرفيش اللي فيها قومي يلا عشان الدرس باقي عليه نص ساعة
"بعد مرور ساعة"
_ هتصل بأخوكي اقوله والله لو منزلتيش دلوقتي
هذا ما قالته والدتها بغضب
تركض في الشقه مثل القرد تقول بنواح: يالوزة ياصغيرة على ألهم يالوزة اتأخرت اتأخرت يالومي اتاخرت ياجدعاااااان مش هدخل الدرس
خرجت أسيل على صوت شقيقتها المزعج تقول ببعض من الغضب والشماتة: في إيه يامهزءة ما توطي صوتك وبعدين مش أنتي اللي نايمة لحد دلوقتي حد قالك تتأخري طب يارب المستر ميدخلكيش الحصه
هتفت حليمة بحنان أم: بعد الشر متقوليش كدا ياأسيل قولي يارب تلحق الحصه بس
قبلتها كيان على وجنتها تقول بمرح: حبيبتي يالومي ربنا يخليكي ليا يا أحلي أم في الدنيا انا هنزل بقى سلام
_صليتي العصر؟
أجابتها قبل أن ان تغلق باب المنزل خلفها: اه الحمدلله سلام بقى
*************
_ مش عارف اخرجها من دماغي من أول ما شوفتها
ضحك عليه صديقه ثم غمز له يقول بشقاوة: خلاص وقعها واحدة واحدة
زفر يوسف بحنق يقول بضيق: اوقعها اي بس أنت عارف كويس مينفعش ابين إني ببصلها اصلاً لأني المستر يعني ولا مكانتي ولا كاريزمتي تسمحلي بكدا وكمان السمعة ياماجد السمعة
تأفف ماجد يقول بيأس من أفعال صديقه المثيرة للغضب: كاريزمة إيه ياچو اللي بتقول عليها أنت مش هتبطل البرود والتكبر اللي فيك دا وكمان مش معنى إنك مستر يبقى مينفعش تبص لطالبة عندك.... الحب مفهوش الكلام دا والحب مفهوش حاجة مستحيلة
شعر ببعض من التفاؤل داخله يقول بحب وهو يكابر ويقول عليه مجرد إعجاب ولكنه لا يعلم أنه لا يتبقى له سوى خطوة واحدة حتى يقع أسير عشقها وليس حبها فقط: أنت صح مفيش حاجة مستحيلة في الحب
صمت عدة ثوانٍ ثم أكمل ببعض من التوتر: بس..... بس انا مبحبهاش يعني دا مجرد إعجاب أنت عارف إني مبحبش بسهولة
