#فتاه_من_الصعيد
ف قصر الجارحي يجتمع الجميع لتجهيز حفل خطبت كنان و وعد
((عند كنان))
عماد..: ي بني حراام عليك اصحااااا ربنا يخدك
كنان..: ف اي ي عماد سيني انام
عماد..: النهارده خطوبتك ي تنشك
كنان..: وسيبني نايم لحد دلوقتي ليه ي لهوي دي الساعه 10 مش هلحق اعمل حاجه
عماد..: هتلحق قوم احلق دقنك دي ونا هجهزلك البدله وبعت ناس القصر عشان يسعدوهم ف تجهيزات الحفله بليل
كنان.. : شكرا ي صحبي
كنان قام يجهز نفسه للخطوبه
((عند وعد))
بدور ورهف...: وعددددددد
وعد.. : اييييي
رهف..: مفيش النهارده خطوبتك
وعد..: ينهار اسود الساعه كام
بدور..: الساعه 10
وعد..: م لسه بدري اهو بتصحوني ليه
رهف..: الميك اب ارتيست ساعه وهتيجي عشان الحق احطلك مسكات والناس بتجهز الجنينه عشان الخطوبه والقصر كله مقلوب عشان حضرتك وانتي نايمه
وعد..: انتي رغايه اوي
بدور..: عندك حق والله ي وعد
رهف..:قومي ي وعد يلا بقا اغسلي وشك وتعالي
وعد قامت غسلت وشها وطلعت والباب خبط ورهف فتحت
الخادمه..: كنان بيه بعت لست رهف العلبه دي
رهف..: هاتيها شكرا
رهف قفلت الباب بصعوبه العلبه كانت كبيره
وعد..: ي تراا اي ده
رهف.: افتحيه اخلصي
وعد فتحت العلبه وكان فيها فستان يشبه فستان الاميرات كان بلون البيبي بلو الفاتح وكان بيلمع وعليه حبات الؤلؤ
رهف..: واو تحفه اوي
بدور..: حلو جوي ي وعد
وعد ابتسمت بحب وتلفونه جاله مسج من كنان
كنان..: يارب يكون عجبك حاولت اختار حاجه تليق ب وعدي وملقتش بس عارف انك بتحلي اي حاجه بحبك
وعد ابتسمت
رهف..: اي هنقضيها ابتسمات خدي الفستان ي بدور تعالي بقا عشان احطلك مسكات
البنات بداو يجهزوا وعد
ف المساء كان كل حاجه جاهزه
كنان واقف ع اخر السلم مستني اميرته تنزل واخيرا اميرته طلعت وعد كانت مسكه ف ايد عمها والبنات حوليها وتعالت الزغريط كنان اتبهر بجمالها كنان لابس بدله سوده كامله وكان جميل جدا عمها سلمها لـ كنان
كنان....: انتي جميله اوى انا خايف اطلع بيكي برا من عيون النااس
وعد..: وانت كمان حلو اوي
رهف..: هتفضلوا تتكلموا هنا كتير يلا النااس مستنيه
وعد وكنان طلعوا وقعدوا ف المكان المخصص لهم والكل كان مبهور بجاملهم هما الاتنين كنان جاب لـ وعد طقم الماس هدايه ولبسه لها وجاء وقت الدبل وعد لبست كنان الدبله
وعد..: كنان دي مش ايد الخطوبه
كنان ابتسم..: هتفهمي كل حاجه دلوقتي
كنان شاور لـ عماد وبعد شويه دخل المؤذون
وعد..: انت عملت اي يخربيتك ده المؤذون
كنان..: اهدي ي بت
الكل اتفجأ بحضور المؤذون احمد راح عند كنان
احمد..: اي اللي عملته ده ي ولد احنا متفجناش ع اكده
كنان..: بس انا شايف ان ده الصح هيكون كتب كتاب بس والفرح بعد شهرين تلاته وبعدين وعد هتكون معايا ف القاهره وعادات الصعيد مختلفه ونا مش عايز حد يتكلم كلمه عليها
احمد..: عندك حق ي ولد.
بعد مرور وقت قليل تعالت الزغريط مع جملة المؤذون
بارك الله فيكم وبارك عليكم وجمع بينكم في خير
كنان بص لـ وعد..: انتي لو تعرفي انا حاسس بأبه انا مش قادر اوصف حاجه جوايا من افرحه مبارك ي نور عيني بقيتي مراتي.
وعد عيونها دمعت..: انا بحبك اوي
كنان حضن وعد ولف بيها وتعالت اصوات الموسيقى والفرح عم ع الجميع
عند علي كانت. مشاعره متلغبطه وبيسأل نفسه هو ليه مش زعلان وفرحان لـ وعد معقول كل ده كان بيوهم نفسه انه بيحبها وليه بيتمنا دلوقتي بدور تكون جمبه ف لحظه زيي دي
رهف راحت عند علي..: علي انت كويس
علي ابتسم...: انا كويس ي حبيبتي متخفيش اللي فاتت كان وهم انا دلوقتي مش بتمنا قد بدور وهي فعلاً اثبتت ليا ان اللي فاتت كان وهم وبس
رهف..*ربنا يسعدك ي حبيبي
علي..: انا هطلع اسلم ع وعد وكنان
علي راح عند وعد كنان كان مضايق منه بس وعد هداته وعرفته انه اتغير
علي سلم ع وعد..: الف مبروك ي احلي اخت واحلي عروسه
وعد..: الله يبارك فيك عبالك انت واللي ف بالي
علي...: ياااارب
علي حضن كنان..: الف مبروك ي عريس
كنان..: الله يبارك فيك
علي بهمس..: ف حاجه ضروري متعلقه ب اهل وعد لازم تعرفها قابلني بعد الحفله ف الجنينه الخالفيه عشان نحله سوا
كنان استغرب من علي بس وافق
علي..: اي ي عريس مش هترقص معايا ولا اي
كنان..: ازايي موافق طبعاً
كنان وعلي والشباب راقصوا وعد بدات تطمن ان كل حاجه كويسه بس كلام نسرين كان بيتردد ف دماغها ع طول وكانت بتحاول تطمن نفسها
انتهت الحفله وعد طلعت اوضتها وغيرت الفستان واخدت شاور ولبست منامه صايفيه ودخلت عشان تنام بس السعاده كانت مسيطره ع الكل
عند كنان كان مستني علي ف الجنينه
كنان..: هو اتاخر كده ليه انا همشي
علي..: اسف ع التأخير لما عرفت اطلع
كنان..: قول ف اي
علي..: احمد وفارس هما اللي قتلوا بابا محمود وماما حنين
كنان..: كنت متاكد من كده بس انت عرفت منين
علي حكاله ع اللي سمعه من احمد وفارس وهما ف الجنينه
علي..: بقالي اسبوع بحاول اتصرف بس مش عارف وخايف اقول لـ وعد
كنان..: طب هنتصرف ازاي
علي...: مش عارف انا قولتلك عشان نحل سوا
كنان..: انا هقول لـ وعد بس لما نروح القاهره يوم الحد
علي..: وهنعمل اي معاهم
كنان..: سابهم انا هتصرف معاهم لانه مقتلش ابو وام وعد بس ده الحدثه بتاعت ام وعد راح فيها اتنين امي وابويا انا كمان
علي..: قصدك الاتنين دول كانوا اهلك
كنان..: ايوه اللي كانوا معاها ف الحدثه امي وابويا
علي..: ده حسابهم تقيل اوي
كنان..: شكرا ي علي سيب الباقي انا هقدر اتصرف معاهم
علي..: لو احتاجتني ف حاجه كلمني
كنان..: حاضر يلا انا همشي ولما القي حل هكلمك
علي..: ماشي سلام
كنان رجع البيت وتفكيره كان متلغبط
انتها اليوم بعد مرور يوم بدون احداث تذكر. اليوم اللي وعد وكنان هيروحوا القاهره
عند كنان قام من النوم واخد شاور ولبس قميص اسود وبنطلون اسود وادا فرضه وجهز نفسه لرجوع القاهره
دخل عنده الاوضه عماد..: اول مره تصحا لواحدك
كنان..: عادي عندي شغل كتير ف الشركه
عماد..: نفسي اعرف اي اللي شاغل تفكيرك بقالوا يومين
كنان..: مافيش حاجه انا همشي بقا عشان وعد هتسافر معايا
عماد..: ماشي خلي بالك من نفسك
كنان..: ماشي ي صحبي سلام
كنان طلع وركب العربيه واتجه لقصر الجارحي.
عند وعد قامت من النوم واخدت شاور ولبس درس اخضر وحجاب ابيض وادت فرضها ونزلت
الكل متجمع ع السفره
وعد...: صباح الخير
الكل..: صباح النور
صفاء..: كنان هيجي ميتا ي بتي
كنان هو داخل من باب القصر..: صباح الخير
احمد.... : اتفضل ي ولدي
كنان كان مضايق منه بس كان بيحاول ميبينش..: عامل اي عمي
احمد..: الحمدلله ي ولدي اتفضل افطر معانا
كنان..: لا لو وعد جاهزه عشان نمشي
وعد..: ايوه جاهزه يلا نمشي عندي شغل كتير اوي هناك
وعد ودعت العيله وطلعت هي وكنان وركبوا العربيه واتجهوا للقاهره
#فتاه_من_الصعيد
#بقلم_إسراء_علي
أنت تقرأ
فتاه من الصعيد
Romanceصدفه لم تكن بالحسبان ولكن شاء القدر لكي يجمع بين قلوبهم مره اخرى.. اسرار تكشف من خلف اسوار الماضي .. قلبه كان يهوي عشقها منذ البدايه ولكن البعد جعل شيطان على هيئة انسانه تقترب منهُ ولكن الكذب والخيانه نهايتهم قصيره.. هي العادات والتقليد لم تسمح لها...
