خلف جدار الوحده

البارت 1

قصه / خلف جدار الوحده

بقـلم. / الكاتـبه توته

ثم يفاجئك لحن، فتعود بك الذكريات 🖤!

********************

طيبه امي وينج ?

_ااجيت ماما اجيت

ام طيبه. : يمه وين صرتي اوديج علئ شغله تبقين ساعه

_الزمي هذاه گال دكتور تشربين منه قبل ألاكل وهاذه بعد الاكل وهاي الابره من يخلص العلاج

ام طيبه : خليهم بالغرفه هذولي وروحي اتصلي بأبوج شوفي وين صار حته نصب الغده

_حاضر

رحت اتصلت ؏ ابوي وسالته يمته يرجع للبيت گال شويه وأوصل.

اعرفكم عن نفسي اسمي طيبه عمري 16 سنه وحيده الأهلي ماعندي لأخت ولا أخ امي من ولدتني صار بيها مرض السرطان .. 

وطول هل فترا عايشه ؏ علاج . 

أبويه موضف وامي ربت بيت واني طالبه صف ثالث 

_ماما گال شويه واوصل انتي روحي صلي اني راح اصب الغده

ام طيبه. : لا يمه اني اگوم احضره لاتحترگين انتي حضري السفره واخذي الزلاطه.

اخذت السفره ورحت فرشتها وساعدت امي بالتحضير كل شويه اخذ من ايدها اريد اصب ماترضه تگول بعدج صغيره اخاف عليج

سمعت الباب اندك رحت بسرعه فتحته جان ابوي حضنت عليه وبست خده

_لله يساعدك بابا

ابو طيبه. : هلا بويه شلونها بنيتي الحلووه

_الحمدلله يلا بابا ادخل غسل منتضريك ؏ غده ..

ابو طيبه. : امج شلونها شگال دكتور ليوم من رحتو

_گال حالتها كلش صعبه ولازم تستمر ؏ علاج

ابو طيبه. : الله كريم بويه

_بابا امي مراح يصيرلها شي موو

حضني علئ صدره وباس راسي وهمس بصوت ناصي.

ابو طيبه. : اكيد ماطول اني وياج وياها مراح نخلي يصبها شي وهسه يلا روحي حضريلي الحمام حته اسبح ونتغده سويه ..

هزيت راسي بأي ورحت بسرعه حضرت الحمام اله  راح هوه علئ امي يطمان عليها شويه واجه دخل سبح بقينه منتضرينه يم السفره لاحد مايخلص

شويه واجه گعدنه سويه تغدينه ..

شلت الصحون غسلتهم وصعدت علئ غرفتي بقيت ادرس عندي امتحانات صعبه واني طول هل فترا مٍشًغوٍلًهُ  ويه امي وهامله دروسي.

صارت ساعه ب 2 الضهر عفت الكتب ونزلت جوه لگيت امي مسويه كيك وعصير جايه علينه جيرانه ام علي كلشش حبابه ولطيفه.