أدهم العنود

الجزء الأول

ادهم العنود

_________________
_ اي وحكك وانت اعز من اليمن

_ ولو حلفت بغير ماكتلك جذوب...

_انه وانته وماعلي بالعالمين ...

_الشركت والغربت بينه الذنوب

______________________

صلح: يابه تعال ادخل جوهه كافي ..
 
-هياتي يابه بس شوي 

صلح:ولك بويه دنيا غربت تعال خش جوهه دا اسد لباب..

نفخت بضجر وتوجهت عليهه لزم جتفي ودخلني جوهه غسلت اديهه ورحت ع ابوبهه وبست راسهه

صلح: أدهم ..

_ همم

صلح: بويهه انت كبرت متعوف الزعاطيط يوميه شكوهه منكك ..

_ جا قابل شمسوي انه يابويه هوهه طوبهه وزلكت رجلي ..

صلح: ادهم تقنعني مسويتها عناد يعني ..

_ للا ولله بويه هيه الطوبه راحت عليهم ..

صلح: ومن نفسها طوبه تكسر جامه لبيت ..

ضحكت بصوت عالي من دغدغ ابويهه بطني لحد مدخلت علينا مرت عمي جلال الحامل ..

مرت جلال: أدهم اصبلك غده تتغدهه ..

_ للا عمه حروح اقره اني ..

مرت جلال: أدهم تعال للغرفه دا احجي وياك ..

هزيت راسي الها وكمت وراها جانت كاعده ع الجربايه صاحتلي توجهت وكعدت يمها بهدوهه مسدت بأيدها ع شعري وحجت بكل حنيهه .

مرت جلال: أدهم ححبيبي انته ثالث هسهه ولازم تنتبه ع دراستك صحيح ؟ عوف جهال لمنطقه عوف سوالفك كلها ..اريدك تنجح لازم تدرس بكل ما عندك خلكك خوش اذا تريد شي اني يمك خوش أمي؟.

هزيت راسي باوعت لبطنها بهدوء بتسمتلي

_بعد كم يوم تجي بنت عمك ..

_ بنت عمي اكيد حتطلع حلوه مثلي

_ ياا باع الغرور أدهم باشهه تطلعع على امها اكيد ..

ضحكت عليه من غمزتلي بست ايدها وكمت توجهت لغرفتي فتحت لباب جانت ضلمه فتحت ضوهه وصحت

أدهم: ءحم ءحم اميرتي لحلوه اني هنا ..

_ أدهم روح ما ااحجي وياك ..

أدهم: يااا  زعلانهه؟ احييي شحب زعلج طلعي اميرتي.

طلعت من ورا البردهه ركضت بأتجاهي شلتها بكل هدوء وخليتها ع الجربايه بست خدها ..

أدهم: ءمم شبيها حلوتي زعلانه؟

_ انته مجبتلي لحلويات لطلبته منكك

_ خلاص يابهه باجر اجيبهم وعد