أدهم العنود

بارت 7

ادهم العنود
___________________

من رحتو صحت بعالي الصوت ..هاوين؟

وينك يلخذيت الروح ..هاوين؟

صرت هيله وسط مابين..هاون؟

العطر للغير والدكات بيه ..
_______________________

مريم

دخلت بهدوء متوجهه للمطبخ واني لازمه بطني اريد اكل جانت نوره موجوده بالمطبخ وملاك دا تغسل ماعين..

نوره: خطار اخر وقت

_ شكلج نسيتي زوجج جابنا هنا مو بصفتنا خطار بصفتنا اهل وراجعين ديرتنا ..

_ اشو طالع لسانج بس للا تعلمتي من ذيجج لمفهيه ..

_ خزيت لعين اذا ذيج مفهيه عمه نوره مشفتي شي..

_ عمه لعماج عمه ..

هزيت ايدي وتوجهت لملاك لكيتها دا تضحك ضربت رأسها..

_ ملاكي جوعانه

_ شوفي ثلاجه ..

_ بشرفج ..اكو فاكهه بس؟

_لعد شتردين

_ ماعون باكله بدهن اخخ وفوكا عصره ليمون يمامييي وها لتنسين دهن هواي بي ..

_ دمشي فاتحه مطعم لخلفج.

_ دولي صوجي جاي اشرحلج ...بلا طيني ماعون من يمج.

نطتني ملاك لماعون خليت عنب وتفاح وبرتقال وخليت موز شلته ورحت للديوان جان بابا جلال والشيخ ومرت عمي جلال ونوره ..

_ تفضلو

صلح: عاشه ايدج ولله

اخذت ماعون وحطيت بي برتقاله وموز وتفاح وحطيت سجين ونطيته نوره ..

صعدت فوك فتحت باب الغرفه مالتنا ماكو احد لغرفه فارغه اخذت جهازي وتصلت ع العنود اجه صوت جهازها

من وراي رحت اخذته ونزلت جوهه

العنود

بعد مسمعت صوت سيارهه ادهم طلعت بهدوء ودخلت الغرفته كعدت ودخلت جوه لبطانيه طلعت الدفتر وفتحته وكملت قرايه..

بعد 7 ايام من فاتحه امي كاعد بكل هدوء داحضر نفسي لامتحاناتي ودخلت مرت عمي جلال

_ أدهمم

_ هها

_ عندي خبر الك كلش حلو

_ ي يالله ..بشرينا

_ حيجيك اخ او اخت من بعد ملاكك ..

رفعت حاجبي بكل استغراب ضحكت وكالت

_ اقصد اني حامل

باوعت بتفاجأ لعمتي واني احس نرسمت شبه ابتسامه ع شفايفي