رهائن الميتم

'2'

# رهـائن المَيتم 🦋  ..

ما جاي انام وگلبي
تعبَان
وزعلان احِس من كلشي
زعلان
تطفه الشمِوع ودمعي
سَهران
وميَت احس والليل دفَان .
___________

جُمان  ..

مشينا للسگن نسولف أني والبنات ونضحگ ..

جُمانة : صوتج فضحتنية

علياء : هسه عوفيني حتىٰ علىٰ الضحگه
لطشتي .

جُمانة : ومرض امشي

وگفت فضـة واحنا وكفنا علىٰ وگفتها تباوع للميتم
وتقلص بعيونها  ، باوعت ماڪو شيء ومحد طالع

علياء : شبيچن؟

فضـة : ما مرتاحة اني

جُمانة : أمشي يمعودة راح يأذن

أخذت أيدهن ومشيت سريع للسگن ، وصلنا للباب
الهَدوء يخوف عبالك الميتم مهجور ومحد بيّ  ..

فضـة : عمو ضاهر وين  ؟

علياء : شنو هذا الهدوء نايمات من وكت اليوم

باوعتلي فضـة وهزت راسها ..

- خلينا نرجع جُمانة ، واسـو مو ويانة
أحنا شلون نعوفها ونرجع

- تمام أهدي خلينا ندخل

فضـة : ما أدخل اني تردين انتِ دخلي

علياء : انتِ منين خايفة شبيج؟

- دا أكول مامرتاحة خلونه نرجع امشو
محد تدخل يله  .

واحنا دا نحجي واكفين بالباب وصار صوت رمي
داخل الميتم صرخت علياء بفزع ومن الخوف طاحت علىٰ
الزرع  ..

رگضنا عليها  ، وصاح واحد  .. منــــــــو هــــــــــــنا ؟

خلت فضـة أيدها علىٰ حلگي تأشرلي أسكت  ، بلعت
ريگي من الخوف كلنا نرچف

أجه واحد ثاني كلشي مانشوف بس نسمع صوت سلسله
ماعرف زنجيل مادري شنو بالضبط بس خرخشه حديد  .

- ها شبيك

- ماكو شي ، وينه ما أجه؟

أبتعد صوتهم مرت حوالي خمس دقايق وأشرت فضـة
نگوم نطلع لإن صرنا بنص الحديقه مال السگن والطين
تدمر حالنه  ..

همست فضـة بغضب : گلت لا تدخلن لا تدخلن
ليش ماتسمعني من احجي هيج احسن هسه شلون
راح نطلع منا

علياء : نفتح الباب ونطلع لا تكبرينها وهيّ صغيره

فضـة : اي خوش يلة روحي فتحي يلة
گون طلقة براسج

بقت وحده تخزر بالثانية  ، بقيت أراقب ماكو احد
يمر من الباب

جُمانة : أمشن أمشن خلي نطلع ماكو احد برا