قررت اطلع من حالت الاكتئاب هاي لات امر ربي ومكدر اعترض عليه قررت ارجع لحلمي واتفرغله
فاتحت اهلي بالموضوع اول شي رفضو بعدين كلت الهم اني راح احقق حلمي لان ماضل شي واخسره ابد رضو بالامر الواقع لان ميكدرون يعترضون على قراري هذا لان يعرفون وضعي ميسمح يناقشوني بيه ورديت للدراسه بعد انقطاع عنا والحمدلله الله وفقني وانقبلت بالتخصص الي كنت احلم بيه واهلي كانو السند الي.
_________________________________________
مربطه بكرسي صالي يومين والمرض نهش بجسمي بدون اكل بس المي يذبو من جوه الكاع الا ان انفتح الباب ودخل الي ماخذ كلبي وروحي عشك عمري بس مرات الضروف متجمّع الاحباب عرفته من صوته الي سلب عقلي كان ملثم بس عرفته كلتله شتريد انته مني كال اريدج كتله مستحيل اوافق بيك كال ليش بس كوليلي شتردين وضيفتج موافق ييها وكلشي تردي يصير كتله الموضوع اكبر من هاي الاشياء هاي كال شنو الموضوع الي يخليج متوافقين بيه كتله معليك بيه ويلا فكني اني من كتله هيج جني ذبيت عليه نار كام يصيح شبيه متوافقين بيه ناقصني شي
بيه شي ميعجبج حتى اغيره اني كنت اعرف انو يحبني بس انصدمت من كام يبجي كتله مابيك اي عيب بس اني ماكدر اتزوجك كالي ليش اذا علمود الوضيفه راضي بيها والسياره رتضي بيها وكلشي تردي انفذه كام يصيح عليه وضربني راشدي اني هنا اتهسترت وكمت اعيط عليه اني مكدر اجيب اطفال مكدر احرمك من هاي الشغله صح اني احبك بس ماكدر احرمك من الاطفال بس كلت هيج شفت وجهه اعتلت عليه ملامح الصدمه فتح اديني وكمت حسيت الدنيا افترت بيا وصات الدنيا ضلمه اخر شي سمعته يصيح العنود العنود بعد ملحسيت بشي.
ان شاء الله راح التقيكم بروايه (عٌذِآبً آلَعٌنِوٌدٍ) ❤
ممكن تصويت
