خلف الشناشيل حكاية 1

Albart 1

#خلف_الشناشيل_حكاية1

منقوله من الكاتبه نور ام مصطفى
آلَحـ❤ـلَقـ❤ـةّ آلَآوٌلَى.
------------...
عام 1948 بذرة  بداية حكايتي والصراع
.
.
.
.
.
عـ❤ـبـ❤ـد آلَلَهّ

احنا اصدقاء تجمعنا محلة وحدة اني وحاتم وعائشة

و ماجده و سعدية
وجرجيس و رضا وجابر وهواي من اولاد وبنات المنطقة
نلتقي اوقات نلعب سوى بنات وولد واوقات ننفصل كلمن ولعبتة الخاصة بالولد او البنات...

ماجان اكو خوف جنا متعايشين بكل اديانا ومذاهبنة..

وجنا المسلمين مذهبين نتزاوج بينا يعني مو كلها بس اكو بينا حالات زواج...

اني من عائلة الهاشمي...... من السادة...

رغم عشيرتي تمتاز بالجاهة والتجارة...
و عندي اقارب زنكين كلش...

بس رابطة القرابة بينا فقط من اللقب والعشيرة...

احلم يصير عندي قصر مثل طالب النقيب بابي الخصيب وقصر الخضيري...
وبيت باشا عيان...
زغير جنت... بس فاهم كل عمري وقتها 10 سنين

طموحي جبير.. وتفكيري اكبر من جيلي بحكم اشتغل وي ابوية...
شغل الحدادة بنت عندي بنية قوية... رغم اني اشتغل الامور السهلة بهيج عمر.

احنا عكس اجيالكم نكبر من زغر ونتعلم صنعة من زغر

رغم هذا ما اكضي يومي وي ابوية..
لان احب التقي وي ربعي ونلعب..

لمحت عايشة/ عائشة/ هي وابوها واخوها بالفرع رفعت ايدي بسكتة اسلم وابتسمت الها...

هي بعمر ست سنين بس احس بمودة طفولية تجاهها خاصة هي مدنفشة وكلنا بالمنطقة نحب عائشة..
هي وشرايط كصايبها(ضفائرها).
ردتلي الاشارة بضحكة...

شوي واجاني...
نشأت اخوها...
بينا شوي حزازية بس عادي نلعب سوى بس اضوج منه لانه تابع لحويتم المدمغة وهو يضوج مني..

نشأت من العب وي اخته لازم يحول اللعبة الى مشكلة
هو كلش يتفخفخ جابولة العاب يجي يتباهة شيشتروله اهله يتباهة

يعني ..اي شي يشتريه لازم يراويه وبتفاخر..

بس عايشة ارتاحلها من بين اخوتها و خواتها...

شوي واجاني يركض بيده علاكة فتحها يراويني.

-شوف اخيرا وصل القاط شوفه يشبه قاط ابن المختار بس اني لونه رصاصي..

بيد فضولية تكتشف الخامة رحت لزمت القاط واني اتلمسه اتخيل اني البسه

ابوهم  دخل البيت  وعائشة بقت واكفة واجت يمها سعدية وماجدة وهن يسولفن بينهن...

جر العلاكة مني حيل وهو يرفع راسه

-جيب لا تخربه انت شعرفك باللبس هذا اكيد تعيد بدشداشة.