الكاتبه زازا
_________________________________________
كمت بسرعه غسلت وغيرت ملابسي ولبست ملابس المدرسه مشطت شعري وربطه خليت شويه حمره ع شفايفي وعطرر
بقيت اباوع ع نفسي واني اضحك
وااي تخبلينن فددييتت هجمال ههههههه
نزلت واني ادندن لكيت الريوك حاضر اخذت لفه وطلعت لعموو صلاح
نارين ... صباح الخير عموو
صلاح ... صباح النور بنيتي يلاا اصعدي اتأخرنه
نارين ... صعدت ب سياره واني أكل ب لفه
ساق وصلني للمدرسه
نارين ... يلاا معه سلامه عموو من يخلص الدوام اتصل عليك
صلاح ... ماشي بنيتي ديري بالج ع نفسج
نارين ... انشالله
عفته ودخلت للمدرسه مرر اليوم عادي دروس وكان عندي امتحان جداً صعب جاوبت ع بعض الاسئله وقسم ماكدرت اجاوبهم
دخلت علينه انسه سعاد واحنه نمتحن
اجت قريب مني وكالت
سعاد ... نارين من تخلصين امتحان تعال للأداره
نارين ... هزيت راسي بمعنى ءيي
عافتني وطلعت بقيت امتحن كملت وطلعنه اني ومنارس
منارس ... هاا جاوبتي
نارين ... يعني مو كل الاسأله جاوبتهم
منارس ... ليش ولج سهلات
نارين ... وين سهلات والله كلهم صعبات بعدين انتي البارحه ماشرحتيلي هلماده
منارس ... يلاا المهم جاوبتي ع بعض الاسأله
نارين ... ءيي يلاا اني رايحه اشوف انسه سعاد شنوو
تريد من عندي
منارس ... ليش هيه كلتلج تروحين عليهاا
نارين ... ءيي مشفتيهاا من كنه نمتحن اجتي للرحله وكالت من تخلصين امتحان تعالي للأداره
منارس ... ءيي شفتها بس معبالي تحجي وياج عبالي تفتر عليه وتتأكد انوو ماكوو غش
نارين ... خليني اشوفهاا وارجعلج
رحت للأداره دكيت الباب دخلت كانت انسه سعاد كاعده وياهاا المديره
حجت المديره وكالت
المديره ... تعالي نارين
نارين ... نعمم انسه
المديره ... لبارحه شنو صارر بينج وبين الاستاذه سعاد ب صف وطردتج
نارين ... والله انسه اني مفهمت الدرس زين وطلبت من عدهاا تعيدلي الدرس وهيه عصبت عليه وطردتني بس هيج
سعاد ... اسلوبج وطريقت كلامج وياي غير مهذبه انتي طالبه حالج خال زميلاتج لازمم تنتبهين للدرس
اني اشرح وعيني عليج انتي ابدد ممنتبهه للدرس ومن كتلجج كومي وشرحي ماشرحتيي شي الي وهل شي خلاني اضوج منج
نارين ... والله منتبهه بس جنت شويه تعبانه بوقتهه
المديره ... ميخالف ماما لازم تنتبهين نحجي ونغلط بحقج بس هل شي لمصلحتج ترا هل خمول وعدم الانتباه راح يطلعون عليج بايام الامتحانات
الاحسن تركزين ع دروسج وتهتمين بدراستج
نارين ... هزيت راسي ب ءيي وسكتت
المديره ... هسه تكدرين ترجعين للصف
نارين ... تمام
عفتهم وطلعت للصف تلاكت وياي منارس
منارس ... هاا شصار
نارين ... مصارر شي بس تنصحني مثل كل مرا انو انتبهه ع دروسي
منارس ... لحمدالله عبالي تريد تفصلج
نارين ... شنوو وليش عيننيي تفصلني شمسويه
منارس ... اشش ولجج صوتج لاتسمعجج داكلج تفكيري اني مو هيه
نارين ... انتي افكارج بايخه مثلج
منارس ... خلف الله عليج
نارين ... تعالي نروح نشتري شي متت من الحر
اخذتهاا ورحت نشرب عصير خلص الدوام وطلعت اباب المدرسه اتصلت ب سايق ماكوو جهازه مغلق
بقيت امشي ب شارع شويه واجت يمي سياره عاليه لونهاا اسود من هاذي الي جامهاا مضلل
نزل من عدهاا ضابط واجه من نحوي
بقيت واكفه ب مكاني عبالي مجاي عليه بس كل ماله يتقدم نحوي لابس زي عسكريه ومخلي نظارات شمسيه على عيونه
الضابط ... سلام عليكم
نارين ... امم وعليكم السلام
الضابط ... انتي نارين بت العميد حسين
نارين ... ءيي نعم ليش تسأل
الضابط ... ممكن تجين وياي
نارين ...ليش عيني منو انته واجي وياك وليش
تسأل عني
الضابط ... لاتخافي تعالي اصعدي ويايه ابوج هوا الي دزني عليج اليوم السايق مراح يجيج
نارين ... من كال السايق عرفت كلامه صح لان اتصلت بي ومغلق بس ماعرف ليش كلبي ناغزني وخايفه اصعد وياا
...... يتبع
