بالديرة الي الكل يرتاح فيها وكثير سكانها لكن كلهم يعرفون بعضهم وكلهم يعتبرون بعض اخوان ويساعدون بعض والكل مايرتاح الا فيها والي راحو منها قبل سنين رجعو الا عائلتنا ماراحت ولا رجعت
الجد : 77، حسين ، عصبي ، يحب احفاده
الجدة : 73 شريفه ، محبوبه ، تحب احفادها كثيير
ابناء الجد
فيصل : 55 ، الأكبر ، محبوب ، خفيف الدم ، متزوج
محمد : 50 ، جادي ومايمزح غير مع أهله ، متزوج
مازن : 43 ، مزوح ، يحب الخيول ، يقولون انو اخوه صقر يشبهه ، متزوج
صقر : 40 ، مزوح ، يحب الخيول ، متزوج ، يشبه اخوه مازن
بندر : 20 ، يمشي ويطقطق ع إخوانه وعيالهم ، نجد اكثر وحده تفهمه وتطقطق عليه ، غير متزوج
رفيف بدر اطفال فيصل
جِمال هاجَر ابناء محمد
"سعود البطل" رغد ابناء مازن
"نجد البطله" غسان أبناء صقر
زوجات العمام
فيصل = مزون
محمد = عزيزه
مازن = عنود
صّقر = فاتن
ببيت الجد :
الجد : افاا للحين نايمين عيالي!
نجد : لا جدي انا صاحيه
الجد : اييه ذي بنيتي مو زيهم
سعود : وانا تراني قايم قبلها
الجد : سباق هو المهم دامكم صاحين امشو نروح نحلب الناقه
نجد : يعني بنروح مزررعه حمماااس
سعود بضحك : لالا
الجد : لا وانا ابوتس بنروح شبك النياق
نجد : مدري شفيني من اليوم احس احس ان فيني نوم مو طبيعي
الجد : اقول قومي البسي عباتس وانت امش قدامي
سعود : طيب بس مابي احلبها اقولك من الحين ياجدي
الجد : اجل نجد تحلبها!!
سعود بضحك : طيب طيب
الساعه : 8:00 الصباح
الجد : ياااانننجججددد
نجد : جاااييه
الجد : وراتس انتي كلها عباه
نجد : دقيقه جججدييي
8:50
الجد : الدقيقه صارت ساعه ولا؟
سعود : الظاهر
الجد : يااانججددد
نجد : جييت
الجد : وراتس متزينه
نجد : لان والله ياجدو ابغى السواق سعود يوديني ابغى قهوه
الجد : ماعرفت ليه متزينه للحين
نجد : عشان اصور وكذا ولو رجعت ما تبرد القهوه
سعود : جدي شوف تقولي سواق !!
الجد : وراتس انتي تدورين محارش
بندر : على وين
الجد : هلا بزوجي والله ابي اروح احلب ناقه تسمح لي؟
بندر وهو يضحك : ماقلنا كذا
نجد : بس يدور العلوم
بندر : اخس اخس تتزين للنياق تبي تغريهم
نجد : اي حاطه عيني ع ناقه
بندر بهمس ل اذنها : منهو؟
نجد : انت
بندر : للدرجه ذي انا حلو
نجد : اووه انت احلى الشباب
سعود : جدي عرفنا نجد ع مين طالعه
نجد : من
سعود : ع هالتيس الي جنبك
الجد : تقول تيس لعمك
سعود : امزح يجدي خل روحك رياضيه
الجد : اقول ورانا مانطلع احسن
بندر : بروح معاكم
سعود : تسوي خير امش
نجد : جدي
الجد : سمي يابنيتي
الجد : بالله شغل اغ..
بندر بهمس : مهبوله انتي والله لا يلعنك تحطين اغاني قدامه!!
نجد بهمس : نسسيييت
الجد : وش كنتي تبين
نجد : ابي بعد النياق قهوه لا تنسى
الجد : ماعليك
سعود : نياق وقهوه ولا شي ثاني؟
نجد بتوتر : وش بيكون يعني
سعود : نعرف زين
الجد : اقول وش تقولون انتم
بندر : ولا شي يبا
الجد : اها
سعود: يلا انزلو
نجد مسكت يد بندر وتمسكت به خايفه من ناقه
الجد : يومتس كنتي صغيره كنتي تركبين ع ضهرها والحين تخافين منها
نجد : هاه لالا ماني خايفه الا جدي
الجد : سمي
نجد : فيه احد ابي اكشف
الجد : ماحولك الا العامل اكشفي بس
سعود : جدي والعامل ولد بعد
الجد : انت جدها ولا انا
سعود : انت
الجد : اجل انطم
سعود : ابشر ياحلوو
الجد باستحياء : عيب ياولد
بندر : استحى استحى الا وين نجد
نجد بصراخ : ججدددييي شوووففف الناااقه الصغنونه تللحققننييي
الجد : سعوود بندر شوفو شبلاها
بندر : دقيقه يبا بصور واساعدها
الجد : وشوو
سعود : احم لا خلاص انا بساعدها "كان يصور مع بندر"
سعود : ننجججددد تتعاالليي
نجد وهي تصيح : يمه سعود بتاكلني
سعود : لا ذي انتي كنتي تحبينها يومك صغيره وعرفتك
نجد : وع هش هش
سعود : ماهي ذبانه هي
نجد : راسي يعورني
العامل : بااباا
سعود : نزلي غطاك
نجد : تمام
العامل : بابا هذا ناقه سوي حليب كثير انا سوي 3 علبه كبير حليب
الجد : اشوى عشان مانحلبها عطنا وانت خذ واحد كبير
العامل : لالا بابا مافي حبي انا حتى ريحه مافي حلو
نجد بهمس لسعود : معه حق
سعود بهمس : انتي ماتحبينه
نجد : لا وع ليه احبه
سعود : الله يعينك حنا كل ما حلبنا لازم نشرب
نجد : ليه ماشربنا قبل؟
سعود : جدي راحمكم
نجد : بس انا ما ابغى تكفى قول له لايشربني هو يحبك كثيير
سعود : تمام بقنعه بس اذا رفض مالي شغل
نجد : كفو
الجد : ترانا قلنا مشينا
نجد : ها ابشر جيت جيت
سعود : شتبين قهوه
نجد : ايس موكا
سعود : صديق اربعه ايس موكا
نجد : لالا اذا بتطلب لكل البنات هاجر ماتحب ايس موكا تبي كابتشينو ورفيف ايس لاتيه اما انا ورغد ايس موكا
سعود : يتشرطون اسمع صديق اثنين ايس موكا و واحد كابتشينو و احد ايس لاتيه
صديق : اوكيه بعد خمسه دقيقه خلاص
سعود : طيب
صديق : خوذ
نجد : دقيقهه صديق امسك بصور سو قلب
بندر : هييه ابوي فيه !!
الجد : نجد !
نجد : امزح ياجدي
الجد : لعد تمزحين عييب عليك
نجد : خلاص معد بسويها
الجد : لو درا ابوك لعنك
سعود : خلاص يجدي
الجد : وليه تبي تخالف عادتنا!
نجد : طيب انا ماسويت شي بس انتو متشرطين بزياده!
بندر : نججد!
الجد : شنسوي عاد!
سعود : خلاص خلونا نمشي
نجد بصوت قصير : متشرطين ويبونا نسكت ونسوي كل شي كانو يسوونه قبل ميتين عام!
بالبيت :
الجد : تعالي للمجلس
نجد : طيب
الجد : وانا ابوتس ياقلبي مابي احد يتكلم عليك وانتي تدرين انك اغلى حفيداتي وادري انك زعلتي بس والله لو يقصون رقبتي ماحد يتكلم عليك
نجد حضنت جدها وراحو
