اليوم جبتلكم معلومات منوعه لازم تكوني عارفتيها🧡🧡
اخطاء اقوال يقع فيها البعض
زي:-
ونعم بالله❌
ونعم المولى ونعم المصير✅
لا حول الله❌
لا حول ولا قوة الا بالله✅
الله غالب❌(انتبهوا فيها العبارة)
الله قادر على كل شيء
انشاء الله/مشالله❌❌❌
ان شاء الله /ما شاء الله ✅
مبروك❌(وهنا معناها يبرك عليك الجمل😹)
مبارك ✅(حتى تحسيها راقيه الكلمه)
طبعا هضا اللي اذكرتهن بإذن الله بندير جزء ثاني عليها 🧡
_________________________
انجو موضوع مهم وهوا
(الشـــــٓرك بالله )
هذي اخطر انواع الشرك وتعتبر من الشرك الاكبر واعظمها ذنوب
وربك مستحيل يسامحك عليه لانك اشركتيه
انتي تسألي في نفسك شنو معناها الكلمه بروحها؟؟؟؟؟؟؟
انقولك الجواب بالعاميه وببساطة
معناها كأنك عبدتي غير ربي
يعني لما تحلفي براس امك
توا انتي هكي تعبدي في راس امك(هنا وقعتي في الشرك❌والعياذ بالله)
اليك بعض منهن
وحق الله❌❌❌
وحق ربي❌❌❌❌
وجعلني انموت❌❌❌
وتربة جدي❌❌❌❌
وراس باتك امك خوك جدك (اي مخلوق)❌❌❌
وحق الكعبه❌
يحويته وخمسه واخميسه ويعوينها ❌❌❌❌
ملاحظه
مره قابلتني وحدة مراة
المهم وحدة من بناتها روحت لحوشها ثاني يوم امها شنو دارت
حطت نقطه حمرا علي جبهتها
قال شنو عشان ان كان في عين اتعدي
هي هنا طاحت في الشرك والعياذ بالله
مرة في مرا حتى هيا يوم
ولدها يزف في مراته
هوا خش ما شاء الله الله يبارك قالو طويل
خشت وراه وماسكه سله كبيييييرة
طبعا المعازيم قعدوا يسألو شنو فيها السله هدي؟؟
عالاخر طلعت كتاكيت وبدت تمسك وتمروح بيهن
قال شنو ان كان في عين اطير
ياهووووووووو افهمو في حاجه اسمها معوذات
معوذات
صعبت. عليكن يا صبايا والله حرام
حرااااااااام
والله تلقيه. تصلي وتزكي واذير في الخير
لكن تخش النار ليش
بسبب الشرك
فلذالك انتبهن انتبهن انتبهن
اسهل شي بدل الحلف والقصه هدي كلها
قولي (والله)للضرورة وبس
للضرورة للضرورة✅
لو مصدقوكش بالناقص
متحلفيش وتشركي بالله عشان يصدقوك
اهم شي متشركيش 🧡🧡🧡
بنعطيك بعض الدلائل عن الشرك
(واعبدوني ولا تشركو بي شيئا)
من كا ن حالفا فليحلف بالله
(وإن الشرك لظلم عظيم)
بإذن الله بندير بارت مخصوص علي موضوعنا الجميل🧡
انجو علي الموضوع الاخير هوا مش موضوع بس نعطيك مصطلح انتي فاهمتيه غلط🧡
وهيا(الجـــٓرئة)
الجرئه كنه الجرئه؟؟؟؟؟؟؟
الجرئه موش انك ترفعي صوتك علي اكبر منك لدرجة توصل لقلة الادب مع انها تعتبر قله ادب بحد ذاتها
مش انك تبدي تقولي في كلام فاحش ولسانك يبد يقصف
هدي مش جرئه
الجرئه مش تبدا تلبس لبس مش مستور شي دبش اقصير سراويل ظابطات
سيقان معريات تقول تسيق وهي اصلا بايرة
الجرئه مش انك تقوي قلبك وتبدا تكلمي ذكر من ورا اهلك بيش تكسبي صحبات سوء عشان يقوللك
حي عالجريئه عاساس يبدن يعجبنك ويصحبنك
الجـــرئه
هي انك تقوي قلبك على شي يرضى ربي🧡🧡🧡🧡
البنت يلي تقوي قلبها تمسح الاغاني وتبتعد عن المسلسلات
هذي جريئة🧡
البنت يلي تقوي قلبها تلبس الحجاب الشرعي(اسدال🧡🧡)هدي جريئه
البنت يلي تقوي قلبها و تبتعد عن رفقاء السوء حتى لو كانن ماديات هدي بروحها بطله🧡
البنت يلي تعرف مصلحتها هدي جريئه 🧡🧡🧡🧡
وهكي كملت ان شاء الله يا ربي انكون عطيت الفايدة
لو عندك علم بالمعلومات هذينا دزيهن للناس اتحبيهم مراته يكونو غافلين عليها🧡
بإذن الله هنجيبلكم موضوع مشوق الفترة الجايه بإذن الله
سبحانك اللهم بحمدك اشهد ان لا اله الا الله استغفرك واتوب اليك🧡🧡🧡🧡🧡🧡
