الامام الحسين(ع)

1

وَلدَ الامام الحسين بن علي (ع) سَنة 626 ميلادي،تحديداً في المدينه المَنوره،الامام الحسين(ع)هوَ.حَفيد النبي مُحمد(ص)وهوَ ابن الامام علي بن ابي طالب(ع) وَابن فاطمة الزهراء(ع)مَن جان الامام الحسين(ع)طفل ومحبوب عند الكل ومدلل عند النبي مُحمد(ص)،دائماً الرسول (ص)يكعده بحضنه،وياخذه كل يوم ويا للمسجد،ويحبه بَشكل مو طَبيعي،الامام الحسين(ع)عَنده اخ اسمه الحَسن(ع)،وهو اكبر من الحسين(ع)بَـ سنة وحده،وَعنده اخ اسمه العَباس(ع)،وَعنده اخت اسمها زينب(ع)،بشكل عام تقريبا عنده 27 اخ واخت،الحسين(ع)مَن جان عمره 6 سَنوات،جان يَختلف عن كُل الاطفال،الرَوايات تَكول،جان عَنده،أدب واخلاق،مَن تَشوفه،تَحسه طَفل واعي جداً،النبي محمد(ص)،جان ابد ميحب يشوف الامام الحسين(ع)يبجي،وجان دائما يكول لأمه،"ألم تَعلمي،أن بُكائهُ يؤذيني"،جان دائماً يوصي العالم ويكللهم"لا تبكوا هَذا الصَبي"،بَـ يوم مَن الايام جَان النَبي مُحمد(ص)،باوع على الامام الحسين(ع) مَن جان طفل ،وقال"هذا الطَفل،سَيقتل على يَد أمتي"،فـَ العالم جانت مَستغربه!،مَعقوله احنا الي راح نَقتله؟،فَـ مَحد جان يَصدك،وجانوا الناس دائماً يَشوفون النبي محمد(ص)،يَبجي على الامام الحسين(ع)،فَـ "النَبي مُحمد(ص)هوَ أول مَن بَكى على الامام الحسين(ع)"،وجان دائماً يَجتمع بالناس ويكعد الامام الحسين(ع) بَـ حضنه،ويكللهم،"حُسينً مَني وَأنا مَن حُسينً،أحَب اللهُ مَن أحَب حُسيناً".الرَسول(ص) جان دائماً يربط نفسه بَـ الحَسن والحُسين(ع)،الرَسول(ص)جان يعرف راح يَنقتل بأبشع طريقه وَعَلى يَد أمته! وَ بـَغضاً بأبيه علي بن ابي طالب(ع)!.،الامام الحسين(ع)عاش معَ النبي محمد(ص) 7 سَنوات،ماتَركه ولا لَحضه حتى استشهد رَسول الله(ص)،مَن توفى الرَسول(ص)،بدأ يَتعلم مَن ابوه،عَلي بن ابي طالب(ع)ودائماً ويا،ويَتعلم مَن أمه فَاطمة الزَهراء(ع)،حتى صار شاب،مَرت الايام وَ كَبر الامام الحسين(ع)،واستَشهد أبوه الامام علي(ع)وأمه فاطمة الزَهراء(ع)،*كُل عائلته شُهداء بَس هوَ سَيد الشُهداء*،جَان الامام الحسين(ع)مَليان عَلم،وجان شجاع جداً وشارك بَكُل الحروب،ويا أبوه الامام علي(ع)،وَمن صَفاتهُ،كريم جداً،وَمثال للشباب الي جانت بَوقته وكلها تتمنى اولادهم يصيرو مثله كد ما عنده اخلاق وعلم واحترام وَثَقافه،وَكَريم،،بَعد ما استَشهد الامام علي(ع)،اخوه الحَسن(ص)صَار خَليفه بَمكان ابوه،بَـ هاي الفتره الي صار بيها الامام الحسن(ع)خليفه،الدين الاسلامي تقريبا بدأ يَنقَسم،وصارت الناس تَحكم بَـ غَير اماكن بَـ أسم الدَين،فَـ جان اكو شَخص اسمه معاويه بن ابي سُفيان(لعنهُ الله)،هَذا معاويه جان يكره الامام علي(ع) جداً،فَـ معاويه جان يحكم الشام،على اساس صار امير المؤمنين ويحكم ويقتل وينهب ويسرق بكيفه،ويكره الامام علي(ع) لدرجه يكول للناس يلعنوا الامام علي(ع)بكل اذان،الامام الحسن(ع)جان يحكم،بالسعودية، فَـ الامام الحسن(ع)قَرر يسوي صَلح ويا معاويه(لع)،حَتى ليصير حَرب بين المسلمين، فَـ اتصالح الامام الحسن(ع)ويا معاويه(لع)،بَـ هاي الاثناء جان الامام الحسين(ع)واكف ويا الامام الحسن(ع)،وجانوا مَتفقين على كل شي،اهل العراق صاروا ويا معاويه!.جانت تَجي رَسائل للامام الحسن(ع)،مَن العراق،مكتوب بيها،احنا نريد نصير انصارك،ونصير وياك ونرجع نَتبعك،فَـ جان الامام الحسن(ع)يقرأ الرَسائل ويشمرها بالنهر،فَـ مره مَن المَرات شافته جارته،كلتله ليش هيجي تسوي؟وليش تشمرهن!فَـ كَللها مَن اهل العِراق قوماً لايَرجعون الى الحَق،ولايَقصَرون على باطل،واني لست اخشاهم على نَفسي،أني اخشاهم على ذلك ويأشر على الامام الحسين(ع)،فَـ جان يعرف اهل العِراق راح يَغدرون الامام الحسين(ع)ويقتلوا،عموماً،صار الصلح  بين الحسن(ع) ومعاويه(لع)،والوضع تَمام،بَـعد فَتره معاويه جاب شخص اسمه مَرون ابن الحَكم ودزه على زوجة الامام الحسن(ع)،كَللها اريدج تَسَممين زَوجج،واذا سَممتي ومات،مَعاويه راح يزوجج ابنه! الي اسمه يَزيد،اقتنعت زوجة الامام الحسن(ع)،وفَعلاً خَلَت الامام الحسن(ع) يَشرب السَم، واستَشهد الامام الحسن(ع)، (السَلام على الامام المَظلوم صاحب الكَبد المَسموم والقَبر المَهدوم)،الرَوايات تَكول مَن سَمع معاويه أن الامام الحسن(ع) استَشهد،جانت عليه تعابير فرح مو طبيعيه!