السَبب الي خله الامام الحسين(ع)يروح للعراق ويسوي ثَوره،هناك،لان جانوا بَـ مكة،هَواي تابعين ليزيد،فَـ خاف ليقتلوه هناكَ!،وميقدر يقوم بـَ هاي الثَوره،وايضا طَلع مَن مَكة عَلَمود ميصير شي للكعبه!.، لَـ هَذا السَبب راح للعَراق، فَـ قَرر يَروح هوا واخوانه واهل بيته كُلهم واصحابه ايضاً،مَن المَدينة الى الكوفة،بَس قَبل مَـراح،دَز أبن عَمة اسمه مَسلم ابن عَقيل،كَله روح وبلغ اهل الكوفه،اني راح اجي!،حتى يحظرون نَفسهم ويدعموني ويبايعوني، فَـ فَعلاً راح مسلم ابن عقيل للعراق، وقَنع العالم وجَمع،هواي ناس ،وكلها صارت ويا وَ ويا الامام الحسين(ع)،تقريباً جَمع 30 الف شَخص بالعراق، يوكفون ويا الامام الحسين(ع)، فَـ جَماعة يَزيد وصلو رَساله،الى يزيد وكالوا،ترى الامام الحسين(ع)،ودَز ابن عمه مسلم ابن عَقيل وديقنع الناس،فَـ يزيد قرر يغير الوالي مال الكوفه،دَزلهم واحد اسمه عبيدالله ابن زياد، يَصير والي على الكوفه،هذا عبيدالله،واحد حقنه!سوا خَطبه وجمع بيها كُل الناس،وبقى يهدد بيهم عَلمود ميوكفون ويا الامام الحسين(ع)،كللهم راح نَقتل كل واحد يوكف ويا الامام الحسين(ع)،فَـ اهل العِراق خافوا،تغير كُل تَفكيرهم وانسحبوا !!!.، عَن مُسلم ابن عَقيل،والناس كالت"مَالنا وَالدَخول بينَ السَلاطين" بدأت الناس تَنسحب،وبقى مسلم ابن عقيل وحده!..، وصار مسلم ابن عقيل مَطلوب للحَكومه! فَـ جيش يَزيد صار يَدور على مسلم ابن عَقيل،ويريد يَقتله،حَتى عرفوا مكانه،فَـ دخلوا أله 200 شخص!. فَـ بَقى مُسلم ابن عَقيل يَقاتل وَحده، وَمَحد ويا!. بقى يقاوم ويقتل بيهم حتى اجه القائد مال الجيش، محمد بن الاشعث،هذا أمر ان يوقفوا كُلشي،وعد مسلم ابن عقيل كَله اذا تَسلم روحك راح نَـنطيك الامان،ومَراح نأذيك،حَتى خَدع مُسلم ابن عَقيل،وقبضوا عليه!، واخذوا فوك السطح مال القَصر،ودَفعوا مَن السَطح!، وكع واستَشهد !، وهوَ اول شهيد مَن شهداء الامام الحسين(ع)،الامام الحسين(ع)مَيعرف بـَ الي صَار،ومَيعرف أنُ مُسلم ابن عَقيل انقَتل!.، ومَيعرف أن اهل الكَوفة صاروا ضَده!، ومَيعرف راح يصير غَريب وحَيد هوَه وعَائلته!، ولاعَنده ناصر يَنصره،فَـ كَما قالَ في المَعركه،"ألا مَن ناصرً يُنصَرني"، الامام الحسين(ع)،بقى يمشي هوا وعائلته واصحابه،1470كَم،طَلع مَن المَدينه المَنوره يوم الثَلاثاء،سنة 60 هجريه،هوا ويا 72 شخص فَقط،وَصل سَنة61 هجريه،مَيعرف راح يواجه 30 الف مُقاتل ضَده!، مَن وَصل الامام الحسين(ع) الى الكَوفة اجا كم واحد وكله ترى مسلم ابن عَقيل توفى،فَـ بَـشَكل عَام عَرف اهل العِراق صاروا ضَده،فَـ كَعد يَخاطب اصحابه ويَكَللهم،لَقد قُتلَ مُسلم ابن عَقيل!، وَلَقد خَذَلونا أهل الكَوفه!، فَـ مَن احبَ مَنكم،الانصَراف فَليَنصَرف غيرَ حَرجاً عَليه وَليسَ عليهِ مَنا ذِمام،فَـ اصحابه كالَوله،واللهِ لا نَبرح مَن مَكاننا،وَنَذوقَ كَما ذاقَ مُسلم ابن عَقيل،فَـ الامام الحسين (ع)قَرر يَعوف الكَوفه،هوه واهله واصحابه،حتى وصل الى" كَربلاء" وقرر يبقى بَـ مَكان اسمه "الطَف"، فَـ مَن وصل هناك لكه واحد اسمه عمر ابن سَعد،وشَخص بَـ صَفه اسمه الشَمر،بن ذي الجَوشن،فَـ كان وياهم جيش كُلش جَبير،فَـ اجو هذوله وكالو للامام الحسين نريدك تبايع يزيد،واذا مبايعته راح نَقَتلك انتَ واهلك واصحابك،فَـ الامام الحسين(ع)اجتَمع ويا اصحابه وكاللهم،اني مُستَحيل ابايع واحد مثله!،وراح يَعَلنون عَليه الحَرب!،الامام الحسين(ع) جان ويا اصحابه،وعائلته وابنائه،جانت ويا اخته زَينب(ع)،وبَنته سُكينه،وابنه اسمه زين العابدين،فَـ هَذا ابنه جان كُلش مَريض لَـ هَذا السبب مقاتل وياهم،وجان ويا الحسين(ع)اخوه اسمه العَباس(ع)وَ وياهم طَفل رَضيع ابن الامام الحسين(ع) اسمه عبدالله،وهَذا جان عمره أشهر،وياهم بقيه من النساء زوجاتهم وبناتهم بَختَصار عائلته كُلها ويا،،،مَثل ماكتلكم الامام الحسين(ع)عَنده اخ اسمه العَباس(ع)، هذا جان مو بس اخوه لا هَذا جان اخوه وابنه وصديقه وكُل شي أله، العَباس(ع) جان كُلش يحترم الامام الحسين(ع)،بَحيث من يحجي ويا يكله سَيدي، لان جان يعتبر الحسين (ع)امامه قَبل اخوه، هَذا العَباس جان شكله كُلش حَلو،بَحيث يصيحوله "قَمر بَني هاشم"، وجان طَويل وجَسمه كُلش ضَخم،الامام العباس جان هو الذراع الايمن للحسين(ع)، وجيش يزيد كله يخاف من العَباس،بَقى الامام الحسين(ع)في كَربلاء مُحاط بَـ جَيش كُلش جَبير،بَـدون لا أكل ولا ماء،قَبل النَاس جانوا يَشربون ماء مَن نَهر،وكربلاء جان بيها نَهر،فَـ عَمر ابن سَعد،الي جان مسؤول على جَيش يَزيد،جان مخَلي 500 جُندي عَلى هَذا النَهر،حَتى الحسين وعائلته واصحابه مَيَشَربون،كُل هَذا الشي عَلمود يخلون الامام الحسين(ع)يَستَسلم ويبايع يَزيد،فَـ الامام الحسين (ع)وعائلته واصحابه صارلهم ايام مَماكلين ومَشاربين!، والامام الحسين(ع)جان عَنده طَفل رَضيع عبدالله يبجي لان عَطشان،فَـ جان الامام الحسين(ع)،يَروحلهم ويكللهم اريد ماء،اذا مو اليه للاطفال، جانوا يَرفَضون ومَينطون،فَـ الامام الحسين(ع)صَاح بأعلى صوته"هَل تَعلمون ان جدي رسول الله؟قالوا نَعم قال هَل تِعلمون ان أمي فاطمة بنتُ مُحمد؟قالوا نَعم،قال هَل تَعلمون ان ابي علي بن ابي طالب؟قالوا نعم،قال هَل تَعلمون ان هذه عمامتي التي ارتديها للرَسول؟قالوا نَعم قال لما تَستَحلون دَمي؟،قالوا قد عَلمنا ذلك كُله ونحن غيرَ تاركيكَ حتى تَذوق الموتَ عطشاً"كان الحوار كُلش مؤلم،وأصوات بُكاء الاطفال داير مدايره،،حتى يوم 10 مُحرم،"يوم المُصيبه"،الامام الحسين(ع) مَن شاف ان الأطفال وصلوا اشد مَرحله مَن العَطش،أمر اخوه العَباس ان يجيبلهم ماء من النهر،حتى لو يَقاتلهم،راح الامام العباس بكل شجاعه وكدامه جيش جداً كَبير،وهوَه وَحده!،قَتل مَنهم عدد كُلش جَبير،قَبل لا يَقاتلهم قال"إني أنا العبـاس أغدو بالسقــا ولا أخاف الشر يوم الملتقى" كُل الجيش انهزم مَن عَنده،حتى وصل الى النَهر،جان كلش عطشان مد ايده وشال الماء،يَريد يَشرب مَكدر،اتذكر اخوه الحسين فَـ قال،"يا نفس من بعد الحسين هوني * وبعده لا كنت أن تكوني"فَـ ذب الماء ومَشَربه،مراد يَشرب قَبل اخوه،فـ اخذ ماء مَن النَهر وصَعد على الحَصان،فـ جان اكو واحد مسويله كَمين،وخاتل ورا الشجره،اول ما أجه ضَربو على ايده اليمنه وقطعوها،الامام العَباس من قطعو ايده،قال"والله إن قطعتـم يمينـي * إني أحامي أبدا عن ديني وعن إمام صادق اليقين * سبط النبي الطاهر الأمين يا نفس لا تخشي من الكفار * وابشري برحمـة الجبـار مع النبي السيـد المختـار * مع جملة السادات والأطهار قد قطّعوا ببغيـهم يساري * فأصلهـم يا رب حرّ النـار"،بَقى يَقاتلهم بكل ماعنده قوه،حتى قطعو ايده اليسره!!، الروايات تَكول من قطعو ايده ثنينهن،بقى شايل الماء بَحلكه،ويمشي على الحصان يريد بس يوصل للمَخيم مال الامام الحسين(ع)،اخر شي ضربوا بالعامود على راسه!، وهنا اول مره بحياته يصيح"اخي يا حسين ادركني، " اجه الامام الحسين(ع)،وشاف اخوه واكع بالكاع،فَـ صاح الامام الحسين(ع)،"الان انكسر ضَهري،وقلت حيلتي"فَـ استَشهد الامام العباس(ع)،وهو تارك اعظم مثال للشرف،والوفاء والخوه، فـ اصحاب الامام الحسين(ع)بدأو يضحون بنَفسهم،واحد ورا واحد،وبدو يستَشهدون،بقى بس الامام الحسين(ع)وكم واحد واهل بيته!، فَـ صاح الامام الحسين(ع)"هَل مَن موحد يخاف الله فينا؟هَل مَن مُغيث يرجو الله في اغاثتنا"فـ راح الامام الحسين(ع)،يودع اهله،واولاده واخته زينب،فـ شاف ابنه عبدالله الرضيع عشطان كُلش،فـ شاله الامام الحسين وطلع بي لجيش يزيد،فكللهم مابقيَ غير هذا الطَفل،ان لن ترحموني فـَ ارحموا هَذا الطَفل،لقد جف اللبن في صدر امه!، كان واحد اسمه حَرمله، ضَرب سَهم على الطَفل الرَضيع،اجه هذا السَهم بركبة الطَفل الرَضيع!، فَـ دَم هذا الطَفل نَزل على جف الامام الحسين(ع)، وشَمره للسماء!، بوقتها يكولون السَماء صارت حَمره،فَـ تَقدم الامام الحسين(ع)،وهوه مَنتَظر لحظة استَشهاده!،فَـ عَمر ابن سَعد،قائد جيش يَزيد،كال للجيش،كللهم انطوني سَهم،خلوني اني اول واحد اضرب الحسين!، وشهدو هذا الشي كدام الامير يزيد، حتى يكَافئني، فَـ الجيش ضربوا السهام على الامام الحسين(ع)، فَـ الامام الحسين(ع)كال لجيش يزيد ،ويلكم على من تقاتلوننَي!؟،عَلى حقً تركتهُ،ام على شريعة،بَدلتها،ام على سنة غيرتها؟فَـ كلوله،"نَقاتلك بغضاً منا لأبيك،وما فَعل بأشياخنا"، فَـ بَكى الحسين(ع)، وقال،"ان كان دين مُحمدً لم يَستَقيم الا بَقَتلي فَيا سيَوفً خُذيني"، فأنطَلقت السيوف عليه!، واجت على صَدره!، فَـ وكع الامام الحسين(عليه السلام)، وَقال،بسم الله وبالله وفي سَبيل الله،وعلى ملة رَسول الله(ص)،وَصاح،واجداه،وامحمداه،بعدين اجه واحد اسمه الشَمر، نزل على صَدر الحسين، ونَفذ العَمليه "وقطع رأس الحسين"!،وحطه على رمح... دَم الامام الحسين(عليه السلام) انتَصر على السيوف قَصته خلدها التاريخ والناس تبجي عليه لَـ هذا يومنا! والنَاس تَصيح لبيكَ ياحسين، كل الديانات وكل الطوائف،ومن كُل البلدان تصيح لبيكَ ياحسين "لاياسيدي ومولاي! لن تبقى بلا ناصر لن تبقى بلا معين لن تبقى بلا مغيث أسلامكَ ودمكَ الى يوم القيامه"، السلام على قتيل العَبرات، السلام على الراس الخضيب السلام على الراس المرفوع السلام على من جعل الشفاء في تربته السلام عليكَ يا ابا عبدالله السلام عليكَ وعلى اهل بيتك واصحابك، السلام عليكَ ياسَفينة النجاة.(واشهد ان الكون يشع نوراً مَن نَحر الحسين!)، الى هنا وتنته قصة اعظم شخص بالدنيا ولم تنتهي قصتة "هَو التاريخ" والتاريخ لن يَنتهي، لن نمحوا ذكركَ ياحسين! ولن تجف دموعنا عليكَ... انستا xilll__15
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
