عِندما حان الوداع .

part/1

تكول :
وديّ اشوف مكانتي بگلـبه بَـس افعالـة حَـيرتني

____________

‎في صباح بغداد من شهر نوفمبر /

‎الام: كومن بنات يلا الساعه 7 وراجن دوام
‎بريهان: .....
‎الام: برييهاانن كومي يلا ايريم كومن
‎ايريم: اي اي كمت .
‎ايريم: كمت دفرت بريهان ورحت للحمام غسلت وجهي واسناني رغم الجو البارد بس لحمدلله مشغلين تدفئه
‎غير تكوم التنبل لجج بريهاانن نعاله كومي مو تخبصيني بعدين
‎بريهان: اووو كمت كمت شون عائله ماتحترم حقوق النوم

‎ايريم: وياكم ايريم صح اسمي غريب ومعناه ( الحديقه التي تقع في الجنه ) عمر 18 وهلسنه صرت مرحله اولى اداره اعمال وبريهان مرحله ثالثه اداب انكليزي
‎طولي 160 وزني 55 ملامحي ك اي بنت جميله وجذابه حسب مايكولون عني يعني لحمدلله لا حيل حلوه ولا مو حلوه

‎بريهان: افف شنو هلبرد هذا هسه لو مخليني نايمه مو احسن شعدنه نداوم اول ايام لسنه
‎الام: كافي بدون لغوه يلا سون ريوك وبدلن وروحن
‎ايريم: يلا بريهان بيض مقلي لو سلك
‎بريهان: سلك سلك بسرعه لنتاخر حسوي جاي اني
‎ايريم: اوكِ يلا
‎تريكنه وخلصنه كمنه غسلنه وبدلنه وصعدنه بلخط لحته نمر ع زينب وزهراء

‎اوضحلكم حياتنا )) احنه بس 2 اخوات بريهان الاكبر مثل مشفتو هي مرحله ثالثه واني مرحله اولى وماما وبابا
‎بابا موضف بلكهرباء وماما ربه بيت خريجه تربيه
‎عايشين ابيت بسيط ع كدنه اني واختي بغرفه وحده واسعه تكفينه ومرتاحين بيها لحمدلله ماكو عرك 😂
‎وغرفه فارغه للخطار وبيها فراشات للخطار
‎ولطابق لارضي غرفه ماما وبابا واستقبال وهول ومطبخ

‎ايريم: دخلت للكليه وبريهان راحت لجامعتهه مستنصريه واجتمعنا اني ولبنات بلحديقه كمنه نسولف و دخلت للقاعه ولبنات راحو لاقسامهم وبما انو او بما انو اول يوم ف تسخيت شوي وتعارف

‎بريهان: طلعت للخط ووصلت للكليه ودخلت للتفتيش انطيت باجي طبعاً اني بجامعه المستنصريه اداب انكليزي
‎وصلت لداخل لكليه دورت ع صديقاتي خابرتهم واجتمعنه بمكان وبعدين دورنا ع قسمنا وكلمن راح لقاعته
‎لان للاسف لشديد اني وصديقاتي الي بلاعداديه باقسام مختلفه عندي

‎من بعد يوم كان جيد لا شيء مثيل يعني يوم اعتيادي حاله حال ك اي بدايه سنه دراسيه مابي شي ونسه وطلعه ونفتر وبس

‎ايريم: صارت ب12 وخابرت لبنات لحته نطلع تعبت وماكو داعي نبقه
ف التمينه وخابرنه ابو الخط اجانه وطلعنه نتمشاله
واني مطنكره لان صدعت فول وهنه يسولفن عن يومهن كتلهن من ارتاح اسولفلجن بلكروب ومرينا ع بريهان .
‎
كلمن وصل لبيته ودخلت اني وبريهان

‎ لكينا ماما متمدده بلهول

‎الام: الله يساعدجن
‎ايريم: هلو ماما ويساعدج افف تعبت من الطريق ، شنو غدانا ؟
بريهان: هلا امي
‎الام: هلا بيجن ماما سويت مركه باميه وتمن يلا بدلن ونزلن اكلن

‎ايريم: اوك صعدت بدلت وتمددت فتحت لفون وتصفحت بلانستا وليوت فارغ وملل كمت صليت ورجعت ع جربايه انتضر لاخت تطلع من لحمام لحته ناكل متت جوع

‎بريهان: طلعنه من لسنتر من بعد ما شربنا چاي وجانت ساعه 1 ونص ف كلت للبنات يلا راح اطلع اجوني لبنات ودعتهم وطلعت
‎صعدت بلسياره وسلمت ع لبومات وربع ساعه ووصلنه للبيت

‎
‎بريهان: ممم زين ، صعدت شفت لشفيه كاعده ع لفون
ايريم: ها يولي كملتي
‎بريهان: لا بعدني بلحمام  نيهههااا
‎ايريم: دنجبي يلا بدلي ونزلي خلناكل مو متت جوع
‎بريهان: ديلا ولي نزلي ، بدلت ونزلت، طبعاً ملامحي حلوه عيون كبار ناعسه خشم صغير حلك وسط جسم رشيق
‎بدلت ونزلت ورا اختي
‎تغدينا وغسلت لامواعين وصعدنه انام وكلنه لماما لا تكعدنه لان وراها عطله يوم جمعه