*فَجِرْ*
لازمه الفون واباوع ع صورته حجيت ويا
فَجِرْ: يوُل تكول راح تنسيني وراح تِتخطيني؟ شلون انساك واتخطاك وانت عايش بروحي ! مَرت 6 سنوات يا احْمد وما نسيتك
تنهدت واني اشمر الفون ع سرير من اخر جرح انجرحته منه واني ما نسيته بكُل ليله اتذكره مجاي اكدر اتخطى يعني شخص انت تبني وتأسسه وتخلي ايجابي بعد ما كان سلبي وتخلي شخص نصف اجتماعي ومو بارد وبالاخر يتخلى عنك بحجه انت حطمته كُلش مأذيه ومراح تكدر تتخطى الشخص ابد لحد الان اتذكر التاريخ الي جرحني بي جان ورا ميلادي ضبط 2022/7/29 چانت الساعه مابين الـ6 ~7 هيچ وقت انتهى كلشي ويه احمد للآن التاريخ يدك بكلبي فزيت ع فوني يرُن باوعت المتصل دايهَ رديت
فَجِرْ: ها اُمي
امي: ها بنيتي شلونج
فَجِرْ: بخير دايهَ وانتم
امي: الحمدلله اكلج اُمي
فَجِرْ: ها يُمه
امي: شوكت ترجعين بنيتي
فَجِرْ: عُگُب باچر طيارتي دايهَ
امي: صدك يمه
فَجِرْ: بلي
امي: يهلا بيج ييمه بالملهلي
فَجِرْ: حبيبتي دايهَ
امي: يلا ماماتي اخذي راحتج
فَجِرْ: تمام سلميلي
امي: يوصل انتبهي ع نفسج اُمي
فَجِرْ: انتِ هم دايهَ
سديته من امي واني افكر جذبت ع امي حتى تكون مفاجأه اني بالأصل باجر طيارتي بـ5 الفجر يعني تقريباً الضهر يم اهلي اني تنهدت باوعت للجنط مالتي كُلهن كاملات حطيت شاحناتي وعطوري وملابسي والاحذيه اخذت ملابس ع كد 3 اشهر لمُحرم وورا مُحرم ارجع اسافر وَقتت الفون ع 4 وتِمددت حتى انام بعد تفكير لوقت طويل غُفيت كعدت ع مُنَبِه كمت اخذت ملابسي الي محضرتهن وطبيت سَبحت وطلعت نشفت شعري وصفنت بي جان طويل حيل وهوا جان يحبه بس صار سنوات اني اكصه لحد ركُبتي تنهدت واخذت العطر حطيت منه ورجعته للجنطه لبست كمامه ونزلت الجنط كلهن حطيتهن بالسياره ردت اركب ناسيه السويچ ومحفظتي صعدت اخذت السويچ والمحفظه وقفلت غرفتي ونزلت باوعت لبيتي قفلته وصعدت سيارتي وتوجهت للمَطار وصلت للأمن حطيت وياهم وانطيتهم السياره وشوفتهم الجواز مالتها استلموها وودوها حتى يحطوها بالطياره مشيت ختمو جوازي والتذكره ورحت للطياره قِلعت واني اباوع ع سمه مقعدي صار يم الجامه بعد اقلاع 5 ساعات وصلت لمطار بغداد بـ10 الصبح استلمت سيارتي وتأكدت من الجنط وغيرها وركبتها وتوجهت لأهلي من سافرت غيرو البيت مالتنا وكعدو بِـ بغداد الجديده وصلت لأهلي بـ11 بسبب الازدحام ركنت السياره بباب البيت نزلت من السياره ونظري ع بيت سحبت نفس وزفرته ومشيت ضغطت ع جرس مرتين اجاني صوت بابا
الوالد: منوو
محجيت ودرت وجهي دكات كلبي تسارعت راح اشوفه من بعد 6 سنوات وجهٌ لوجه بكُل مرا شفته جانت بالكام انفتح الباب تنهدت ودرت وجهي هوا شافني وانصدم ابتسمت واني اتقدم واكله
فَجِرْ: مراح ترحب بيه
حضني بادلته الحضن ابتعد مني وهوا يعيط لامي
الوالد: تعاي شوفي منو اجه اجت بنيتي
ضحكت وحضنته بقوه اجت امي وهي تحجي
امي: منو اجه شب...
مكملت كلامها من شافتني باوعت وحجت
امي: ايا ادبسزز مو علساس باجر
تقدمت وحجيت
فَجِرْ بابتسامه: مفاجأه دايهَ مفاجأه.
حضنتها حيل ع صوتنا اجو اخواني تفاجأت اخواتي كلهن هنا المتزوجات واخواني الولد هم وخرت عن امي مصدومه ول ول هذوله شوكت لحكو يجون ويجتمعون وخرت عن امي وبلشت اسلم ع اخواني حضنتهم واحد واحد دخلنا جوا واني اباوع البيت متروس زعاطيط سلمو عليه جهال اخوتي كعدت هلكانه ول اللهم صل على محمد وال محمد عائلتنه كبرانه حجه وياي اخوي
آدَمْ: امي كالت باجر طيارتج
فَجِرْ: سويتها مفاجأه يول
آدَمْ: شلونها سفرتج
فَجِرْ: يولي زينه بس ازدحام بغداد يذبح
آدَمْ: هيه بغداد من يومها ممليه ازدحامات
هزيت راسي بهدوء دا ارد حجت وياي اختي
وْد: عزا بعييييينج كاصه شعرج
غمضت عيوني وعضيت شفتي بهدوء وحجيت بلغه البلد الي ساكنه بي
فَجِرْ: Merde, ce dont j'avais peur est arrivé ~~{تباً لقد حدث ماكنت خائفه منه}
عاطت بيه
وْد: لتمسلتين بلغتج عود علساس ليش كاصه شعرج ولجج اني شكتلج
فَجِرْ: اضوج منو يولووو شلون بلا لازم ما اكصو
وْد: شوف الحياله شلون تحجي وياي كل شوي بلهجه ولج حاجيني بلهجتنه لتدردمين ادبسزز كم مرا كتلج الا شعرج ياااغبيه ليشش خربتييي
فَجِرْ: داااايهَ حاجيهاااا
امي: وسمايه ولا انتبهت الج يحقيره شلون تكصي واني اكول ليش دوم لابسه كِلاو ومتبين شعرها
عكدت حواجبي وباوعت ع بابا وحجيت
فَجِرْ: بابا متحاجيهم اكلوني اكل ترا بعدني ها اها والله العظيم ارجع ترا
الوالد: كافي شبيكم ثبرتوها لـ بنيتي
وْد بخزره: بسيطه فَجِرُ
باوعت الها ببرود ودرت وجهي
