وجع فتاه احبت

البارت الواحد وعشرون

وعند منار
اتصلت منار بيوسف تتطمن على يارا
منار:السلام عليكم
يوسف:وعليكم السلام
منار:طمني هى عامله اى دلوقتى
يوسف:متقلقيش هى تمام بس لسه مفاقتش
منار:طب انا جاية
يوسف :متتعبيش نفسك وخلصى ال وراكى واما تفوق هكلمك علشان متجيش على الفاضى
منار:بس م عايزه اتعبك هاجى اعقد مكانك انتا من امبارح معاها
يوسف:لا عادى ومتقلقيش يارا دى اختى وفى عنيا اطمنى
منار:ماشي ياحبيبي عموما انا هاجى اعدى عليك هجبلك معايا حاجه تكلها وبعدها هروح الشغل استئذن علشان اخد كام يووم اجازه
يوسف:تمام وانا هستناكى
وقفلت منار مع يوسف ولاقت جنات بتتصل بيها
جنات:السلام عليكم
منار:وعليكم السلام ياحببتى
جنات :طمنينى على يارا ياطنط هى عامله اى
منار:هى كويسه ياحببتى بس لسه مفاقتش
جنات:انشاء الله هتقوم بالسلامه متقلقيش
منار :باذن الله ادعلها
وبعدها قفلت جنات مع منار وقررت انها هتنزل مع منه ومى ويروحوا يطمنوا عليها
وفعلا كلمتهم ووافقوا ووصلوا عند يارا
كان ظاهر على يوسف التعب لانه قضى ليله كامله صهران على يارا
يارا كانت بتحلم انها فى مكان جميل وكان نور واقف بعيد وجرت عليه يارا وبصت فى عينه شافت انه حزين ومكسور وكانت يارا بتنادى عليه ولاكن نور مكنش بيرد واما قربت منه حست بحاجه بتشدها وبتبعدها عن نور وكانت بتنادى بعياط وكسره ووجع :نووووووووووور
وفجاءة صحت من الحلم ولاقت حد قاعد فى الكرسى ال جمبها وكان باين انه كان صهران عليها ونام من التعب ومكنتش عارفه هو مين و كانت م شايفه كويس فااعتدلت فى جلستهاو قالت بتعب:نوووووووووور انتا جيييييييت

وفاق يوسف من نومه وقال:حمدلله على السلامه ياحببتى اخيرا فوقتى
يارالاحظت ان د م صوت نور فقالت:انتا مين
يوسف:انا يوسف يايارا انا رججعت
يارا:ي يووس سف
يوسف:اه ياحببتى انتى عامله اى طمنينى
يارا:انا ب بخير ف ين  ماما واى ال ح حصل
يوسف:متقلقيش مامتك جابيه وانتى كنتى تعبانه امبارح فااغمى عليكى وانا جبتك هنا
يارا:روحنى يا يوس سف م عايزه اعقد هنا
يوسف: ياحببتى م هينفع انتى تعبانه والدكتور حاطك تحت المتابعه لحد ماتتحسنى
وفى الوقت ده صحاب يارا وصلوا
جنات ومنه ومى بصوت واحد:يارا انتى فوقتى حمدلله على السلامه
يارا : الله ي سلمكم
يوسف قام وقال:طب انا هخرج علشان تخدوا راحتكم وتطمنوا عليها
جنات:انتى بخير
يارا:هو اى ال حصلى فهمونى
جنات:امبارح اغمى عليكى لما سبتينا وكان يوسف ماشي بعربيته وكان هيددوسك بس فرمل فى اخر لحظه وجابك على المستشفى وو
يارا:واى ال حصل بعد كده
منه ومى شاورا لجنات انها متقولش ان نور جاه ولا اى حاجه من ال حصلت علشان يارا لو عرفت م هتستحمل وحالتها ممكن تسوء اكتر
جنات:واما عرفنا جينا ومامتك واطمنا عليكى ويوسف رواحنا وصهر عليكى
يارا:بس كده
جنات:هو ده كل ال حصل
يارا حست بضيق وحست انهم مخبين عنها حاجه
وحاولت تستريح وقالت :ماشى
جنات:يالا ياعيال نسيب يارا تستريح وطلعوا برا
وكانت والده يارا وصلت ولاقت يوسف برا
منار:اظن انك تعبان وجعان جبتلك حاجه تكلها
يوسف:تعبتى نفسك لى عموما تسلم ايدك
منار:الله يسلمك،طمنى يارا مفيش اى جديد
يوسف:يارا لسه فايقه من شوية وصحبها طالعين من عندها هناك اهوو
منار:عاملين اى ياحبايبى
جنات ومنه ومى:تمام ياطنط
جنات:يارا فاقت الحمدلله ادخلى شوفيها
منار بفرحه:ماشيي ياحببتى
منار دخلت على يارا لاحظت انها تعبانه
منار:حببتى حمدلله على السلامه عامله اى دلوقتى
يارابتعب: انا تمام ياامى معلش تعبتك معايا اوووى
منار:ياحببتى تعبك راحه وده واجبي وانا عندى كاام يارا هاا اى المهم انك تكونى بخير
يارا:انا بخير متقلقيش ياامى
منار:ماشى ياحببتى هسيبك ترتاحى
وطلعت منار بره وراحت على يوسف
منار:يوسف عايز حاجه انا هروح اعمل اجازه زى ماقولتلك
يوسف : عايز سلامتك وتسلم ايدك الاكل زى العسل
منار:حبيبي الله يسلمك خلى بالك على يارا
يوسف:متقلقيش يارا فى عينى اطمنى
منار:حقيقي من غيرك م عارفه كنت هعمل اى يايوسف من ساعة ماعمك اتوفى واحنا ملناش حد غير ربنا
يوسف:ده واجبي ومتقلقليش انا لا يمكن اسبكم وانتوا محتاجنى
منار:ربنا يديمك لينا ياحبيبي وميحرمنا منك ابدا
يوسف :يارب يا
منار ضحكت وقالتله :قولى ياخالتوا
يوسف بضحك:ماشى ياخالتى
منار:سلام ياحبيب قلب خالتك