انت العوض

بارت 7

اشونكم يا حلويات
___________________

مصعب :-علي اشبيك؟؟؟؟

علي :-وصلت أنج

مصعب :- اي ولي ما فاتت عالبيت طلعتو

علي :- تسلم

مصعب :- انجب

علي :- مصعب شسوي

مصعب :- اشبيك اش تسوي شكو

علي :- تاليا تريد تطلع والدكتور يكول عالمسؤليتك واني احتاريت شلون اطلعها وهيا كلشوي متخربطه واذا ارجعها عالبيت منو يهتم بيها الخدامات لو أنج اذا هيا نفسها ماتعرف تهتم وتاليا عزيزة نفس لو تموت جوع هم ما راح تطلب وهيا اصلا هل إيام ما جاي تاكل عايشة على المغذيات

مصعب :- هيا طلبت تطلع

علي :- اي

مصعب :-ريح غوحه (روحها)  وطلعه

علي :- بس شلون

مصعب :- حط ايدو على كتف علي دحق اذا عالفلوس لاتشيل هم يااخي اشقد قتولك اعتبرني اخوك واخوها بس انت مامعتبرني اخ

علي :- وداعت عيونك لوجان عندي اخ جنت انته اغلئ منه شلون تحجي هيج انا معتبرك اكثر من أخ وصديق ألجأ الك بكل جبيره وصغيره واسمع كلامك بس مَو شغلة فلوس اني خايف عليها هيا تتخربط هواااي وووو بغصه كلاام الدكتور نزل راسه بل كاع وبقت الدمعه صامده بعينه ويحزم ان الدمعه ماتنزل لاكن خانته ونزلت بس نزلت يم الشخص السند والصح

مصعب :- قوم نعدل غرفته ونغشع اشون ناخذ الاجهزه والممرضه ونتحاسب

مصعب وعلي بيوم واحد كملو إجراءات خروج المريضة الي بقت بس جسد وروحها يوميه تنسلب شويه منها ثاني يوم بلشو بل غرفه وتعديلات لأماكن الاجهزه

وطول هل فتره كانت أنج داخل غرفته تاكل  وجبه وحده هاي اذا عملو الشغالات او ماتاكل طول النهار كانت عالطول الساعات ياكاعده وتصفن بل فراغات او بأقرب الساعه بانتظار تاليتها ترجع وتنور بيتهم وتعد الثانيه شلون تصير دقيقه والدقيقه تصيغ خمسي والخمسي عشره والدقايق تصيغ ساعات او تنام

مصعب الي راح يصير اله اسبوعين وهوا بغداد وعايف اهله وبناته ومسولياته وحته شغله

وعلي الي عاف دراسته وشغله وضل مشغول بامه الي ربته واخته وصديقته وحبيبته

التعب مبين علئ أنج الي صاولها ٤ ايام تنتظر والتعب واضح عالمصعب الي جان تعبان عالنعب صاحبه علي الي تعبه حته مكبره ومخليه تايه مايعرف

والأهل المهملين كانو كل فتره يسئلون عليها ويكتفون بل سؤال وبكلمه اش تحتاجون فلوس يمكم الخزنه مايعغفون أولادهم محتاجين حنيتهم صوتهم بالبيت اهتمامهم والأكثر حاجه الهم المريضه

لبنئ الي كانت كل يومين تجي يم أنج ماعدها سالفه غير هذا حبني وحبيته وهذا هيج وهذا هيج وانج كلش تمل من كلامها الي تعتبره عيب وموزين