روز: كعدت ساعة 10 الصبح يوسف يوسف
يوسف: هاا
روز: كوم ساعة 10
يوسف: تمام كمت غسلت و نزلت لكيت الريوك جاهز تريكت و رحت لشغلي
روز: يوسف راح لشغلة و كعدنة انظف اني و نور خلصنة صارت ساعة 12 بعدين رحت لغرفتي سبحت و خلصت و كعدت اكلب بتليفوني صارت ساعة 1 الظهر نزلت اساعد خالتي بالغدة خلصنة صارت ساعة 3 اجة يوسف و تغدينة يوسف صعد للغرفة صعدت ورا يوسف
يوسف: ها
روز: اريد اغير قصة شعري
يوسف: بس متقصينة
روز: اي ما اقصة
يوسف: تمام منو يوديچ
روز: اني و نور نروح ( ترا نور عدها سيارة خاصة و تعرف تسوق ) و اريد اسوي اضافري
يوسف: تمام روحي
روز: رحت لنور نور نور يله خلي نروح للصالون
نور: يله روحي بدلي
روز: رحت بدلت لبسي و رحنة للصالون وصلنة للصالون و سويت قدله تنزل لقصتي كلش حلوة و سويت اضافري و رجعنة للبيت
يوسف: شنو هذا الجمال 😍
روز: من ذوقك 😊 رحت للغرفة سبحت و خلصت و طلعت لكيت يوسف نايم نمت يمه و كعدت ساعة 6 المغرب كعدت يوسف كمت غسلت وجهي و رحت ليوسف يوسف
يوسف: ها
روز: ممكن طلب
يوسف: اطلبي حبيبتي
روز: اريد اتعلم اسوق
يوسف: تدللين روحي بدلي هسه نطلع نروح لكوفي متواعدين اني و صديقي و راح يجيب زوجتة و من نخلص اعلمچ
روز: تمام رحت ركض اتجهز لبست تشيرت صلوخ اسود سادة و سترة حمرة و بنطرون احمر و حذاء كعب اسود و مكياج خفيف و سويت شعري ستريت
يوسف: لبست قاط لون نيلي بس مو مال اعراس مال طلعات و كشخة و لبست حذاء اسود و سويت شعري ها خلصتي
روز: اي خلصت رحنة صعدنة بسيارت يوسف جيكلاس لون اسود اخر اصدار 2019 و رحنة لكوفي مبين كلش طاك حتى السيارات الواكفة يمه كلش طاكة وكفنة و نزلنة دخلنة يوسف سلم على ولد
يوسف: هلو علاوي شلونك ( علي صديقي )
علي: هلا يوسف ولله الحمدلله انت شلونك
يوسف: الحمدلله اعرفكم روز زوجتي علي صديقي
علي: هلو شلونچ
روز: الحمدلله انت شلونك
علي: بخير هاي زوجتي ريم
ريم: هلو حبيبتي شلونچ
روز: هلو عمري بخير الحمدلله
يوسف: وين نكعد فوق او جوة
روز: فوق احلى
ريم: اي اي فوق
علي: تمام يلة تعالو
روز: صعدنة فوق و كعدنة على ميز واحد و كعدنة نسولف
يوسف: شنو تطلبون
روز: شفت المنيو مممممم ايس كوفي
ريم: مثلهه
علي: هوت كوفي
يوسف: تمام اني هم هوت كوفي وصلت القهوة
روز: كلش حبيت ريم حيل محبوبة و لطيفة و حلوة بس مو كلش اخذت رقمهه بعدين خلصنة و رحنة للسيارة و يوسف علمني اسوق بس لازم بعد اتدرب خلصنة بعدين رحنة لنهر دجلة چان ماكو احد و كعدنة على كرسي اني حطيت راسي على كتف يوسف و هو حضني
يوسف: روز سؤال
روز: تفضل
يوسف: تحبيني
روز: لا
يوسف: ليش اني كلشي ماسويت الچ و اني احبچ مو بس احبچ اعشقچ و اذا تريدين انفصال ماعندي مانع اني لان احبچ اسوي اي شي تريديه
روز: من كال انفصال اتذكرت ابوية اذا انفصلت راح يعذبني و كلت لالا امانة اخاف ما اريد ارجع ( بخوف كلش )
يوسف: شبيچ شبيچ
روز: اخاف ما اريد ارجع لاهلي اخاف من ابوية
يوسف: ليش شيسويلچ
روز: يخرب حياتي
يوسف: ليش
روز: انت تعرف جبرني اجي فصلية و اخوية من ابوية الي بسببه اجيت فصلية عنده اخت اكبر مني بسنتين عمرهه 20 ما اعرف ليش خلاني اني اجي و اني ولله مامسوية شي و نزلت دموعي
يوسف: اشش عمري لتبچين مراح ترجعين ورة 5 دقايق غفت بحضني شلتهه و رحت للسيارة صعدتهه و رحت للبيت نزلتهه و قفلت السيارة و صعدت للغرفة و هي كعدت بدلنة لبسنه و نمنة
روز: كعدت ساعة 11 الظهر اليوم متأخرة لكيت يوسف ماكو يعني راح للشغل رحت للحمام سبحت و سويت شعري ستريت و لبست دشداشة لون نيلي قصيرة ووصل لركبة رجلي و نزلت صباحوو
ام يوسف: صباح النور حبيبتي
روز: وين نور ( ترا روز و نور صارو كلش صديقات )
ام يوسف: نايمة
روز: تمام رحت لغرفتهه نور نور
نور: هاا خليني انام
روز: ولچ كومي
نور: شبيچ
روز: تعالي خلي نتريك
نور: تمام
روز: تريكنة و نظفنه البيت و رحنة اني و نور لغرفتهه نتابع مسلسلنا التركي خلصت الحلقة رحت لخالتي اساعدهه بعدين اجة يوسف تغدينة و اني و يوسف رحنة نمنة و هو حضني كالعادة كل ما انام هو يحضني و كعدت ساعة 6 المغرب و تعشينة و مر اليوم عادي
تسريع للاحداث: مرت الايام و بدأ دوام روز بالمدرسة و طلعت معدل بالسادس اعدادي 98 و راحت صيدلة و قبل متداوم كلية
روز: قررت انو انفصل من يوسف لان ما اريد ابقى فصلية طول عمري يوسف
يوسف: ها
روز: اريد ننفصل
يوسف: انصدمت صدمة حياتي ليش
روز: ما اريد ابقى فصلية
يوسف: ليش تكسرين قلبي
روز: اسفة ولله و انت سنة و تنساني اذا كسرت قلبك
يوسف: ولله احبچ ولا راح انساچ
روز: اذا تحبني سوي الي اكول الك عليه
يوسف: تمام
و انفصلو و روز اشتغلت بكوفي و حتى تعيش نفسهه و اجرت شقة صغيرة
يوسف: صرت ما انام الة اشم ريحتهه و صابني اكتئاب حاد حابس نفسي بغرفتي من الشغل لغرفتي و اطلع من الغرفة اكل و ارجع
روز: طبعاً اني و نور بنفس الجامعة و كل يوم نمشي سوة ويانة صديقتنة ريم زوجت صديق يوسف و بيوم من الايام چنة كاعدين اني و نور بالكافيتيريا مالت الجامعة
نور: ولله يوسف انصاب بأكتئاب حاد
روز: صدك
نور: اي ولله
روز: بسبب انفصالنة صح
نور: اي ولله
روز: عززة
نور: رحنة لدكتور نفسي يكول اذا شافچ يروح الأكتئاب
روز: زين اذا شفته مثلاً ربع ساعة و رحت و بعد ماشفته يرجع الأكتئاب
نور: اي بس يخف شوية
روز: تمام اكدر اشوفة
نور: صدك
روز: اي ولله ميصير هوة مصاب بأكتئاب بسببي
نور: تمام تعالي وياي اليوم بسيارتي للبيت شوفي و هو اليوم جاي من وقت و بعدين اني اوديچ لشقتچ
روز: تمام خلص الدوام و رحت وية نور دخلت لكيت خالتي
ام يوسف: روز حبيبتي شلونچ ولله يوسف وراچ تأزمت حالته كلش
روز: هلو خالة حبيبتي ولله مشتاقة الكم كلكم اجيت اشوف يوسف حتى انشالله يخف الاكتئاب هو وين هسه
ام يوسف: فوق بغرفته
روز: تمام راح اروح علي
ام يوسف: روحي حبيبتي
روز: و اني بالطريق للغرفة اكو مراية على الحايط باوعت على نفسي اشوف مكياجي و شعري حلو 😂 رحت للغرفة دكيت الباب
يوسف: اندك الباب رحت فتحته انصدمت روز
روز: يوسف شلونك و حضنته
يوسف: دفعتهه وكعت بالكاع هسه تذكرتي تجين تشوفين حالي صار 6 اشهر و انتي ماسألتي عني بعد ما اريد اشوف وجهچ يله روحي ( بصوت عالي ) و دخلت و سديت الباب
روز: كمل كلامة و دخل و سد الباب كمت و دموعي تنزل و نزلت الدرج و ايد على وجهي و ايد لازمة اليدة مالت الدرج و انزل تلكتني نور
نور: روز شبيچ سمعت يوسف يصيح
روز: بعدين احچي الچ 😭
نور: زين تعالي اوصلچ لشقتچ
روز: لا اني اخذ تكسي و اروح شكراً 😭 اخذت تكسي و رجعت لشقتي و درست و نمت كعدت الصبح رحت للجامعة و رحت لنور هلو نور
نور: هلو حبيبتي ليش البارحة اجيتي تبچين
روز: دكيت الباب علي و فتحه و حضنته كتله يوسف شلونك و دفعني وكعني بالكاع و كال ......... و اني اعرف انو اني غلطانة كل الحچي الكالة صح
نور: بس اني ماحچيت الچ عن حالة حتى تسألين علي و المفروض هو يسأل عنچ بس هو انصاب بأكتئاب و مكدر
روز: اي صح
نور: بس شلون حيطلع من الأكتئاب اذا هو ميريد يشوفچ و الدكتور يگول لازم يشوفچ
روز: ما ادري ولله صدك عندي حل
نور: شنو هو
روز: خلو يتزوج وحدة يمكن يحبهه و ينساني
نور: ممممم بس انتي تحبينه
روز: سكتت شوية بعدين كلت لا ( طبعاً شوية صارت الي مشاعر اتجاهه ) بعدين خلص الدوام و رجعت لشقتي
يوسف: رجعت من الشغل اتغديت و صعدت للغرفة اجوني نور و امي
ام يوسف: هلو يمة شلونك
يوسف: الحمدلله تريدون شي
ام يوسف: حبيبي انت لازم تتزوج
يوسف: ما اتزوج و سدو هذا الموضوع
ام يوسف: لعد شلون تضل هيچ حالتك
نور: يمعود خلي تولي ( على روز بس مو من قلبهه حتى يقتنع يوسف ) شلون يعني توكف حياتك علمودهه
يوسف: هم صح توكف حياتي علمود بنية متريدني بس ما اكدر انساهه
ورة مناقشة طويلة و اقناع يوسف قرر انو يتزوج و كال لأمه تدور اله بنيه
بعد مرور شهر
روز: خلصت المرحلة الاولى من الجامعة و بالعطلة كمت اشتغل بالكوفي
يوسف: چنت راجع من الشغل و كعدت بالغرفة اجتني امي
ام يوسف: يوسف لكيت الك خوش بنية محترمه و بنت عائلة محترمة
يوسف: شنو اسمهه
ام يوسف: رفيف
رفيف: اعرفكم على نفسي اسمي رفيف عمري 20 تاركة الدراسة لان اريد اتزوج شكلي عادي شعري اسود عيوني لون بني طولي 163 وزني 60 مربربة 😂 لون بشرتي حنطاوي مايل على سمار
يوسف: تمام اني موافق شوكت نخطبهه
ام يوسف : بكيفك يمة
يوسف: خطبنة البنية و حددنة موعد العرس و تزوجنة و مرت 5 اشهر و بصراحة اني حبيت البنية و نسيت روز و بيوم رحنة لكوفي اني و رفيف دخلنة و كعدنة على ميز و ردنة نطلب اجة الي ياخذ الطلب
روز: اجو ناس للكوفي رحت اخذ طلبهم بالبداية ما انتبهت منو همه رحت عليهم سلام عليكم
يوسف و رفيف: عليكم السلام
روز: شنو طلبكم
يوسف: اني هوت كوفي
رفيف: اني ايس كوفي
روز: اخذت الطلب بعدين وخرت الدفتر من كدامي و انصدمت طلع يوسف وية بنية
يوسف: باوعت على الي اخذ الطلب طلعت روز ما اهتميت
روز: رحت انطيت الدفتر لواحد من العمال و رحت للحمام و دموعي صارت تنزل و احنة العمال عدنه حمام خاص بس ما ادري ليش رحت لحمام الزبائن
رفيف: شفتهم يباوعون لبعض و راحت البنية للحمام كلت يوسف راح اروح للحمام و لحكتهه دخلت للحمام و شفتهه تبچي ولچ ليش چنتي تباوعين على زوجي شنو بينكم شي 😡
روز: هذا زوجچ
رفيف: اي
روز: الله يسعدكم و رحت اكمل شغل
رفيف: هاي البنية ما ارتاحيت الهه و رجعت ليوسف خلصنة و رجعنه للبيت
روز: رجعت البنية ليوسف و ضليت ابوع عليهم يلزم ايدهه و مبين يحبهه و كلت الحمدلله نساني الله يسعدهم
ملاحضة: ترا روز من چانت متزوجة يوسف هواي ناس يصيحون الهه الهه الفصلية و يذلوهه لهذا السبب انفصلت
رفيف: يوسف
يوسف: ها
رفيف: البنية الي اجت اخذت طلبنة من چنة بالكوفي تعرفك تعرفهه نظراتهه ماريحتني
يوسف: شنو لا ما اعرفهه
رفيف: قررت انو اعبر الموضوع يمكن البنية چانت متزوجة و زوجهه خانهه و شافتنه عايشين حياة حلوة و اتذكرت زوجهه و بچت
روز: قررت انو اروح لبيت اهلي و اعرف ابوية ليش جبرني اروح فصلية اليوم الثاني طلعت من الشغل من وكت و رحت للشقة تجهزت و اخذت تكسي و رحت لبيت اهلي دكيت الباب طلع اخوية الچبير من ابوية من الزوجة الاولى اسمه احمد عمره 28 حيل يحبني مثل ياسر حضنته و حضني
احمد: شلونچ حبيبتي
روز: الحمدلله انت شلونك
احمد: بخير شلون حياتچ
روز: خلي ندخل و اسولف الكم دخلت سلمت على امي و الكل و كالو بابا طالع و امي دموعهه تنزل ماما كافي تبچين خلي احچي الكم و حچيت الهم كلشي صار بية و الكل انقهر بعدين اخذوني خواتي قمر ( اختي من الزوجة الثانية ) و رانيا ( اختي من ابوية من الزوجة الاولى عمرهه 20 )
قمر و رانيا: تعالي ولچ شنو مواصفات زوجچ
روز: عفواً طليقي
قمر و رانيا: اي طليقچ
روز: طويل طوله 188 وزنه 81 و معضل و شعره بني و عالي بس مو كلش لان هو ميحتاج طول و لون بشرته حنطاوي مايل على ابيض عيونه لون عسلي و كبار اي صح عمره 24 و لحيتة تجنن بس مو طويلة
رانيا: الله طاح حظچ ليش اتطلقتي منه رجال كل البنات يتمنونه
روز: بس ترا ولله هواي ناس حچو عليه و غلطو بس همه يعاملوني معاملة حلوة
قمر: اجة بابا شفته من الشباك
روز: صدك خلي اروح نزلت شفته دخل من الباب و شافني
الاب خالد: ( ابو روز ) ها عرف رجلچ انتي مو شريفة ( بأبتسامه خبيثة )
روز: نعم ( بصوت شوية عالي )
الاب خالد: عرفو انتي مو عذراء ( بصوت عالي )
روز: شنووووو ( بصوت عالي )
الاب خالد: مثل ماسمعتي
روز: يعني هذا السبب الي خلاك تجبرني اروح فصلية
الاب خالد: اي
روز: منو كال الك
الاب خالد: قبل كم يوم من اخوچ ضرب الولد انتي چنتي مريضة وديناچ للمستشفى و سوو الچ هواي تحاليل و خلصنة و انطوچ علاج و اجة الدكتور انطاني اوراق تحليل و كال عمو هذا تحليل لازم تشوفه اخذته منه و شفته طلع انتي مو عذراء و ضليت افكر شنو اسوي بيچ بعدين اخوچ ضرب الولد كلت هاي فرصة حتى اخلص منچ و انطيتچ فصلية
روز: انصدمت بس اني فهمت الموضوع و كلت تمام هذا الدكتور چان يچذب عليك لان من چنة بالمستشفى چنة وحدنة اني ويا بلغرفة چان يفحصني كال يا حلوة ممكن الرقم كلت الة انچب يا حقير اسكت ترا اكول لابوية بعدين سكت و سوة هذا التحليل المزور و انطاه الك حتى ينتقم مني لان ما انطيته الرقم و مستعدة هسه نروح للمستشفى و اسوي تحليل اذا اني عذراء او لا تمام
الكل مصدوم
الاب خالد: اكيد تچذبين و يله تعالي نروح نسوي تحليل و اذا طلعتي صدك مو عذراء اني متبري منچ
روز: تمام يله و اجو ويانة ياسر و ماما و سويت تحليل و طلع انو اني عذراء و ابوية شافه
الاب خالد: بنيتي اني اسف
روز: عادي بابا اني مسامحتك و حضنته و رجعنه للبيت و رجعت اعيش ببيت اهلي و بطلت شغل بالكوفي و رجعت لحياتي القديمة بس يوسف مراح من بالي
يوسف: عشت حياة حلوة وية رفيف صح شكلهه عادي بس اسلوبهه و سوالفهه حلوة لهذا السبب حبيتهه و روز راحت من بالي بيوم من الايام چنت راجع من الشغل مبكر وصلت لغرفتي سمعت رفيف تحچي بل تليفون وية ولد تكول اني احبك و اني متزوجة هذا بس علمود الفلوس انشاء الله بس اخذ منه هواي فلوس اطلب الطلاق و هو خطية فطير و راح يطلقني فقدت اعصابي و فتحت الباب بكل قوتي فزت هي كلت الهه امشي ولي لبيت اهلچ و باچر نروح للمحكمة و نطلق ( ماضربتهه ولا شي لان اني ما احب اضرب ) و هي تبچي تكول بس اريد افهمك كلت الهه ولي جهزي غراضچ و نزلت حچيت لابوية و اني كل شي و كالو خلي تولي طلكهه وديتهه لبيت اهلهه و طلكتهه بس مادخلت بأكتئاب و ماصار بية شي بيوم من الأيام صديقي دزلي رساله يكول هلو يوسف كلت اله هلو كال خطفت خوش بنية انصدمت شنو خطف بنية كلت اله شنو خاطف بنية كال بنية تجنن اتونس وياهه ( يغتصبهه ) اني اعرفه ميسوي هيچ شي حتى مامسولف بي و دزلي صورتهه انصدمت طلعت روز كلت الهه عوفهه اني هم اريد اتونس وياك ( ردت انقذهه ) كال تمام هذا المكان رحت بسرعه اخذت سيارتي و رحت للمكان لكيته مربطهه و هي مغمى عليهه سلمت علي كلت اله اغتصبتهه كال لا كلت الحمدلله اخذتة ضرب بوكسيات و دفرات بعدين خابرت للشرطة يجون ياخذونه اجو الشرطة اخذو و فتحت الحبل من روز و شلتهه وديتهه للسيارة و رحنة للمستشفى شافهه الدكتور سوو الهه تحاليل كال عذراء كلت الحمدلله بعدين هي كعدت
روز: اني وين و ابچي 😭
يوسف: اشش اني وياچ
روز: يوسف شنو جابك 😭
يوسف: بعدين اسولف الچ ارتاحي
روز: اريد ماما 😭
يوسف: تمام افتحي تليفونچ اخابر اهلچ يجون ( طبعاً قبل ما اجي چان صديقي ضارب روز ضرب قوي و لازم تروح للمستشفى ) فتحت التليفون و خابرت امها
ام ياسر: ( ام روز ) ها حبيبتي وينچ تأخرتي
يوسف: خالة اني طليق روز
ام ياسر: شنوو شعنده موبايلهه يمك
يوسف: خالة روز چانت متعرضت لمحاولت اغتصاب و الي چان يريد يغتصبهه صديقي تعالو لمستشفى... و اسولف الكم كل شي
ام ياسر: تمام جايين
يوسف: ضليت كاعد يمها و اجو اهلها سولفت الهم كل شي و شكروني و رجعت للبيت
تسريع للأحداث: بعدين يوسف و روز صارو اصدقاء يعني شلة وياهم ولد اثنين و بنات اثنين الي هي نور و صديقتهم ريم و صديق يوسف علي زوج ريم و صديق يوسف محمد
روز: بيوم عيد ميلادي و الشلة كالو خلي نسوي الچ عيد ميلاد و دزولي الموقع و لبست فستان احمر طويل و و لبست حذاء كعب لون احمر و حطيت مكياج خفيف و سويت شعري ويڤي و رحت للمكان
يوسف: قررنة نسوي عيد ميلاد لروز لبست قميص ابيض و سترة لون نيلي و بنطرون اسود و سويت شعري و رحت للمكان الي هو حديقة حلوة و سوينة بيهه ديكورات كلش حلوة وصلت روز
روز: وصلت لحديقة حيل حلوة و استقبلوني و عايدوني و صار وقت اطفي الشمعة
يوسف: طفيت الشمعة وياها
روز: انطوني الهدايا و شكرتهم و رقصنة شوية 😂 و خلصنة رجعت للبيت
بعد مرور 3 سنوات
يوسف: سنة 2022 قررت انو اخطب روز لان صرت اعشقهه و بيوم دزيت الهه رساله انو نلتقي كالت تمام التقينا و سلمت عليهه كلت الهه روز
روز: ها
يوسف: احبچ
روز: شنوو
يوسف: اي و اريد اخطبچ
روز: سكتت من الصدمة
يوسف: انتي الي و بس
روز: اني ما اكدر اصير لغيرك ( بدموع )
يوسف: من الفرحة حضنتها و شلتها و هي هم حضنتني بعدين نزلتها و طول الوقت اني حاضنها و هي حاضنتني و خطبناها و اهلي و اهلها وافقو و صار العرس
روز: اجة يوم العرس لبست الفستان الابيض و حطيت مكياج خفيف طلعت اجنن 😍 و بدينة نرقص و شغلو اغنية اول مرة مالت طيف نزلت جديدة كلش احبهه
يوسف: و لبست قاط لون اسود و سويت شعري و بس و احنة نرقص شلتهه و صرت افتر بيهه 😊
روز: خلص العرس و رحنة للفندق و عشت احلى حياة وية يوسف ♥️🫶🏻💛
لهنا انتهت هاي القصة اتمنى عجبتكم لاتنسون تصويت و تعليق لان ولله تعبت بيهه انتظروني بقصة جديدة بايي ♥️🫶🏻🤍
