حياة 💔
٢٠١٧
الجـسر الذي مشيت عليه كاد يسقط قبل سنين .. لولا امر ربـي
_____________________
مواجعنا باتت خسارة
هانت الدنيا علينا وعند الله لا نهون
الا لعنة الله على من سلب حياةَ من الحياة
اليوم درسونه درس
گالوا الصحبان الصدگ لا ما يفرقهم دهر
ارفعت اديه وحضرت
كتلة يأستاذ الدهر يكسر بالأصحاب الظهر
إنكسر ظهري بفرگتج..
من الگبر واسمع ضحكتج
عيني يجويها الدمع لمن اشوفج بالصور
گوومي..
گوومي طحت مثل الورگ
لميني يا أجمل غصن طاح وكسر گلب الشجر
الگبر ما يدفن ورد
دفنوووج ليش بهالگبر؟؟؟
يا وسفة وجهج بالترب
والليل وحشة بلا گمر
مو گلتي ابد ما نفترگ؟؟
يالكلهن عيونچ عشگ
صيحلي (حُرة) وأنطفي
گووومي انا بروحي جمر
اشعجب يمج وانتحب؟
وانتي ولا رفلج گلب؟
فتحيلي گبرج خلي اطب
واحچيلج شسوة الدهر
الآااااه ما تنفع بَعد
والونه ما تنفي البُعد
بس اني لا ما ايست
لسه ترجعيلي انتظر
من الموت اخاف شكد جنت!
هسه انتي من امشيتي
صرت انتظر.. الگة الگبر
ويصير داري وبيتي
جنتي العمر
اااه يالعمر .. يعني انتي لو متي صدك معناها انا العمرري گصرر
نامي نامي وارتاحي باللحد
ياريت ميتة ولا اشوفج هالوضع
ينزف اللي بنص گبر فاگد ضلع
صوتي لمن فرفحت لا ما طلع
على گبرج ورد آثاره الدمع
يااگبر سلم عليها
ادري بيها مو باديها
بعد جم يوم واجيها
لمن يموت الصبر... 💔💔
الكلمات بقلمـ... الشاعره rasoleui
______________________
فتحت الدفتر ع صفحات "حياة حره" شفت الورقه الي بصفها ملونه بلون احمر وتحتها مكتوب «٢٠٠٩ /٢٠١٧»
"صديقتي حُره مَاقلتيه صحيح ،، هذهِ الحياة حارقه لاحلامنا البسيطه .. هذا ما تيقنتهُ بعد اتهامي
باني مُرتده ..
وسقوط الموصل ..
واستشهاد حبيبي ..
وهجرتي حيث لاأريد ..
وحرق الشقراء ..
واستشهاد اختي ..
لقد كنا ضحايا ..
نعم نحن الضحايا ..ضحايا الحروب"
_______________________
حطيت ايدي ع گلبي حتى من اتنفس اتأذى كلبت الصفحه الثانيه من الدفتر مكتوب عشوائيات سنين وكلمات
ورد..
وجع..
حب..
اشتياق..
وتحت مكتوب
" ٢٠١٧ كانت أصعب مِن حيـرتي في تجميع نقود الـدواء لـجدتي"
________________
🥺💔
أنت تقرأ
كتابات حياة
General Fictionكتاب انشر بيه كتابات حياة مأخوذه من قصة هل كان حلما (العراق المصغر) وهم انشر بيه سكرينات انستا واخبار الكاتبه Nawras Qassem والي حابه انشرلها من قصتها تگلي وتدلل
